Greyhound Café (MOKO) (Closed)

話說講講下開餐, 誤打誤撞見到呢間餐廳有出泰式tea set, 即日book都重可以食到, 去到餐廳見到sold out, 好彩已book有得食😁上層係泰式柚子沙律, 酸酸的很開胃, 幾吸引第一個就先食佢, 旁邊有三文魚mix泰式辣青醬, 真係估佢唔到幾夾! 另外重有越式鮮蝦雞肉米紙卷, 都好正好滿足, 除左個皮比較厚就爭啲講起中層務必要食餐廳既千層蛋糕, 邊食邊👍🏻呀真係! 放係架上面大大件, 每一啖都平均食到重既斑蘭味cream, 味道好濃而且非常香滑! 用料真係堅足wo! 質素好好唔太甜, 如果個胃爭氣啲有位都重想食多個😜 旁邊重有2粒我至愛既macaron❤下層係泰式小食拼盤, 鹹食愛好者既我表示非常喜歡! 想食既樣樣都有啲, 重配埋香口既沙嗲醬,微辣既青醬&百搭既甜辣醬, 快快就比我掃哂lu~Afternoon tea set $298 for 2

Greyhound café超抵食下午茶唔只平，仲好好食， 鹹點同平時嘅質素一樣，但好似小食拼盤咁試晒咁多款。甜品嗰兩舊cake好軟熟亦都好香。一件係斑蘭千層，另一件野莓好creamy。仲有兩件馬卡龍。飲品原來檸茶要加錢，呢點扣分。Openrice訂枱七折，298×70% ，按原價加一。唔計加錢的飲品，人均120蚊咋。平時食件cake都78蚊加一啦。所以好抵。好飽肚，所有食物都好食，希望呢個優惠可以做耐啲啦！

疫情究竟幾時完呀, 真係好掛住泰國呀!!!! 掛到成日要食泰國菜, 今晚就去MOKO既GREYHOUND, 話哂都係泰國知名品牌, 自我安慰同泰國既感覺再近D!!GREYHOUND既環境具設計感, 型格得黎富有泰國色彩, 坐位寬敞舒適, 整體感覺不錯。到達既時候係7點左右, 餐廳未算好多人,  店員亦有禮有招呼。Main menu包羅萬有, 真係好多選擇, 樣樣都想食, 另外有一個Seafood Special Menu, 將海鮮既菜式集中既一齊, 一目了然。豬頸肉糯米飯好地道既一度菜, 係泰國既平民美食, 豬頸肉燒得焦香可口, 油香豐富, 肉質爽口, 配上既辣椒汁混入魚露, 同泰國既味道一模一樣, 簡單又滋味!!! 糯米飯煙韌軟糯, 用上泰國傳統竹製容器盛載, 特別有風味!椒鹽蝦椒鹽蝦份量多, 蝦球飽滿厚身, 肉質彈牙。 椒鹽做法香口惹味, 擠少少檸檬汁落去味道更突出更有層次, 非常好食!啖啖蟹肉黃咖哩虎蝦配印度煎餅必點之選~ 見到個樣都心心眼!! 大大碟既咖哩虎蝦, 虎蝦球新鮮彈牙, 咖哩加入左蛋花, 質感濃稠,  重點係蟹肉!! 可以見到表面有好多去哂嗀一絲絲既蟹肉, 份量驚喜地

鍾意黎呢個brand嘅餐廳，同系列都係好cool好潮嘅裝潢，創新嘅泰國菜色，環境仲好適合同friend gathering嘅氣氛。黑蘑菇忌廉湯同粟米蟹肉湯必叫，尤其是粟米蟹肉湯，粟米甜加上蟹鮮同少少調味，入口有粟米碎同蟹肉，口感好似食纖維粥咁。黑蘑菇忌廉湯係一碗滿滿嘅黑磨菇碎，好香濃磨菇味，入口係厚厚嘅口感。伴上新鮮烘熱嘅香蒜牛油法包，香鬆軟，一餐好嘅開始～重頭戲係啖啖蟹肉黃咖哩虎蝦背印度煎餅，上次食嘅時候配飯覺得好好食，今次就試吓配印度煎餅～我覺得份量比跟飯大d，味道一貫咁好味～惹味咖哩+入口啖啖蟹肉+新鮮虎蝦，酥軟煎餅點唔點咖喱都一樣好食，3、4個人都夠食呀！呢個fusion香蒜辣椒蟹肉意大利麵，胡椒味勁重，少少辣，蟹肉份量多，意粉質感Q彈感適中，香辣惹味～菜類中泰式炒通菜$88我最愛，用泰式香料炒起嘅鮮嫩通菜，炒得均勻，香料味滲哂入通菜～登登登登！必必必食招牌椰子千層蛋糕，每層中間都有椰肉，新鮮忌廉口感好soft好滑，鮮香滑都齊，比起專食甜品嘅千層蛋糕更優勝！感覺上呢間分店服務質素好左，bookmark list排行up～

今日嚟到旺角覓食 lol話說同朋友行到累累地 想搵個位坐下都無機會經過 Greyhound Café 門口發現有蛋糕 就心思思入咗去我哋每人都點咗 1件蛋糕同1杯飲品朱古力情人：朱古力味都算濃 我覺得幾好食 但價錢偏貴朱古力香蕉千層：香蕉味同蛋糕都好夾 值得一試泰式奶茶：有泰國飲嘅味道就係夠甜

一開始入座我話兩位，男職員問我有冇訂位，我答有，但係佢其實都冇check就直接帶我入座，唔知問黎做咩。然後用餐期間有隻小強係我隻碟出現，仲好生猛咁行緊，我朋友即刻叫職員過嚟，有個女職員過嚟講咗聲唔好意思就拎走隻碟，事後都冇人再過黎慰問我地。呢間餐廳嘅職員完全冇服務可言。

今日約咗舊同學喺度食lunch，見佢有兩款lunch set一款$88一款就$118。因為肚餓最後揀咗$118🥰🥰佢裏面會包咗個湯或者沙律，我最後揀咗黄咖喱海鮮炒河，我朋友就揀咗牛牛芝士漢堡，呢間餐廳主要泰式食品為主但都有西式迎合不同口味，Ps. 同埋環境唔錯啲位隔得好開😀😀

今晚幫襯係Greyhound Cafe，叫咗幾個常叫嘅菜式，但水凖下降……倒是失望！軟殼蟹沙律冇諗過一上嚟就係一堆菜+1隻炸好嘅蟹，賣相一啲都唔吸引⋯⋯啲菜都新鮮，但係隻軟殻蟹就唔係太新鮮，兩者冇交流，菜還菜，蟹還蟹，係完全冇味！沙嗲豬頸肉都可以嘅，沙嗲一向都係好味！豬頸肉就比較肥膩咗少少！至於香煎牛柳粒就不過不失！加配青檸汁仲有青瓜陪襯感覺比較冇咁肥膩！鮮蝦米紙卷就都係一般，有九件，個汁就我會比較喜歡酸一D！最後招牌甜品，芒果糯米居然係非常之難食！實在令人太疑惑，泰式餐廳芒果糯米居然係失手之作！芒果係勁酸加有一點怪味，糯米係唔熱嘅！失望失望但係另一個甜品就能夠保持極好水準就是我最喜愛的紅絲絨窩夫，熱騰騰！加上牛油及忌廉再配草莓醬汁！非常之好食。呢個就可以繼續讚賞！

第三波疫情爆發，晚市堂食暫停，很多商戶惟有提供外賣自取折扣， 吸引客源。上次和朋友食過這間餐廳的椰子蛋糕，覺得味道不錯， 已經想再來試一次 ，外賣自取有折扣當然要把握機會， 順便買多幾件同家人分享。招牌椰子千層蛋糕份量十足大大件， 面層鋪滿妨如椰絲的白色的朱古力碎， 千層蛋糕中夾雜著白雪雪的椰子味忌廉以及非常豐富，切了條狀的椰青肉 ，配合薄薄 pancake 片 層層疊而成。充滿椰香味的忌廉，清甜 ， 口感非常幼滑， 而蛋糕當中椰青肉真的有少少覺得多到氾濫嘅感覺， 肉質硬中帶軟， 每一口都嘗到淡淡的椰子香味，用料十足，所以如果食完飯諗住品嚐這個蛋糕 ， 最好和朋友一同分享， 否則以一個人之力未必能駕馭。芒果千層蛋糕 有外賣優惠，所以又乘機叫多一款，夏日炎炎，最好食一些酸酸咪咪的果肉蛋糕，芒果千層就啱晒。同椰子千層一樣，蛋糕亦是由一層薄pancake 片、一層厚芒果忌廉、再加一層芒果肉造成，另附上獨立一兜鮮芒果醬。果醬亦是由新鮮芒果肉打成，質地 稍為杰身，有天然果甜味 。一兜份量足以淋滿整個蛋糕。個人覺得這個蛋糕的忌廉較椰子千層多，質感同樣滑溜，帶有淡淡芒果清香，當中夾着的芒果肉本身較濕

星期六去旺角分店，人不多，竟然只得兩個人，問一個女的拿多一雙筷子，佢居然反眼，午餐除了米紙卷正常外，冬蔭公湯粉只有兩只縮水蝦仁，另一個餐的餐湯居然不上，到記起追單時回覆是蘑菇湯已沒有只有粟米湯，然後上時又變回蘑菇湯，如果不想經營麻煩早少少結束，別浪費大家美好青春！😫

約咗人傾野朋友去開呢間我就係OpenRice book 左枱6:30 pm 未夠鐘入咗去坐個時客人唔多都唔覺佢哋人手唔夠咁我哋傾吓傾下坐咗成句鐘嘅然一個伙計都冇吹我地落單 同時見到佢地巳入咗8成客只見3、4個伙計⋯⋯D客係咁舉手未試過一間餐廳人手缺到咁我見到都feel 到D伙計慘慘豬我哋求其order D 食物食物都有D慢不過冇咋型見到D伙計不停做連洗碗亞姐都出來汁枱我哋食完都即刻埋單走人真心見到佢地好難受希望高層人士見到呢個Post 改善下

食過幾次 食物質素普通 價錢貴 但勝在環境舒服 同朋友傾吓偈 係正既 同埋佢地千層蛋糕係好味既但呢間野不嬲都無咩服務態度可言 仲越做越衰員工之間係水吧嬉戲 男既一副臭臉 女嘅落單勁唔耐煩 因為疫情關係 落單時女侍應企左一張凳嘅距離幫我哋落單 可能大家都戴咗口罩講嘢細聲咗 我地近門口位 所以都嘈 大家都聽唔清楚 但問多句有需要西面嗎 ？ 今次叫左個Spag Cha Cha Cha 勁鹹 勁油 海鮮霉既仲有沙另一個係Angry pasta用左無農藥有機材料製作 🤮 🐛疫情關係 大家都提高衛生意識 餐廳唔注重既話 食客點會食得放心最後我地直接要求cancel 左呢份無農藥既pasta 但店員都係一副 ［碎料］既樣子⋯⋯餐廳環境舒服重要之外 服務態度同食物質素都一樣咁重要

We reserved a table here to celebrate my princess graduation, because she wants to try Thai cuisine.The wrap rolls had ready for a long time, so the rice rolls stocked together and difficult to divide them up. Salad was so so, fish-source made it tasted too salty.Fruit juice were almost HK$70/glass, too expensive. Most restaurants have a discount if order with a main course.Italian pie was the best one among all dishes. Perhaps we love Italian cuisines very much 😅Crab fried rice was also good, h

入到去無咩人，坐低算ok，張椅子有水，落單之後等了好耐，隔離遲過我的都有的吃了，催了幾次都無到，好唔容易上佐一個，又要等，終於咖哩鴨飯上到來，得2舊鴨肉，其他全是咖哩汁，我份粗麵又少又乾又難吃，以後都唔來了！

Totally overpriced average so called Thai food.Two people for $466 , only having an average quality thai thick noodles ,a clan pasta, chicken Satay and two drinks Given this price level, it’s not a good place I would suggest to go.