天然豚骨拉麵專門店一蘭

Open Now

Now Closed

未有疫情前，收工久唔久都會去食一蘭獎勵下自己。但自從疫情之後，都好耐冇食過啦。當日，突然心血來潮，想食拉麵，就嚟到銅鑼灣既一蘭。一如以往，叫左個拉麵加白飯（食完拉麵後最尾倒落去個湯到食），雖然好耐冇食，但味道依然不錯食完拉麵後，梗係要食返個甜品嚟作結啦！我叫左個抹茶杏仁布丁，杏仁味都幾濃郁，甜甜地都幾好食😋P.S. 之前成日都要排長龍，要等位架嘛，當日嚟到竟然唔使等位就食得，而且水準一樣無下降到，下次得閒再食先。

最正宗豚骨湯拉麵 ？？🍜趁宜家冇乜遊客，食下一蘭先☺️去到職員話要等大概 15 分鐘，最後10分鐘就入左座。可能期望太大啦，雖然係好食嘅，但冇大家講到咁驚艷 🤣同埋一格格用板隔開坐嘅感覺，同同伴好難交流傾計，體驗一般，好唔好就見人見智啦

太耐無去日本就黎食下，同岩岩係香港開張個陣時比好似無咁好食，可能呢幾年係香港都有好多其他新開張既拉麵舖，淨係做一種拉麵既一蘭還需努力💪🏽價錢都偏貴，拉麵連餸盛惠170蚊，但係都唔夠飽要再加多一份麵

疫情之前在日本🇯🇵食過一欄拉麵🍜今日第一次嘗試香港🇭🇰一蘭拉麵🍜有回到日本的感覺😌😌同之前食嘅味道一樣冇失水準🤞🏻希望疫情快啲過去再去日本🇯🇵😭😭

香港一蘭長期滿滿人氣！好耐冇去過日本找回日本的味道！一蘭必食選擇：多蒜、多油、麵度硬身！一蘭拉麵濃味的豬骨湯底、入口滿滿蒜味、麵質幼滑，非常美味！一蘭豚肉味道醃製濃味，非常香口！

試過喺日本嗰度食一蘭拉麵之後就念念不忘。但係香港嘅一蘭拉麵開咗咁多年，我家下先第一次食。呢啲都叫做係一解鄉愁。夏天要排隊真係好熱。問題係佢又唔似其他拉麵店咁樣會喺門口嗰度擺㗎風扇出嚟吹。所以喺嗰度排隊真係需要好大嘅勇氣。但係因為嚟緊嘅時間早所以好快就排到。入到舖頭仲要坐喺度等一陣，好在入去舖頭係有冷氣有凳坐。入到舖頭之後發現除咗冇咗日本嘅自助點餐之外。其實裝修格局大致同日本差唔多。都係一個人嘅拉麵位入面有木甲板隔住每一個食客。一蘭拉麵每一個位下面都有個掛鉤可以掛住個袋。舖頭亦都會提供衣架，同埋紙巾掛喺牆上面等客人自己攞。點餐紙係好簡單嘅，一份拉麵睇吓你要唔要加配其他嘅嘢食。咁我就係好簡單嘅一份天然豚骨拉麵。辣醬我就揀咗½。大概就係咁樣嘅。跟住我就將啲辣醬，同個湯麵係撈勻，然後就變咗做有少少辣嘅拉麵。睇日本人食拉麵，通常都係一啖餸、少少叉燒半隻蛋、加啲面加啲湯咁樣一齊送落口。唔知道點解我覺得呢樣嘢係一件好神乎其技嘅事。我自問就做唔到啦。但我覺得我咁樣食法都係好好味。濃濃既豚骨湯有少少辣，加少少蔥花喺上面更加更加突出。最後食完個面、飲埋個湯我就睇到碗底有飲完最後一滴湯係對廚師最高嘅讚賞呢句

曾幾何時食要排好耐隊而家已經都唔係啦一蘭都係一樣湯味好濃雞蛋都係唔錯但隨住其他沾麵拉麵舖越開越多一蘭好似已經冇以前咁輝煌相比起其他拉麵其實一蘭都唔算好平所以以前會成日食但而家都少咗好多啦

🇯🇵一蘭拉麵🍜咁啱呢排試過幾間唔同嘅拉麵～打響頭炮就係一蘭拉麵🍜幾鍾意佢地嘅自閉位會有簾隔住，就算係一個人去食都唔怕尷尬😖☀️天然豚骨拉麵🍜我就揀左普通口味嘅湯底，飲落幾香但又唔會好俗🍜麵質自己就鍾意硬身嘅，貪佢有硬口😆叉燒嘅肥瘦啱啱好，有少少肥之餘又唔會太油膩👍🏻成碗嘅份量幾好，我食哂之後都唔會太飽😂如果大食啲嘅，可能要加麵先夠飽🫣希望遲啲可以去日本試下佢地嘅拉麵🇯🇵💰$95

雖然這拉麵店很出名，但這是我第一次到這裡吃拉麵，在日本反而未去過啊😆 這夜很晚才找地方吃晚餐，又想吃拉麵，於是去這間仍未休息的拉麵店✨ 我不太喜吃蔥，反而加了半熟鹽味蛋🥚 湯底少辣，我看這裡只有豚骨湯拉麵，可選擇麵的軟硬程度、湯濃度、辣味和加一般配料，但沒有其他特別款式的拉麵，說真的味道是比較普通，如不夠飽可再加麵、义燒和蛋 如果對拉麵要求不太高，又喜歡獨自一人自成一格，要有私人空間地吃拉麵的話，這裡也是個不錯的選擇🍜

已經喺香港開咗多年嘅一蘭拉麵，裝修設計，同埋食物基本上都同日本一樣，所以疫情下每隔一段時間掛住日本🇯🇵或者想食個簡單日本野嘅時候就會諗起😆水準一如以往，你話係唔係超級好食？拉麵來講又唔算超級好食，但係每次去食都保持到差不多水準，😃湯底濃度每次都不會有太大落差，😉面要求的軟硬度，每次也能做到相關要求，依樣嘢就唔係間間拉麵店，或者餐廳做得到，所以在銅鑼灣有時候諗唔到食咩，想食個快餐，有時都會選擇佢。😂😂

十幾年前, 第一次去日本東京工幹, 聽一位香港朋友推介, 初嚐 “一蘭” 拉麵, 當時年少無知, 梗係好食. 🥰 早幾年前, “一蘭” 係香港銅鑼灣開店, 聽講大排長龍. 今日神推鬼㧬嚟開餐, 唔使排隊.🥢 餐廳裝修設計十分讚, 好似去咗日本咁, 見識到傳說中嘅 “自修室” 獨立座位, 服務員會捲起坐位前嘅竹簾同你落單及送餐.🍜 今日點咗 “天然豚骨拉麵”, $95. 其實只係得呢款拉麵, 冇其他嘢揀. 拉麵質地OK, 湯底甚有水準, 豬骨味濃, 黐到上拉麵, 唔會肥肥滯滯, 但唔 “震撼”. 其他配菜 (例如紫菜, 木耳) 或者調味料 (例如蒜泥) 都要另外加錢.追加: 半熟鹽味蛋, +$16. 要自己剝殼嘅. 半生熟效果唔錯, 發揮理想.追加: 叉燒 (四片), +$26. 雖然賣相一般, 其實非常好食, 半肥瘦, 似五花腩烤肉. 個拉麵本身包兩片, 另外追加四片.追加: 麵, +$19. 食完都真係幾飽.🤗 總結: 論味道, 普普通通, 可能因為拉麵市場競爭激烈, 拉高咗水平. 不過我鍾意 “一蘭” 嘅裝修設計, 一路食, 一路回味東京街頭嘅拉麵. 可以一試!

一蘭係我每次去日本都要食嘅拉麵，不過一直無試過香港嘅一蘭，因為次次都見到好多人排隊。結果試著一次，發現同日本嘅差太遠了，性價比真係好一般，甚至不如一風堂。除了一蘭招牌拉麵，我還加了很多配料，但係都無太多驚喜，非常一般，而且食完肚仲有啲唔舒服，唔知係咪湯太油膩。總之，唔會再食第二次了。

今天上午本來安排的工作消失了，有半日假期，因為下一個項目在銅鑼灣，所以預早來到附近。記得一蘭剛開張時，半夜也要排隊，所以沒有很大期望。今天我到達時是早上十一時，不用排隊，直入。被安排在其中一個「自閉位」，店員可能見我一面無奈，略略教了我怎填表。填好，然後按右前方的鐘。選了天然豚骨拉麵（創業以來）（$95），加了精選配料組合（$65），和完熟水蜜桃汽水（$39）。避免先入為主，有些舖我是不看食評，直接去試。至於點甚麼？就選店家推薦的，因為那大概是店最有信心做好的。（如果招牌菜都沒做好，那就沒下次。）拉麵的軟硬可選，我選適中，感覺也是適中。份量是適中，對女孩來說。如果男生，大概要加麵。义燒肥瘦適中，沒有根，但有咬口，我喜歡。湯沒有太鹹，少少油膩，可接受。半熟蛋有點太熟。我選了走辣，因為想試真啲個湯底。水蜜桃汽水可以不叫，因為飲湯已經很飽。桌上可以自己斟水。不過，主要我想飲汽水。這篇記錄應該是歷來最準確可信，因為自閉位私隱度高，一邊食一邊寫的。整體來說麵和配料各方面都做得很 balance，不會有任何一方面「太搶」。這是優秀的表演。

The long queues usually outside this place put me off trying, but with no queue tonight I was happy to get to finally try it.What a disappointment. Very expensive, small portion of noodles, soup very salty and add-ons expensive. I finished two small dry pieces of pork, the instant noodles and went to another restaurant to have dinner. One of if not the worst ramens I've had in HK. no idea why people are raving about it

一蘭的一人座位，私隱度高岩哂疫情同埋一個人食野唔想同人搭枱的朋友拉面加套餐加溏心蛋 -溏心蛋原隻上連黑色碟仔加隻碗，另外仲有濕紙巾比你消毒左雙手先搣蛋殼，非常貼心-套餐會多幾片肉，紫菜同埋黑木耳絲，紫菜脆卜卜黑木耳絲同肉我會加入碗面到食，因為本身碗面得1-2片肉，食肉獸既我要加肉先滿足今次見到可以加飯，就叫黎試下，食完個面淨低啲湯再倒啲飯變湯飯咁食啲飯係日本珍珠米，吸左啲湯之後除左湯味仲食到米的甜味，好好食，比起拉面有另一番風味，必試