Video
Read full review
2024-04-29
155 views
二世祖 Easy Joe📍大角咀福全街18號地舖收工後同朋友約好去奧運行街買嘢，遇上連鎖壽司店開張，拎咗飛諗住行下睇下，好快有得食。點知hea咗成個鐘先叫得50幾張檯，朋友叫晒肚餓，我哋只好轉場搵食。覓食之際，朋友又向我提起佢同事介紹、佢bookmark已久嘅easy joe，話今次真係好想去食。打電話去確認有得walk-in後，佢就急不及待入去坐低叫嘢食。雖然食後覺得嘢食未去到五粒星咁好食，但勝在環境衛生舒服、店員服務態度殷勤、再加上CP值好高嘅甜品，我哋決定擇日再食，希望下次嚟到餐品水平會有所提升！ 💰$148自家製芥末洋蔥醬炸雞窩夫 🧇朋友一望menu就立即鎖定要食chicken & waffle，既然佢咁想食就解禁一下，陪佢食下肥膩熱氣嘢。整盤餐點賣相不俗，最吸引眼球嘅太陽蛋仲選用咗無菌蛋製作，令人食得放心，如果喺顏色上有更多變化，用上唔同配粒點綴，唔係全部都黃色啡色，相信賣相會更加吸引。炸雞調味適中，大部份雞肉都炸得嫩滑，唯獨邊位有點乾柴，如能改善會更好。但waffle整體令人失望，貌似香脆可口，實質口感偏軟鬆散。自家製芥末洋蔥醬味道偏酸，加入糖漿後，甜味又有點突兀，似乎喺調
📍大角咀福全街18號地舖
收工後同朋友約好去奧運行街買嘢，遇上連鎖壽司店開張，拎咗飛諗住行下睇下，好快有得食。點知hea咗成個鐘先叫得50幾張檯，朋友叫晒肚餓，我哋只好轉場搵食。
覓食之際，朋友又向我提起佢同事介紹、佢bookmark已久嘅easy joe，話今次真係好想去食。打電話去確認有得walk-in後，佢就急不及待入去坐低叫嘢食。雖然食後覺得嘢食未去到五粒星咁好食，但勝在環境衛生舒服、店員服務態度殷勤、再加上CP值好高嘅甜品，我哋決定擇日再食，希望下次嚟到餐品水平會有所提升！
[價錢 Price]
💰$148
自家製芥末洋蔥醬炸雞窩夫 🧇
朋友一望menu就立即鎖定要食chicken & waffle，既然佢咁想食就解禁一下，陪佢食下肥膩熱氣嘢。整盤餐點賣相不俗，最吸引眼球嘅太陽蛋仲選用咗無菌蛋製作，令人食得放心，如果喺顏色上有更多變化，用上唔同配粒點綴，唔係全部都黃色啡色，相信賣相會更加吸引。
炸雞調味適中，大部份雞肉都炸得嫩滑，唯獨邊位有點乾柴，如能改善會更好。但waffle整體令人失望，貌似香脆可口，實質口感偏軟鬆散。自家製芥末洋蔥醬味道偏酸，加入糖漿後，甜味又有點突兀，似乎喺調味同口感方面有待改善。
[價錢 Price]
💰$198
原隻軟殼蟹龍蝦汁蟹肉海鮮意大利飯 🦞🦀
朋友鎖定嘅第二樣餐點，就係risotto，因為有我哋至愛嘅軟殼蟹同蟹肉。用龍蝦汁嚟煮的確幾新穎，味道亦夠濃夠鮮。Risotto口感偏硬有咬口，餐廳都有老實哋喺menu上列明，如果大家鍾意食軟食啲嘅，記得落單時要講清楚。軟殼蟹炸到透晒，雖然唔算大隻，但口感味道不俗。若果要挑剔，我哋都認為價錢略高，而且飯內除咗混有些少蟹肉，就無其他「海鮮」元素，淨係睇住中文菜名嚟叫，唔睇清楚用英文寫嘅ingredients，會有少少落差感，亦會相對覺得唔太抵食。
[價錢 Price]
💰$108
提拉米祖 🍮
全晚最震撼應該就係呢個甜品啦！無估到甜品居然咁大份，即使單點價錢比一般cafe貴，但份量多足接近一倍，size有如mini cake，同家人朋友嚟呢度慶生，真係蛋糕都唔洗買！只限晚市供應嘅自家製提拉米祖造型搞鬼，表面插住一對眼仔碌碌嘅大眼睛，吸引唔少食客叫嚟打卡。味道無一般tiramisu嘅咁重咖啡味，唔太食到酒味。朋友鍾意佢用海綿蛋糕而唔係手指餅相隔住，因為佢唔太鍾意浸淋咗嘅口感，呢度嘅甜品就啱晒佢口味！
[價錢 Price]
💰$48
宇治抹茶白朱古力奶 🍵
飲品方面，我叫咗人氣飲品宇治抹茶白朱古力奶。用上厚身玻璃樽裝住，賣相又靚又特別，相信好多人都想成枝帶走，難怪餐廳必須要寫明只限堂食，唔可以外賣。
我自己非常喜歡抹茶味嘅飲品，而朱古力奶亦係我top 3選擇之一，但白朱古力奶我又真係未試過，更莫講將三者混合調製嘅飲品。本來以為會好甜膩，估唔到比例調配完美，既飲到抹茶嘅微苦微澀，又飲到白朱古力奶嘅香甜幼滑。果然招牌的確係唔同啲，配上細玻璃杯飲用，大家就可以慢慢享用滋味無窮嘅宇治抹茶白朱古力奶！
[價錢 Price]
💰$46
士多啤梨奶昔 🍓
朋友就喺menu上推介嘅飲品中，揀咗士多啤梨奶昔嚟飲，咁啱同身後壁畫一樣，即刻合照一張！我哋留意到壁畫上沖泡飲品嘅身影同當晚水吧嘅負責人為同一人，者算係意外發現嘅Easter egg！
講返杯milkshake，略嫌士多啤梨味唔出，整杯飲品味淡多泡，有可能係呢一水士多啤梨唔夠香、唔夠甜，所以飲落有啲失色。
Post
