韓松韓國料理 (Closed)

會有幾位就韓文的服務員，都有講廣東話的侍應，好好的服務，很主動先我們有什麼的需要，茶壺一定幫我們斟到常滿，骨碟換了幾次，我們帶了蛋糕來賀朋友生日，為我們清理檯面，拎乾淨的碟和叉給我們，就連生日蠟燭都幫我們點埋，真的值得一讚~好服務，才能令食客享受美味的食品和餐聚的時光

今晚經過金巴利街的韓燒店，位於尖沙咀柯士甸道韓松韓國料理是不錯的地道家庭式韓國料理燒烤。前菜有六款不同的蔬菜，牛排湯很出色用牛肋骨排和蘿蔔大蔥等燉製，很香相當好，驚喜！牛肋骨味道濃郁，入口Juicy，讚！雞肉塊有點偏但沒有雪藏味，因為套餐沒有生菜另外點了一份生菜包烤肉，石頭鍋飯很香的飯蕉粒但二人套餐的份量頗多吃不完。

同朋友都好喜歡韓食~每次相約都找一些不同的韓國餐廳今次就試韓松~我們訂了9:00Pm去到門外有好多人在等即使我們訂了還是要等了約15-20分鐘~~前菜~有六款~有魚干仔, 不是每一間韓食餐廳會提供的~很好吃~~~~叫了五花腩、牛肉、帶子韓燒通常都必燒五花腩, 當然是必叫啦~另外, 帶子是網上好多人推介~所以就叫了試試~帶子真的很值得推介~很大粒~而且有少少醬油醃過~燒的時候已經好香好香~店員仲會幫我地燒添可能見我地3個女仔雞手鴨腳又唔知熟左未...反而五花腩同牛肉就比較普通~另外還點了一個石頭飯同生牛肉石頭飯是沒有味道的~不推薦~生牛肉味道很好~如果雪梨的比例多一點, 會更好~~~為了帶子~我一定會再黎食過的~~~

是次與朋友慶祝生日，打算去另一間烤肉店的，可惜那家的預約full了，不想等的情況下，我們看到了這家，寫著什麽大獎，就進去了。剛進去的時候，大約只有兩圍枱是有人的。繼而，Waiter說因為無訂枱的關係，進食時間大約是1個半小時，如沒人的話，則可以繼續坐，我們也同意了，上了樓上。樓上和樓下完全是兩個感覺，樓下很有韓國食店feel，而樓上則與普通餐廳無疑。唯一好處是每張枱頭上都有一個冷氣機，這樣確保大家烤肉時候都覺得涼快。坐下來以後，因為我們需要等朋友的關係，就只是看著menu并沒有叫野，但一位auntie就不斷過來提醒我們只有一個半小時的進食時間，實在令我們感覺很煩。我地都知道只有一個半小時，亦知道你是為我們好，但放眼過去整個二樓只有我們一枱而已，你不斷打斷我們的說話來不斷提醒我們，真的是很滋擾..在等齊人以後，我們各自叫了石鍋飯和湯。落單之後倒是很快就上了幾碟小菜，沙律和薯仔味道很好，雖然個人不能吃辣，但朋友們對kimchi也是相當好評。輪到正餐上，waitress有預先問我們需不需要辣醬。鑒於我兩個朋友叫了牛肉，我叫了雞肉，就先問了到底是什麽肉，她說了是牛肉以後，朋友們都吃辣的，就要辣

Booked room with min spend $2500 for 2 hours max; table for 11, was meant to be for 10 ppl so a little cramp, with extra at the head end. They did allow us to decorate the room with blue tac for the birthday celeb which was good. The long table had 2 stoves, with 1 end against the wall.We ordered a set menu for 8ppl $2200 which really didn't have too much - 4 beef ribs, 2 sirloin beef, 2 prawns, 2 scallops, 1 pork belly, 1 rice cake, 1 pancake, 2 portions of lettuce leaf.Added - seafood noodle h

諗住咁多好評，入去食實無死啦! 我book左位，所以唔洗等，去到就有個呀叔帶位上樓上坐，上到去，原來d坐位好多都相連，即係除非你有十個朋友，如果唔係的幾個實同人搭枱，去到我個位啦，點知見到有隻大烏蠅係d筷子上面，個呀叔話: 唔緊要，等我捉左佢。之後佢真係搵隻手去捉……咁緊係捉唔到啦! 好啦，到點野食，一打開個餐牌，就有個呀姐走過黎:諗好食咩未？ 我心諗，我睇都未睇點諗…之後佢一直望住我睇餐牌，佢猛推介二人餐，之後為左快d打發佢走，咁我順勢叫左個$57x的二人餐。成個餐就得幾樣野食，但都夠ge, 因為d肉好肥食到好滯!個呀姐問我地加唔加d生菜夾d肉食，佢話五十幾蚊，我呢d窮鬼覺得五十幾蚊一個生菜好貴就無加。最後有兩片橙俾我地，成個餐最好味ge野，好甜!總括黎講，服務就似茶餐廳果d咁有親切感…如果你要高級餐廳服務質素呢間就唔岩你啦!野食就…可能係我唔識食啦…

今日黎依到食野,記得之前都黎過一次,因為佢個王牛扒實在難忘,之前都食左王牛扒,今次就食D唔同D嫁喇,朋友同我都十分鍾意食牛,所以今次就叫左依個韓式牛柳肉,順便試埋佢其他牛肉,味道其實都唔錯嫁,份量就當然無王咁多,不過佢既牛肉香比起王牛扒香,至於肉質同口感都係差不多,唔錯幾好食,而且價錢會平少少。另外就食左一個豬頸肉,依個都幾啖口嫁,普普通通既豬肉味,不過真係幾新鮮既,如果食依個先會好D,因為食左牛會搞到依個無咩味,而今次我自己就最鍾意依到既石頭鍋飯。因為依到配料十足菠菜,蛋, 紅蘿蔔絲,大豆芽咩都有咁,另外都仲有夠份量既牛肉。而且佢既辣度控制得好,又夠香, 食落唔似純味精既味道。不過其實都幾辣,所以唔食得辣既要注意下喇。 

早早聽過韓松這名字，可惜一直未有機會試藉著補祝朋友生日就襯機一試雖然a la carte但八點半前限時兩小時，八點半後到餐廳關門八點半準時到餐廳報到但仍然要等候安排大約二十分鐘左右才可入座一行五人被安排到二樓，座位不算狹窄點了一個四人套餐再散點其他套餐有五花腩、豬頸肉、雞肉、豬扒、海鮮煎餅、石頭鍋飯、炒年糕及牛肋骨湯肉類份量偏少，四人食用都應該不太足夠散點了泡菜湯、牛舌、魷魚及帶子 燒肉整體味道都上好 海鮮煎餅略嫌不夠脆口但味道還好 石頭鍋飯大家都一致認為不錯 炒年糕有點偏辣，辣味蓋過其他味道，有友人辣得吃不下 牛肋骨湯味道過份清淡 泡菜湯大家都感覺似羅宋湯較多 魷魚及帶子魷魚沒有甚麼特別帶子有意想不到的驚喜，非常鮮甜好味 絕對推介帶子一試 飲品點了柚子汁等罐裝飲品再點了一客檸檬燒酒，味道挺好用一個小茶壺盛上，剛喝下時以為酒精成份很低多喝一杯以後發現原來不可小看小小一壺足夠三個人喝上好幾杯呢價錢偏貴，但整體食物不俗，服務主動有禮樓上座位較闊落但相對較嘈吵飯後切蛋糕不收餅費而且店員主動提出叫我們坐到另一張乾淨枱還預備好簡單餐具，實在貼心

同好友聚餐,大家都有選擇困難症朋友試過呢間，就去呢度啦一黎朋友就話想要個王牛個侍應都好好，幫我地燒又剪開佢不過佢就好似唔係好識廣東話咁再黎叫左個泡菜餅同韓式年糕都好好食，不過泡菜餅味道再濃d 就好臨尾仲叫佢refill d 泡菜食, 原來小食只要佢未賣晒都可以係咁refill既~

韓松的位置不算方便，遠離尖沙咀區的韓國街，亦因此造就了它成為獨處一隅的特色韓菜館。這次在午飯時段光顧，設有兩層的餐廳竟只有數枱食客，不單能享有安靜舒適自在的環境，操韓語和簡單英語的女侍應(抑或老板娘？)亦顯得有耐性，對我們的要求和發問更是有求必應；想起食友們在網上對此餐廳服務的負面批抨，不禁暗自為自己的運氣嘖嘖稱奇。喜愛食店以淺色木作為主調，不單跟店名很配合，附近的環境及食店的設計也令人聯想到首爾南山公園下的小本經營傳統韓國食店。午餐的價錢相對較晚市抵吃，款式也算多。前菜方面，每款午餐奉送三款前菜。除了常見的泡菜和黃豆芽外，還有以辣椒醃制的高麗菜和薯仔。泡菜的味道不算濃烈，口感和味道也不特出，看來並非這裏的賣點。石鍋是韓國餐廳中最常用的容器。這次叫的什錦石鍋飯用上的石鍋是較高級的石頭鍋，紋理有如大理石般。白米飯上蓋上冬菇絲及黃豆芽、菠菜、紅蘿蔔絲等蔬菜，還有一款在本地韓國餐廳極難嚐到、據負責人說是從韓國入口的地道野菜。顏色呈深黑色，外形雖不討好，口感卻爽脆幼嫩。加放適量的韓式辣椒醬拌勻後，便能好好品味這用料豐富的石鍋拌飯，而鍋底被熱辣辣的石鍋燙得微焦的白米也十分香口。隨後再嚐一口幾乎被

朋友生日, 我們就一早訂枱, 地方都是以木式為主, 感覺簡潔, 但洗手間衛生情況有特改善!餐廳是二層的, 感覺比我想像中大,而且有客房, 感覺不錯!餐牌有中, 英及韓文, 又有圖, 感覺清晰易明!服務員的廣東話麻麻,不過溝通是沒有問題!而且有禮貌!我們一行8人, 他們給了12個前菜給我們, 感覺不錯, 之後我們點了2個湯, 一SET 燒物(有牛,豬, 雞,海鮮等等), 炒年糕,一個石頭飯 , 感覺都夠飽, 每位約HK$250!我們是8人枱, 有2個爐, 座椅都大, 座得都舒適, 低因為是韓燒, 所以食段一定有強烈的燒物味道!很喜歡他們排的食物層次分明, 感覺衛生, 整齊!而且質量真的不錯, 肉的彈牙, 而且厚度適中!這裡不一定燒物, 還有熟食的!真的不錯!如果份量可以多一點,就更加好!

今次有人帶我黎食傳統既韓式燒烤朋友話鍾意食牛肉既一定要黎,一定會滿意咁話,首先當然係韓式前菜,,色彩非常靚,有薯仔、芽菜、菠菜,味道都唔錯既..之後朋友叫左依到既名牌菜王牛排,佢話因為好大份量岩哂我地, 另外牛肉既質素係非常之好,試完之後真係肉嫩多汁,香濃得黎又鮮甜,真係令人食慾大增果然係好介紹,之後就食一個厚切五花腩,最鍾意五花腩既肥肉,燒既時候香氣不得了仲可以同辣泡菜一起燒,包著生菜好好味.另外一定要食牛舌,因為佢好靚色澤同厚度都好新鮮,口感當然唔錯的,因為加埋厚切.好好食,燒既時間一定要控制好,如果唔係就會好難咬,成餐都唔錯! 

我係同兩朋友一齊食大家諗住喺除夕晚喺呢度食晚飯之後倒數我個frd聽人講話呢間既部隊鍋最正宗所以就一早訂位去試下呢間既正宗部隊鍋我比較遲去 係我兩朋友坐底左先當我黎到既時候 見到佢地詭異既笑容已經心感不妙 再望下個鍋真係唔知可以夾啲乜黎食 我見到既淨係成鍋腸仔十萬個問號之下我個朋友忍唔住問個侍應啲野黎齊左未原來已經黎齊我同啲朋友再用筷子探索下有啲咩結果最多既係腸仔 其實都係有啲午餐肉 幾粒餃子同幾塊年糕仲有一餅即食面咁囉真係超級驚訝! 簡直係除夕比我地既驚喜我再睇下個menu 牛肉鍋餃子鍋魚肉鍋都係380反而呢個"腸仔鍋"要410咩事呀 得腸仔得午餐肉得即食面咁同茶餐廳啲餐腸面有咩分別呀喺茶餐廳叫十碗面都平過你呢個部隊鍋啦!就係咁 比人食左隻車盛惠450蚊(加左一)

昨晚，特地到金巴利道尋找韓國食物，由街頭行到街尾，間間都排晒長龍，結果見到街尾的"韓松"冇咁多人，於是就選擇這裡。最想吃的就是生牛肉石頭飯，很久沒吃過，十分期待……侍應幫我把飯"no"好，但眼見牛肉份量不多，心想，牛肉放在底嗎？還是牛肉真的太貴？之後，自己再加多點辣醬，再吃，味道是可以的，但……真的吃不到牛肉，好像只有牙菜及辣醬伴飯，雖然有石頭飯的味道，但如果只是牙菜及辣醬伴飯的話，120元就太貴了。整體味道不錯，但感覺好像被騙了一樣！！！

第一次黎食已經畢生難忘, 不用等位, 坐下不久叫了個二人餐,大約五百至六百左右, 有王牛排同雞肉, 牛骨湯, 石頭鍋飯。 烤肉有阿姐代勞, 表面好似好服務週到, 查實邊燒邊黑面, 熟左又無講一聲可以食,一直0係附近徘徊,但完全不會理會同跟進你0的食物燒好未, 好啦食完王牛排, 味道幾好, 感覺新鮮, 好味! 跟住到燒雞肉, 原來要換過塊燒烤板, 因為第一次黎唔知道, 我地照放雞肉上去燒, 燒左5分鐘左右,有位韓國服務員態度較好地走過來解釋要換塊板先燒得, 呢位韓國姐姐同收銀嘅女仔態度較好。 雞肉尚可, 不過不失, 算新鮮但無特別, 到燒雞肉0個陣, 有兩個大陸人進來坐到我們隔離檯, 要人介紹有咩食, 剛才燒王牛排邊黑面嘅阿姐即刻好殷勤地介紹有二人套餐, 0個對男女問咁即係有咩, 個阿姐反轉頭叫佢地望我地食緊嘅野, 跟住我地好自然望下佢, 佢突然間好串咁呼喝我地： 你攞起0的雞肉啦! 熟晒勒! 當時反應係,阿姐好似你應該幫客人燒囉! 係你自己顧住sell自己同鄉冇理過我地0的野熟未! 當然我地有黑面同不滿, 佢見到咁都不甘示弱, 轉頭送石頭鍋飯俾隔離檯時, 專登將鍋飯大大力咁放低我地檯邊