Video
8-min walk from Exit A2, Mong Kok MTR Station
continue reading
Telephone
54350812
25060638 (只接受打電話預約)
Additional Information
朱古力、甜品不設外賣／只接受打電話預約／用餐時間90分鐘／因衛生關係無法雪藏外來食品／不接受外來食物
Opening Hours
Today
12:00 - 16:00
18:00 - 21:00
Mon - Sun
12:00 - 16:00
18:00 - 21:00
*Mon: Closed (Except Public Holiday); Last order: 21:00 (Tue-Thu & Sun); 21:30 (Fri-Sat)
Above information is for reference only. Please check details with the restaurant.
二世祖 Easy Joe📍大角咀福全街18號地舖收工後同朋友約好去奧運行街買嘢，遇上連鎖壽司店開張，拎咗飛諗住行下睇下，好快有得食。點知hea咗成個鐘先叫得50幾張檯，朋友叫晒肚餓，我哋只好轉場搵食。覓食之際，朋友又向我提起佢同事介紹、佢bookmark已久嘅easy joe，話今次真係好想去食。打電話去確認有得walk-in後，佢就急不及待入去坐低叫嘢食。雖然食後覺得嘢食未去到五粒星咁好食，但勝在環境衛生舒服、店員服務態度殷勤、再加上CP值好高嘅甜品，我哋決定擇日再食，希望下次嚟到餐品水平會有所提升！ 💰$148自家製芥末洋蔥醬炸雞窩夫 🧇朋友一望menu就立即鎖定要食chicken & waffle，既然佢咁想食就解禁一下，陪佢食下肥膩熱氣嘢。整盤餐點賣相不俗，最吸引眼球嘅太陽蛋仲選用咗無菌蛋製作，令人食得放心，如果喺顏色上有更多變化，用上唔同配粒點綴，唔係全部都黃色啡色，相信賣相會更加吸引。炸雞調味適中，大部份雞肉都炸得嫩滑，唯獨邊位有點乾柴，如能改善會更好。但waffle整體令人失望，貌似香脆可口，實質口感偏軟鬆散。自家製芥末洋蔥醬味道偏酸，加入糖漿後，甜味又有點突兀，似乎喺調味同口感方面有待改善。 💰$198原隻軟殼蟹龍蝦汁蟹肉海鮮意大利飯 🦞🦀朋友鎖定嘅第二樣餐點，就係risotto，因為有我哋至愛嘅軟殼蟹同蟹肉。用龍蝦汁嚟煮的確幾新穎，味道亦夠濃夠鮮。Risotto口感偏硬有咬口，餐廳都有老實哋喺menu上列明，如果大家鍾意食軟食啲嘅，記得落單時要講清楚。軟殼蟹炸到透晒，雖然唔算大隻，但口感味道不俗。若果要挑剔，我哋都認為價錢略高，而且飯內除咗混有些少蟹肉，就無其他「海鮮」元素，淨係睇住中文菜名嚟叫，唔睇清楚用英文寫嘅ingredients，會有少少落差感，亦會相對覺得唔太抵食。 💰$108提拉米祖 🍮全晚最震撼應該就係呢個甜品啦！無估到甜品居然咁大份，即使單點價錢比一般cafe貴，但份量多足接近一倍，size有如mini cake，同家人朋友嚟呢度慶生，真係蛋糕都唔洗買！只限晚市供應嘅自家製提拉米祖造型搞鬼，表面插住一對眼仔碌碌嘅大眼睛，吸引唔少食客叫嚟打卡。味道無一般tiramisu嘅咁重咖啡味，唔太食到酒味。朋友鍾意佢用海綿蛋糕而唔係手指餅相隔住，因為佢唔太鍾意浸淋咗嘅口感，呢度嘅甜品就啱晒佢口味！ 💰$48宇治抹茶白朱古力奶 🍵飲品方面，我叫咗人氣飲品宇治抹茶白朱古力奶。用上厚身玻璃樽裝住，賣相又靚又特別，相信好多人都想成枝帶走，難怪餐廳必須要寫明只限堂食，唔可以外賣。我自己非常喜歡抹茶味嘅飲品，而朱古力奶亦係我top 3選擇之一，但白朱古力奶我又真係未試過，更莫講將三者混合調製嘅飲品。本來以為會好甜膩，估唔到比例調配完美，既飲到抹茶嘅微苦微澀，又飲到白朱古力奶嘅香甜幼滑。果然招牌的確係唔同啲，配上細玻璃杯飲用，大家就可以慢慢享用滋味無窮嘅宇治抹茶白朱古力奶！ 💰$46士多啤梨奶昔 🍓朋友就喺menu上推介嘅飲品中，揀咗士多啤梨奶昔嚟飲，咁啱同身後壁畫一樣，即刻合照一張！我哋留意到壁畫上沖泡飲品嘅身影同當晚水吧嘅負責人為同一人，者算係意外發現嘅Easter egg！講返杯milkshake，略嫌士多啤梨味唔出，整杯飲品味淡多泡，有可能係呢一水士多啤梨唔夠香、唔夠甜，所以飲落有啲失色。
continue reading
今次我地特登黎大角咀食一間好味既cafe，我好耐之前黎過食，覺得佢既抹茶朱古力奶係無語倫比，第二度飲唔到，今次黎食就係為左抹茶朱古力奶而黎啦😍我地平日去都要排一陣隊，不過好快都有得入，我地坐門口既bar枱位，裝飾都幾靚，望向街食都幾好feel，今次黎食餐牌印象比之前更多選擇👏🏻二世祖特色雞翼（秘製蛋黃香辣味）（$78）佢地既特色雞翼有兩隻味揀，有蜜糖同我揀既蛋黃香辣味既醬，雞翼整得脆脆地，呢隻醬係微微既香辣，同個雞翼都幾夾🐥明太籽櫻花蝦配青瓜絲扁意粉（$138）明太籽意粉從來都係我最鐘意食既口味，呢度既明太籽意粉，個醬整得夠creamy，又多醬，配埋d蝦同青瓜既爽脆口感一流🍝原隻軟殼蟹香烤菠蘿漢堡配洋蔥圈（$168）個漢堡包加隻眼仔裝飾得好可愛，軟殼蟹都大隻，仲有表面既辣醬令佢食落冇咁乾，件燒菠蘿都整得好，燒到表面少少濃，又唔會令菠蘿流失水分，伴碟既洋蔥圈，新鮮炸出，炸野熱辣辣就夠好食🍔🧅🦀士多啤梨奶昔（$46）奶昔相對比較稀，入口好滑，好fresh，有別於好杰既奶昔，感覺唔錯🥛特濃宇治抹茶白朱古力奶（$48）到左我特登黎飲既抹茶朱古力奶，水準keep住高峰，香濃既抹茶味混入香滑既奶，果種幼滑既感覺真係第二度飲唔到，最重要係呢枝奶只限堂食，所以想飲就一定要黎堂食飲先得🍵呢間cafe食物同野飲都好出色，難怪係少有平日黎食都要排隊既餐廳，今餐食得好滿足🥰
continue reading
二訪EasyJoe Cafe 鐘意呢度嘅特式咖啡今次都不例外，專誠約朋友嚟聚舊，順便來飲咖啡餐廳周圍都是油畫牆，極具心思，環境好舒服，加上職員有禮，值得推介芝麻汁蟹肉蜜桃配中東米沙律 $108新鮮沙律菜 配上麻醬惹味開胃，蟹肉蜜桃配搭好夾 提升味道層次感原隻軟殼蟹龍蝦汁蟹肉海鮮意大利飯 $198原隻軟殻蟹好香脆，食得好滋味 配濃郁龍蝦汁蟹肉海鮮意大利飯 意大利飯煙韌有咬口，龍蝦汁蟹肉夠鮮味 阿祖朱古力心太軟配雪糕(玄米茶) $88甜品賣相好靚，即叫即製心太軟 外脆內軟綿綿 配內裡暖笠笠香濃朱古力岩漿 超讚 玄米茶雪糕 味道特別又吾太甜 值得推介朱古力咖啡 $48濃郁的朱古力咖啡 口感一流百利甜酒鮮奶咖啡 $48香醇的咖啡 帶點酒香 口感幼滑 好啱我口味
continue reading
2年前朋友帶過我食呢間餐廳 感覺都唔錯前排見到好多食家推介 話轉左新menu好正咁我都突登帶多個人 一齊去試下係咪真係咁正😝******************************食物s:🍽️慢煮加拿大豬鞍架配特色酸梅蛋黄醬 ($198)慢煮豬鞍肉質厚實唔韌 火喉控制得好好預先淋上酸梅蛋黃醬一齊烤煮 令醬汁更能融入豬肉中食落酸酸甜甜咁 非常開胃又惹味 底下以薯蓉鋪墊 軟滑且充滿忌廉香味配菜嘅蘆筍同烤菇同樣出色🍝自家製冬蔭功虎蝦闊 ($158)闊條面條充分吸收冬蔭功汁 但感覺輕盈唔會食到成口都係醬汁 啱晒唔鐘意太creamy感覺嘅人加入咗炸蒜一齊烹調 口感更有層次 味道唔算好辣 唔太食得辣嘅都可以食到🍵特濃宇治抹茶白朱古力奶 ($48)呢杯自家每日人手沖製嘅特飲使用日本抹茶粉同明治4.3鮮奶製成抹茶味同奶味都濃 質感好厚實 好full🫖山楂玫瑰烏龍茶 ($48)港女最啱就位試埋佢哋自家研製配方嘅花茶山楂+玫瑰+烏龍茶呢個組合幾新鮮 味道都夾到飲落開胃又解膩 送意粉同肉肉都好啱******************************小結:食物質素的確比起2年前初訪更進步好多食物同飲品都係自家研配 幾有誠意 我同朋友食完後都對2個主食大感滿意價錢亦合理 非常推薦大家都可以一試😋
continue reading
I recently visited Easy Joe, a highly acclaimed restaurant known for its creative interior design and famous cuisine. With its reputation for quality and creativity, it's no wonder that Easy Joe is always fully booked and doesn't accept walk-ins. The appetizer was a perfect start to the meal. The wings were cooked to perfection, with a crispy exterior and tender meat. The spicy mayo sauce added a delightful kick to the dish.The carbonara linguine was a delicious twist on a classic dish. The pasta was cooked al dente and coated in a creamy and flavorful sauce. The addition of homemade honey mustard onion sauce, sunny side up eggs, fried chicken, and waffles with peanut created a unique and satisfying combination of flavors.The 🥑 avocado milkshake was a refreshing and creamy beverage. The smooth texture and rich avocado flavor made it a delightful accompaniment to the meal. The strawberry 🍓 milkshake was a sweet and indulgent treat. The quality and creativity of the food, combined with the restaurant's unique interior design, made it a memorable visit.
continue reading