hoo韓國包車

Open Now

Now Closed

最近同朋友兩個人都沉迷kpop文化，每次見到綜藝上面韓國料理都覺得好吸引，今次去一間餐廳嘅裝修好有心思，真係好似韓劇入邊嘅場景，所以我哋超級期待，食完之後覺得十分推薦。首先，拉絲芝士韓式炒雞真係驚艷到我，啲雞肉爽嫩，芝士拉絲效果超勁，入面仲有好多泡菜，酸辣酸辣好開胃，加上韓式辣醬好惹味🧀。另一款菜式薯仔煎餅都令我留下深刻印象，酥脆外皮，內裡嘅薯仔餡料鬆軟香甜🥔。而招牌炒章魚係我嘅最愛，章魚炒得彈牙有咬勁，加埋啲香料香氣四溢，辣得黎好過癮🐙。最後嘅一款菜式係芝士蟹膏蟹肉蛋卷，芝士同蟹膏嘅混合，加上鮮甜嘅蟹肉，層次感豐富，雞蛋軟滑嫩口😋。飲品方面，我地點左朱古力啤酒，係呢次餐飲嘅完美結尾，香濃的朱古力味道混合啤酒的氣泡，帶點微苦但又甜甜地，十分特別🍺。

好耐冇食過韓國菜啦🇰🇷 今日試宜間樓上舖 一入去發現裝修勁懷舊 無論燈光枱櫈都好似韓國路邊攤感覺。至於食物如何就睇睇下面嘅分享啦😀🍙蟹膏拳頭飯 $88飯團真係好大個 上面放左蟹膏 加上飯團入面有小許蟹肉同紫菜 食落都幾香蟹味 吾錯👍🏻🐙招牌炒章魚 $146 宜個炒章魚 我地都覺得好好食 章魚好彈牙 醬料辣辣地甜甜地 加上大量椰菜一齊炒 夠香 章魚都好入味 😋🐷懷舊烤五花肉 $152限量8份 份量十足 兩人會食唔哂 大大碟五花肉 包埋生菜 面鼓醬 蒜片 解油膩 但覺得五花肉可以再烤燶啲會更脆更香🍗甜辣炸雞 （$228 whole / $ 158 half)叫左半份 都有6大舊炸雞 勁多醬料 甜辣醬吾會好辣 味道正常但雞肉略厭未夠滑 同 juicy 比較貼心係有埋手套 方便食

星期五黎到尖沙咀行街，夜晚7點幾搵野食，搵到呢間每層都係餐廳嘅商廈🤣 一於試吓頂層嘅韓國野🇰🇷燈光好潮、好hip hop嘅感覺，而且我地之後嘅人都要等位🪩一坐低就有泡菜、荳芽兩碟前菜～ 用QR code落單，亦有實體餐牌。我地叫左三個主菜、兩杯飲品🥤芝士蟹膏蟹肉蛋卷 $128 🦀🍳好食！一切開有蟹肉、蟹柳，層次豐富，醬汁惹味🤤拉絲芝士韓式炒雞 $128好多芝士🧀🤩 亦有好多洋蔥🧅 d雞肉同芝士一齊食好夾，原本以為好大份量，但我地都食得晒👍🏻招牌炒章魚 $146章魚彈牙，蔬菜好fresh👍🏻熱情果梳打 $38、柚子梳打 $38，好夠氣，冰爽！🧊我地走嘅時候，越黎越多人，排lift條隊勁長，真係好難得商廈都咁爆場！

最近對食韓國菜興趣大增 尖沙咀最多韓國食肆 今次決定試一間韓式大排檔 樓上鋪平日8點鐘都好full 氣氛非常好 好彩仲有一張兩人枱我地點左炸雞 可以half half 味道 、魚糕串 同埋蛋卷 份量非常豐富 炸雞我地選左原味和甜辣味 都有7-8 舊 肉質鮮嫩 保持到肉汁 甜辣味亦唔會太刺激 反而幾開胃芝士泡菜蛋卷蛋卷分離時亦有拉絲感 內裡泡菜料豐富 最後點左年糕串 有gas 一路暖住個鍋可以保持溫度 不過都要留意控制火候 避免太猛火overheat 年糕串 年糕串吸收左湯汁的精華 口感亦相對清新 消解一下炸雞的油膩感飲品方面試左罐裝梨汁和青蘋果梳打整個晚餐氣氛熱鬧 而且食物份量和質素都有返咁上下 👍🏻

❤️朋友介紹到hoo 韓國包車食lunch，果然冇介紹錯，同一般韓國餐廳唔同，這裏特別有懷舊風格，真係比較別樹一格。⭐️⭐️食物有好多選擇，午市仲有街頭便當，都好豐富😋⭐️⭐️拉絲芝士韓式炒雞，滿滿拉絲的芝士和滑嫩的雞肉，加埋爽口嘅洋蔥，真係令人無法抗拒，口感十足👍🏻⭐️⭐️卜卜脆炒豬脆骨拼拳頭飯，名符其名，脆骨脆卜卜，仲有爽脆嘅椰菜，配合韓式特色辣醬，非常惹味香口，送飯一流。拳頭👊🏻飯有陣陣麻油香味和紫菜，容易入口。⭐️⭐️炸芝士流心豬扒韓式便當，炸豬扒裏面啖啖芝士，既邪惡👿，但好味道，不單有主菜，還有份量充足的配菜👍🏻⭐️⭐️甜米漿、柚子梳打食完豐富嘅午餐，當然要有冰涼嘅飲品作結尾。

全晚由等候入座，上菜，問野全程都態度好好2人埋單5百蚊左右性價比都算高餐廳環境好有風味食物唔係全部都出色但服務態度值得一讚同回頭再幫襯今次主要為左碟章魚去餐廳而家出左2人餐但同朋友慶祝生日就無買任朋友想食咩就散叫2個人叫左4款菜街頭魚糕串串中size $146湯底好似關東煮魚糕甜甜地夾埋湯好好食芝士泡菜煎蛋卷 $112入口超級有驚喜全晚最好食嘅一碟芝士泡菜加蛋真係好夾招牌炒章魚 $146朋友話偏辣但用韓國標準嚟講又唔夠辣同埋偏甜泡菜煎餅 $85完全唔值得叫好淋又無味

一直都好想試呢間餐廳，終於約到朋友去食。餐廳嘅裝修係韓國路邊攤嘅風格，再加咗啲復古嘅家具做裝飾，好似搭咗飛機去韓國咁🤩我哋6:45去到餐廳仲有位，直到7:30左右已經full晒，見到啲人要喺出面等位，所以記得黎之前book定位啊！餐廳嘅Menu都好易睇，兩頁就睇得晒。卜卜脆炒豬軟骨拼拳頭飯平時食雞軟骨就食得多，都係第一次食炒菜嘅豬軟骨，咬落去感覺似豬耳，真係卜卜脆，然後個拳頭飯有四粒，大約係一個乒乓波嘅大細，唔會話太大粒食得太飽。薯仔煎餅冇諗過薯仔煎餅可以咁好食，佢將薯條切咗做好幼既絲，再加咗粉漿，應該係木薯粉所以煙煙韌韌韌咁，有啲似蚵仔煎嘅感覺。泡菜豬肉鍋見到隔籬左右都有食魚糕串鍋，本身都好想試，不過朋友話屋企都整到😝所以最後叫咗泡菜豬肉鍋，冇諗過佢個豬肉係五花腩，一層肉一層油脂分布，食落唔會覺得太肥膩，配埋泡菜同個湯食啱啱好，如果可以加啲公仔麵就好啦🤣拉絲芝士韓式炒雞因為真係好鍾意食芝士，芝士係絕對做到拉絲嘅感覺，個雞係比想像中嫩滑，而且啱啱好唔會太鹹，配埋啲大蔥一齊食真係好開心。最後都有叫咗兩個嘢飲，冇諗過條飲管係心形咁有心思，用嚟打卡一流啊🥰

🍽️hoo韓國包車今日來尖沙咀試下韓國路邊攤小食，非常有氛圍的一間店鋪，系韓國最中意食路邊小食，真系有翻到韓國的感覺！強烈推薦同朋友一起來感受一下熟悉嘅韓國味道☺️🍢街頭魚糕串串 ＄146又軟又嫩的魚糕串串，一煲上來熱辣辣♨️湯底有白蘿蔔一起煮，鮮甜又暖胃，推薦👍🦀醬油蟹 配 脆脆紫菜 ＄288醬油蟹好新鮮，完全冇腥味，之前仲擔心會肚痛，但系一D事都冇啊🤭蟹肉飽滿結實，同韓國食嘅味道差唔多，但系冇韓國嘅甘咸食完口乾🧀芝士蟹膏蟹肉蛋捲 ＄128中間包裹超多蟹肉很多，而且蛋捲夠厚，一大啖咬下去好滿足啊，可以同時食到蛋同蟹肉雙重口感🫓泡菜煎餅＄85泡菜煎餅比較薄，煙韌彈壓噶口感，唔系香脆的薄餅口感，同泡菜一起食會更好吃🍗一雞兩味＄228醬油味+辣味，份量好足雞超大塊，適合大啖食肉噶朋友，3-4個人share一份ok，辣味唔會好辣，雞肉有肉汁唔會太乾🍺柚子啤酒＄58🍹柚子/熱情果梳打 ＄38柚子啤酒清爽解膩，唔飲啤酒都可以試下炸雞配梳打

餐廳佈置得好有韓國嘅布帳馬車風格，好有feel 啱曬打卡📸🌩️ 招牌炒章魚🐙 $146 🤍5/5呢個餸甜甜辣辣，好多章魚腳仔，咬落好有肉底，完全唔韌同好入味👍🏻加埋啲椰菜冇咁膩 好惹味😋🌩️ 泡菜豬肉鍋🥘 $146 🤍4/5整體對我嚟講有少少辣，好重泡菜味，但係送飯就一流喇，有幾嚿好大嚿嘅肥豬肉，食落好淋完全唔柴，好有肉味🐖略嫌冇乜配菜 如果加啲菜或者豆腐豐富啲就好喇🌩️ 薯仔煎餅🥔 $82 🤍 4/5出面煎得少少脆，入面好有咬口，仲有薯仔絲喺入面，跟咗個酸酸甜甜嘅汁，整體好fresh🤩🌩️ 芝士蟹膏蟹肉蛋卷🦀 $128 🤍 4.5/5蛋卷包埋好多蟹肉，好足料，加上上面啲蟹膏幾有鮮味，令到成個蛋卷都好有蟹味 面頭淋咗沙律醬同茄汁，第一啖食落就係沙律醬嘅味之後就係好重嘅蟹味，好食🥰

好耐冇食韓國菜 朋友介紹左一間最近超多人打卡嘅餐廳💁🏻‍♀️行入去真係好似一秒去左韓國夜攤咁 成個環境悉心裝飾 走Y2K風格 放咗好多街機 超級有氣氛✨如果鍾意打卡 千祈唔可以錯過 有唔少嘅打卡位俾大家瘋狂影相📷 This Summer $58除咗靚靚嘅環境 食物都相當唔錯😙首先叫咗一杯this summer 其實佢係一杯菠蘿冰茶 味道好清爽 唔會太甜 最啱配等陣食嘅炸雞 可以解膩😋butter x garlic炸雞配脆脆薯格 $178份量都幾多 炸粉唔算厚 肉質都幾滑嫩同juicy 嗰醬有好香嘅蒜頭味 少少甜甜地咁 好味🫶🏻國民烤五花肉 $178超級大份 我哋兩個人食食到超級飽 燒得啱啱好 好香口 有少少油膩 不過配埋生菜食就啱啱好😋整體而言 係一間環境好好 嘢食不錯嘅餐廳 個人覺得幾適合一大班朋友嚟食🤣

上ig見到最近呢間韓國菜餐廳超人氣，就好想黎試下，平日都坐滿曬，睇嚟真係好多人食。😳入到餐廳空間尚算闊落，坐得舒服，餐廳裝修佈置超有心思，好似去左韓國咁，有種真係坐係首爾路邊攤感覺。🥹餐廳兩邊有韓國街道嘅招牌、鐵閘、舖面，好象真，角落仲有一堆洗衣機，啱曬鍾意打咭嘅我。🙋🏻‍♀️我先試一試炸流心芝士豬扒，外脆內嫩，搭配流心芝士的濃郁香濃，入口即化。😋🧀🐖接下來是街頭魚糕串串，本身韓國地道人氣小食，魚糕軟林林，又好彈牙，湯底好清甜，如果點左辣野叫佢解辣就絕對一流。🐟🍢最後來品嚐招牌炒章魚，經過巧妙烹煮，口感爽彈，搭配香濃辛辣的醬汁，味道十分獨特，而且超級惹味。🦑🍳呢度野食好食，餐廳又靚，下次一定會帶埋閨蜜再黎，試下其他菜式。❤️❤️

🚩hoo韓國包車鍾意韓國菜嘅各位對於依間餐廳一定唔會陌生‼️充滿霓虹燈同大排檔枱枱凳凳，連我啊媽60後都話幾有特色🤭〰️〰️〰️〰️〰️〰️〰️〰️〰️〰️〰️〰️〰️〰️🌈街頭魚糕串串 $146每枱必叫魚糕，中份有5大串，湯底都仲有好多其他款嘅魚糕食落清淡得黎暖粒粒又好味～大家記得魚糕湯都唔好放過啊🤤🌈醬油蟹 配 脆脆紫菜 $288估唔到依度醬油蟹都有得食🥹雖然唔係超多膏，但勝在肉質新鮮緊緻啲肉一推就好似果凍咁出曬黎🌈芝士蟹膏蟹肉蛋卷 $128小小嘅蛋卷竟然包到咁多蟹肉🦀蛋唔會老，配埋蟹膏同蟹肉口感唔會乾柴記得要大大啖食落口 超滿足🌈泡菜煎餅 $85唔會好油膩～ 泡菜份量好足，但又唔會太酸不過就略厭細左啲🌈一雞兩味 $228連骨炸雞！比我想像中大份拼左醬油同辣味，每款都有5件左右一開始睇個底好似好水咁但食落又唔錯喎😎炸皮夠脆，又入味🌈柚子啤酒 $58🌈柚子/熱情果梳打 $38食左咁多油膩野，飲啲酸酸甜甜就岩曬‼️

一路都對呢間韓式餐廳印象深刻，畢竟一開張就有好多人話環境好似真係去左韓國咁，好有feel；第一次黎呢度其實覺得有少少似酒吧～打開門之後先有種韓國街邊檔嘅感覺

蟹膏拳頭飯除左面層蟹膏之外，飯本身撈左好多蟹肉，因為係凍食嘅關係，整體食落唔會有腥味，調味偏淡，配搭埋其他小菜一齊食啱啱好
炸紫菜粉絲卷新鮮滾熱辣炸起，表面做得好脆，似泰式春捲，裡面嘅粉絲煮得啱啱好，而且乾身唔會太硬或者太爛，而且有比埋醋比你點，好解膩，個人好鐘意呢個醋
薯仔煎餅呢個煎餅唔係平時我地去大排檔食，好脆口熱氣嗰種，煎餅本身口感係有咬口嘅類型咬落仲帶有薯仔嘅香氣同口感，又係跟左碟醋比你點，同樣十分出色
一雞兩味揀左原味同甜辣味嘅有骨炸雞，呢個真係新鮮炸起，打算攞手套食，熱到攞唔起😂原味會有種鹽同胡椒嘅香味，而且應該係醃完先炸，可以食到個炸皮都有味道，炸漿應該都有調味過；另外甜辣偏香港人口味，唔會過份辣，係啱啱好，一啖肉一啖醃蘿蔔就可以解膩又解辣

hoo 韓國包車(尖沙咀)📍 尖沙咀厚福街12-12A號藍馬商業大廈22樓hoo 韓國包車以典形的韓國街頭店鋪為設計的基調，令客人置身於韓國一般。一雞兩味🍗一雞兩味故名思義就係一種炸雞，但有兩種味道！今次試左原味+ 甜辣，原味雖然會更為清淡，但不會太單調，原味更突顯雞肉的鮮味和鬆脆的口感。甜辣方面，味道有別於一般的炸然店，其他店的辣味是以甜味為主基調，但hoo 的甜辣是以辣味為主，辣椒的味道十分突出。街頭魚糕串串魚糕串份量十足，仲有鮮甜的蘿蔔和清魚湯一齊食，真係十分滿足同好食！芝士泡菜煎蛋卷蛋餅份量足！裏外都充滿海量嘅芝士🧀，內裹還配有泡菜，外料沙律醬茄汁，各種配料既味道加埋一齊，㗎直就係味覺的享受。拉絲芝士韓式炒雞芝士份量多到嚇死人，雞肉真係好嫩滑同好入味，配埋一齊真係值得一叫泡菜炒飯呢個飯同係韓國食到既味，真係一模一樣，掛住韓國既朋友仔可以去一解思鄉之情芝士炒年糕🧈年糕有咬口，加埋芝士同甜辣汁，一個字，Perfect!小食拼盤小食拼盤包左三款小食，炸粉絲卷+炸甜芝士+炸薯條，即叫即炸，仲有三款吾同既醬汁，口感酥脆，味道豐富熱情果梳打菠蘿梳打吾用多講，炸野吾配有汽泡既野飲，簡直係白食

今晚嚟到呢間食肆，裝潢霓虹閃閃，一種好港式街市嘅感覺。首先，個招牌炒章魚真係令人眼前一亮，章魚鮮嫩得滑唔帶絲毫膠質，炒得香辣入味，一碟接一碟，好過癮！一雞兩味就更正，雞肉香滑不過火，兩種截然不同嘅滋味好似在口腔內打硬仗，每一啖都好滿足。配埋脆爽嘅白蘿蔔，簡直係太match！拳頭飯都係勁過癮，飯糰隔空都聞到香味，啖啖米係咁滑，真唔知點形容好。朋友一路嘖嘖讚好，慘啲就連自己都要拍掌！呢度嘅空間氣氛正，啱晚上同班友出嚟小酌兩杯。坐得舒服，周圍環境又有得攝影，個個打卡拍相忙唔停。更重要嘅，食物出得快手，質素都一流。真係想對呢間食肆嘅師傅大叫一聲: 好正啊！下次再約埋其他friend仔，一齊嚟試下其他料理！👌🍲🥢