韓大叔大排檔

Open Now

Now Closed

銅鑼灣韓大叔大排檔👨🏻🇰🇷韓風真係吹唔停(寒風都係🤣)，好想食啲辣辣地嘅嘢刺激吓，去銅鑼灣行大叔大排檔食泡菜國嘅嘢就啱晒。鍾意佢Menu夠多款式，醬油系列、煎餅、炸雞、熱湯、炒年糕、咩都有！想講店員👦🏻真係好好服務態度，又得意，下次要再黎搵你玩炸彈酒💣🔸海鮮煎餅一開4件有魷魚、青口，夾雜住椰菜絲、洋蔥、泡菜，點一點酸汁，好開胃😋🔸醬油鮑魚、醬油蝦呢度都有好幾款醬油海鮮，無叫最貴的醬油蟹，要左鮑魚同蝦，新鮮夠入味，無肚痾😆合格🤜🏻👍🏻🔸原味炸雞半份半份有4件啱我呢啲小型聚會，炸得香口無得輸！🔸泡菜海鮮豆腐湯🌶️🌶️呢個算係今晚最辣，仲要熱辣辣，泡菜湯個底真係唔惹少，但勝在真係好足料，差啲想叫個飯撈埋一齊食😆🔸韓式豬五花炒年糕🌶️呢款小辣味道帶點甜，年糕煙煙韌韌，幾好食😋🔸馬格利生米酒🍶店員會幫忙倒成4小樽，之後我哋自己再慢慢斟，亦都可以加配新鮮蜂巢，可惜我哋呢日無貨，如果唔係應該會再好飲啲！📍#韓大叔大排檔 (#銅鑼灣美食)銅鑼灣登龍街28號永光中心10樓

今次同韓國人妻到銅鑼灣登龍街食飯，她喜歡家鄉菜式，所以試吓新餐廳 韓大叔大排檔，入到去發覺原來全部都係小鮮肉，正呀！韓大叔餐牌簡單易明，遊客點餐都冇難度，仲有雞尾酒特飲、醬油冷盤、我們吃得很開心。韓式石榴覆盆子雞尾酒真露餐廳有多款 cocktail 選擇，特飲這杯用上韓式石榴覆盆子，小鮮肉幫忙混合製成，充滿夏日感，味道清新，口感順滑，每口都充滿韓國風的味道，還有真露酒味香濃。醬油蝦我喺香港好少食醬油蝦，味道鮮甜，用新鮮虎蝦配上韓式秘製醬油、辣椒，醬汁香濃，健康開胃主菜。配合汁醬，食落彈牙爽脆，亦帶點鹹香味。醬油飽魚飽魚十分大隻又新鮮，在韓式醬油汁包圍下，仍吃到飽魚應有的鮮甜鮮味，口感煙煙韌韌。放喺枱上聞到陣陣醬油香味，配菜有溏心蛋點綴，賣相十分不錯。紫菜拌飯紫菜香脆，拌飯食落不覺得滯。韓式豬五花炒年糕這個韓式豬五花炒年糕材料很豐富，韓式豬五花肥瘦均勻，看似很多辣醬，其實入口吃到一點甜辣，醬汁反而提升了豬五花的鮮甜肉味，跟炒年糕的香味很夾。配上炒年糕，十分有嚼勁，而味道少辣很惹味。韓大叔牛肉水冷麵牛肉新鮮爽彈，配埋水冷麵汁，加點生蒜片辣椒一齊食，好醒胃。

今晚同朋友出了銅鑼灣行街，之後行返去登龍街個邊搵食，在永光中心排隊等升降機上去時見到這個廣告，朋友突然話想試試，於是就係咁上了去，餐廳獨佔全層，一出升降機機就見到大大個招牌，入到裡面就係似在韓國街邊嗰啲大排檔感覺！座位都算闊落舒適，餐牌內食物選擇都多，而價錢都十分大眾化！店員會先上個韓式前菜，有大豆芽、韓式泡菜、涼拌海帶，三款口味，讓你感受一下韓式口味招待！餐牌內嘅韓式炸雞就當然要試試，點了半份原味炸雞，炸雞炸得非常脆口，外面十分香脆，裡面仍然肉嫩香滑，配上跟上蜜糖芥茉同埋韓式辣醬入口夠曬惹味！韓式豬頸肉都係另一個必食推介，師傅將豬頸肉燒得十分香口惹味，加上上面嘅香濃醬汁，一咬下去，就是滿滿的肉香與汁液在嘴裡爆開，讓人難以忘懷。韓大叔牛肉水冷麵嘅牛肉，用上蕎麥麵條口感帶有嚼勁，撈起麵條淋上白醋，才不會糊成一團，加埋韓式調味嘅牛肉片，味道非常配合。韓式鰻魚飯卷，食韓國嘢點可以唔食飯卷，呢個飯卷嘅用料好豐富，有鰻魚同埋雜菜。食落鰻魚同配料都好夾，鰻魚夠曬肥美外重十分惹味！飲品點了韓國炸彈，以最常見的韓國啤酒配上了燒酒，店員以純熟手法將燒酒杯拍一下跌進啤酒杯🍺內，將它們混埋一齊，入清涼的碳酸

呢間韓式大排檔已經係我第二次嚟，就係鍾意呢種豪邁輕鬆嘅氛圍😍今次就食左啲上次無食過嘅嘢，「韓式鰻魚飯卷」紫菜包飯總是對我嚟講有一種魔力，今日食嘅包飯雖然少咗一陣麻油香，反而被鰻魚汁喚醒味蕾，呢個鰻魚汁顛覆咗我一般嘅睇法‼️令呢個飯卷增色不少😋「人蔘雞湯」食完碗人蔘雞湯，個人即刻精神哂，人蔘味非常足料，呢個湯真係必飲❤️「泡菜海鮮炒粉絲」有勁多海鮮，青口、海蝦、八爪魚、帶子，不過泡菜味略嫌削弱咗啲，味道偏淡，其實係職員知道我剛剛腸胃炎好返，所以幫我減左辣度‼️呢個舉動實在好貼心😍「椰漿柚子年糕」椰漿飯平時就食得多，用椰漿配年糕，真係好有新鮮感，味道出奇地夾，creamy帶椰香，再有清新嘅柚子汁，食落唔會好膩👍🏻

最近搵到呢間韓國嘢好吸引好正宗咁 今日去開銅鑼灣就book位試吓 一坐低店員就俾左d 韓式小菜我地有泡菜 、大豆芽、海帶好開胃韓大叔醬油拼盆 有醬油蟹 醬油蝦 鲍魚 蛋 全部都係韓國入口 放心食用 醬油味道豐富 海鮮新鮮 蟹唔算大隻 但入面既肉好澎湃 蝦就又大隻又入味好貼心配埋必備紫菜拌飯夾埋一齊食好好味 醬油三文魚 店員話有新出既醬油三文魚 所以我地都試埋 三文魚加埋佢自己本新既油脂 食落會再豐富d 都一樣好味食完醬蟹好岩飲番d 熱野暖下胃 所以叫左韓式傳統鍋物 即係雪濃湯 好足料 有三大舊牛肉 同羅白 飲落湯好香濃 而且完全唔洗調味芝士王樣排骨 豬肋骨有先烤過 但唔會乾晒 一入口肉汁好豐富醬汁酸酸甜甜加埋芝士真係好惹味火山芝士熔岩飯都係鐵板上 店員話最好將雞蛋漿煮熟前同炒飯拌勻所以我哋快快手拌勻咗先 拌勻之後既炒飯充滿著芝士絲、雞蛋同泡菜非常juicy飯底仲有少少飯焦添荔枝真露梳打女仔飲一流 好易入口 朋友叫左益力多燒酒 仲俾左個韓韶禧燒酒杯佢搞到佢以為自己同女神飲緊酒咁 好搞笑

4.8/5 🌟Highly recommended! 銅鑼灣韓國菜人均$200正宗韓國料理超yummy 😋多人去既韓國餐廳我反而少去 比較鐘意發掘無乜人介紹又高質既餐廳 呢間位於銅鑼灣 google 評分高達4.8分 即刻book枱去試下🇰🇷普通食個dinner無乜expectation 結果反而係超級值得4.8/5🌟我地隨便嗌 無特別睇OpenRice既相 發現每道菜式都好好食 Must-ordered items 芝士排骨🧀• 一上菜 已經見到滿滿既芝士滾緊 勁吸引 🫕 快手影條片即刻試食 一份4條排骨 夠晒多肉 唔係得條骨 望落去勁腍勁入味 包住芝士食超滿足 芝士唔係得個樣 係真係濃厚香滑既芝士 😋韓國鍋物 🍲• 超驚喜既一鍋 🥹 原本為求有啖湯暖下位 諗住都係得兩片牛骨 點知！！一啲都唔馬虎 個湯超好飲 連男士都大讚 爭住飲多碗韓國粉絲 🍜• 炒得好好食 真係好似返左韓國咁✍🏻 Rating: 9.6/10💳 Price: HKD200 per head

正宗韓國味道👅韓叔大排檔，真正讓你感覺置身係韓國🇰🇷一樣！餐廳設計成韓國街邊大排檔嘅風格，充滿韓國地道feel‼️餐廳內外都貼滿咗韓星嘅相片及poster ，讓人一種輕鬆自在、毫不拘謹嘅環境🌈🌟火山芝士熔岩飯滿滿的芝士非常邪惡，再加上雞蛋，撈勻晒來吃，甜甜辣辣好好味😋🌟鐵板泡菜魷魚圈泡菜再加上魷魚圈，非常開胃的小菜🌟甜辣炸雞（半份）炸雞炸得脆卜卜，雞肉亦都鮮嫩。甜辣嘅醬汁令到雞肉好惹味🌟泡菜海鮮炒粉絲上面有青口，蝦同埋魷魚作為配菜，非常豐滿口感突出。🌟草莓牛奶（2人份）擺盤好漂亮，還加上蜂蜜，令到草莓牛奶嘅味道更加鮮甜。🌟韓式鐵板燒生鰻飯這個鰻魚炸到脆卜卜，每一啖咬口倍感滋味。🌟韓式豬頸肉豬頸肉當然是韓國最常見的食材，正宗的味道。

如果想體驗下韓國地道大排檔feel，可以考慮下韓大叔大排檔。韓大叔醬油拼盤。有醬油蟹、蝦同鮑魚，全部都係用韓國嘅醬油調味。對自家海鮮有信心先敢整呢一道🙂‍↕️烤肉拼盤。豬頸肉拼五花肉，兩種肉都烤得好香。豬頸肉肉質韌度啱啱好，五花肉偏肥但肥瘦相間，配上韓式烤肉醬以及生菜夠地道🥹新推出嘅椰漿柚子年糕，柚子嘅酸香同椰漿嘅濃郁，加上年糕嘅Q彈口感，清新唔膩☺️仲有甜辣炸雞！炸雞肉外脆內嫩，而且醬汁係恰到好處嘅甜辣味道。配埋酒水真係食到停唔到口。最後叫咗人蔘雞湯解解酒滋補一下！價錢公道合理

生菜豬腩肉 - $128想講啲生菜好大塊同清脆好似錯咗重點豬腩肉唔算太肥整得都幾淋加埋生菜可以解吓膩韓式熔岩芝士蛋卷 - $78蛋卷好香好厚實上面仲有唔同嘅芝士醬都幾有驚喜韓大叔牛肉水冷麵 - $98牛肉份量好足而且個調味都幾濃不過個水冷麵個底唔重調味所以加埋牛肉一齊食就啱啱好啦水冷麵麵質唔算特別煙韌如果可以再煙韌啲就完美啦韓大叔醬油拼盤 - $388鮑魚同醬油蝦都好入味醬油溏心蛋都夠溏心醬油蟹就有啲細隻不過食落都幾唔錯唔會過鹹整體嚟講呢個醬油拼盤性價比都算高嘅原味炸雞(半份) - $98同預期嘅炸雞有啲岀入無乜驚喜好彩個炸皮唔算厚食落都唔會太油荔枝真露梳打 - $48荔枝味都幾香唔會好重酒味好易入口-馬格利生米酒 - $98都幾易入口同幾香舖頭係新開的店員都幾有Heart同多嘢講聽講就快會轉Menu遲吓再去食先

經openrice訂座 當日亦收到餐廳whatsapp 確認book位 但都無提過用餐時間得60分鐘 晚餐時段黎講真係太少 如果事前知 唔會選擇呢間餐廳晚飯聚會😅食物質素都好一般 未去到難食 但唔係預期中既韓國菜味道火山芝士熔岩飯 $128賣相唔錯 但食落無咩芝士味 反而同朋友都覺得有椰奶味（？） 味道整體麻麻甜辣炸雞 （半份）$98感覺似KFC雞再淋甜辣醬 但裡面係juicy 味道唔錯 不過唔係自己期望既韓式炸雞韓式鐵板燒護心肉 $188 食落唔似平時出面食既護心肉 味道就同自己係屋企燒肉無分別.. 完全唔值呢個價錢！泡菜煎餅 $68比平時煎餅size細 但覺得岩岩好 可以試多幾樣 味道ok總結：坐得唔耐 味道一般 價錢唔算貴 但唔會想再黎 亦唔會推薦朋友

一打開𨋢門，韓大叔呢度嘅餐廳門口乃至餐廳裝修佈置風格幾乎同韓國好多大排檔無異，在地氣氛十足☺️韓大叔醬油拼盤 $388醬油蟹、蝦、鮑魚以及蛋共4款醬油拼盤，跟埋紫菜飯團可以撈埋醬汁黎食，估唔到而家因為走塑連膠手套都唔可以提供了🥹但都阻止唔到呢個拼盤被一掃而空嘅命運烤肉拼盤 $228有豬頸肉以及五花肉，包住生菜再夾埋醬汁蒜片一齊食真係冇得輸，生菜可以平衡返油膩感🙂‍↕️椰漿柚子年糕 $78老闆話係佢哋新推出嘅菜式，年糕係比較幼嗰種，椰漿十分濃厚但加咗柚子又令到成件事幾清爽，好食又抵食🥰甜辣炸雞（半份） $98炸雞約4-5嚿，甜辣味道啱啱好帶點惹味，個人中意有骨嘅部位啫係雞翼雞脾呢啲位，啖啖肉又嫩滑人蔘雞湯（半份） $88半隻雞份量夠2-3個人食，人蔘味道養生健康，雞肉依然保持嫩度紅葡萄柚子真露梳打 $48

一出𨋢門，並不是華麗設計，而係設計成韓國街邊大排檔嘅風格，充滿韓國地道feel‼️餐廳內外都貼滿咗韓星嘅相片及poster ，比人一種輕鬆自在、毫不拘謹嘅環境❤️一定要先嚟個「人蔘雞湯」，啱晒滋補養生嘅我，未開始飲，已經好香人蔘味，雞湯非常濃郁，雖然有啲雞油喺面，但完全唔會有油膩感所以我都好快就清咗兩大碗「蜜糖芥茉炸雞」炸衣唔會甩皮甩骨，炸到好鬆脆，同時好有效咁鎖住肉汁，令到啲雞肉好嫩滑juicy，重點係個蜜糖芥末醬勁好食呢個醬簡直係加分位❤️「韓式豬手」呢份豬手完全係我杯茶，一啲肥膏都冇，超正肉質係好有彈性，塊豬皮係Q彈的，沾埋燒汁，夾埋生菜蒜頭粒一齊食，更加有🇰🇷風味「芝士王烤排骨」燒烤汁酸酸甜甜，味道同平時係西餐廳食嘅一樣，韓式嘅味道比較濃啲，好岩配韓國啤酒🍻仲有埋熱溶芝士，幸好芝士味唔會太濃，食落唔會覺得膩‼️草莓奶昔串串上面有一粒韓國士多啤梨，同埋蜂巢，甚有睇頭 打卡一流‼️味道亦100分💯 甜度岩岩好依間韓式大排檔既有風味，性價比又高，下次約埋一班朋友嚟吹水，再飲埋啤酒炸彈啱晒🤩

今日放工去銅鑼灣行下，見到一間韓國菜幾吸引，就去試下這間韓大叔大排檔.環境韓式設計，佈滿韓國歌手、啤酒廣告poster，燈光唔太光，幾有feel，很適合朋友約會聊天。韓大叔醬油拼盤 （$388）拼盤有生鮑魚、蟹、蝦和糖心蛋，以韓國醬油同酒生醃將以上食物入味，加上有紫菜拌飯，將紫菜飯放進蟹殼入邊，與蟹膏混和，鮮味十足。韓式糯米雞（全隻） （$178） 雞肉十分之嫩滑，加上有少許糯米飯，煙韌十足，增加口感。加上雞皮上帶有芝麻，增添香味，芝麻香味喺口入面散發。芝士泡菜煎餅 （$78）芝士拉絲，加上泡菜香辣，香脆的薄餅底。韓式炸雞炒年糕 （$88）香脆外皮加上酸甜韓式辣醬，十分惹味。年糕煙靭。傳統鍋物 （$128）飲左酒，食左炸物，最後飲一口濃濃的牛骨湯，加上清甜嫩滑的蘿蔔，作為一個完美的結尾。韓國炸彈 （$68

剛剛從日本回來,腦海一路浮現泡菜及韓式醬油蟹,唔食唔可以了。韓大叔醬油拼盤,這個是超值之選,真的必點,醬油蟹很多膏非常鮮味,蟹肉甜美,醬油的味道鹹鹹甜甜味道不錯;鮑魚醃製得很入味,鹹鮮味很足,肉質軟熟但帶有點點咬口;蝦肉質彈牙,味道有點像醬油版的泰式生蝦;溏心蛋已經索滿了汁,但不會只有鹹味做得不錯;紫菜飯大家不要忘記,紫菜的鹹香味跟飯最配合的,加上蟹膏更是一絕。韓式熔岩芝士蛋捲,蛋捲的密度很高,質地結實,味道甜甜的,蛋的香味也吃得出來,芝士是完全覆蓋蛋捲,邪惡的芝士跟蛋捲是這樣的跟蛋捲是這樣的配合的。海鮮煎餅,煎餅煎得香口,餅不會太乾太粉,差不多每啖也吃到海鮮,最重要是海鮮是有鮮味的,很多以前吃的會是海鮮沒有味的,畫龍點睛是這個泡菜,加少許已經使味道提升了。原味炸雞半份,炸雞的分量十足,炸粉不會太厚,雞肉嫩滑,跟甜辣醬一起吃味道不錯。韓式豬五花炒年糕,豬肉片分量很多,五花肉是半肥瘦,肉質嫩帶點咬口,年糕煙煙靭靭很有口感,味道偏辣的很惹味。人參雞湯半份,上枱時很熱,這個我可以用藥膳粥來形容帶點雞湯的鮮味及少許人參的甘味,感覺很平和很補身的,雞肉嫩滑可口。Paldo甜米露,冰凍飲品,味道甜

今年有諗過去韓國食醬蟹，最後都係冇時間去，唯有係香港食。韓大叔醬油拼盤✨醬油蟹啲膏幾鮮甜。✨醬油蝦質地軟腍。✨鮑魚有酒香，口感彈牙。✨紫菜拌飯，紫菜微鹹，和飯拌勻令人愛不釋手。海鮮煎餅煎餅面頭鋪滿海鮮，口感腍腍地，煎餅的邊微焦脆。韓式熔岩芝士蛋捲蛋捲拉絲，入口已經有濃烈鹹香的芝士味，而蛋捲厚實帶甜。原味炸雞 （半份）炸雞炸至香脆可口，仲有兩種醬汁點。韓式豬五花炒年糕年糕形狀係長條型，很索汁。食第一條覺得有甜有辣，再食會覺得香辣，口感煙韌。豬五花肥美多汁。人蔘雞湯雞湯質地很濃，雞肉很嫩滑，糯米吸收雞湯和人蔘的精華，口感軟身，味道清甜。桂花烏龍水果茶百香果味道幾濃，茶清香。Paldo甜米露味道似薏米水。男店員笑容親切，不時遞上餐具和濕紙巾，又會送上凍水，服務窩心又親民。