Izumi Curry

Open Now

Now Closed

有日心血來潮想食日本野就落一田food court睇睇見到呢間d fake food model整得幾吸引就試下印象中呢間舖好似曾經係香港好常見原來執下執下已經得返沙田一間$40一個大阪燒 Menu睇落好大個 黎到比份量比我想像中細好多同一般喺日本超市買到既大阪燒比佢係偏細同偏薄 仲有偏濕睇相都見到份量似mini size味道都一般 唔夠香 唔夠多椰菜 椰菜又唔多爽口唉 有d失望不過醬汁係正常既 就係正常既日式燒汁加沙律醬佢仲有咖哩烏冬同飯果d經過今次食過一次再加睇埋其他人既食評應該唔會試埋其他食物😂

𝟙𝟠.𝟙𝟙.𝟚𝟘𝟚𝟚📌Izumi Curry (沙田)沙田沙田正街18號新城市廣場三期3樓一田美食廣場💸人均消費: $100內🌿評分: 3/5🈚️加一服務費餐廳分類🔖 、見好耐冇食過咖哩就同男友嚟美食廣場🙌🏻呢間咖喱店係喺一田差唔多最入嘅位置🙈由於個美食廣場其實唔算好大😳店舖門面嘅座位都只係得三個🤧不過好好彩我哋買完之後先前入咗座嘅人都好快離開咗🐸於是就順利入咗座🧡𐂂奄列吉列咖哩豬扒飯 ($85)雖然外表唔算特別吸引但聞落都幾香🥳有隻滑蛋鋪咗喺四塊豬排同咖哩上面🍳咖哩味都偏濃少辣🍛而豬排都偏厚不過炸粉亦唔算太厚唔會影響到成塊豬排嘅口感🐷而飯量方面係足夠嘅 整體嚟講係唔錯嘅👍🏻𐂂他他醬炸蝦咖哩飯 ($85)炸蝦本人普普通通不過不失🍤入面嘅蝦都係結實唔會霉霉哋咁👻炸蝦上面啲他他醬同個咖哩嘅配搭有出乎意外嘅夾😲食落中和翻小小咖哩嘅辣味🎃啲蕃茄粒都令到碟咖哩飯清新少少🍅可惜呢個環境同質素嚟講呢個定價有啲太高🥲有啲唔係太值呢個價錢>_<

諗唔到第一次喺度寫食評就俾咗呢一間嘢喺度總共買咗一個蔬菜烏冬、一個滑蛋豬扒飯同一個煎餃子，連埋嘢飲買單兩舊水，算係正常日本堂食價格，可惜食物質素未能追到呢一個價格嘅水平。咖喱蔬菜烏冬味道OK料夠足，但係個豬扒飯真係好難食，啲扒前所未有咁靭，練牙力一流食食吓發覺唔對路，開OpenRice見到啲食評，先發覺原來大部份都一致認為豬扒異常難食，可見水準發揮正常令我覺得神奇嘅係，我一路堂食一路都有人外賣呢個豬扒飯，我已經分唔到大家係真心試伏，定好似我咁唔睇食評盲舂舂嗌咗個豬扒飯

是日晚餐是來自日本大板的關西咖喱專門店的出品。隱藏在日式超市內的小小咖喱店，食客不算多，但出品確有保證。這店舖座位不多，我便選擇外帶一個咖喱飯回家獨食。聞名的咖喱飯🍛果然不會令我失望。雖然不是堂食，賣相亦算不錯，頓時食慾大增。今天我選的是奄列吉列豬排咖喱飯，回到家中，幸好飯仍是微暖的。這店的咖喱汁微辣，汁醬充足，毫不吝嗇，味道豐富；吉列豬排炸得金黃色，入口不會韌，味道恰到好處。奄列仍是滑滑的，配惹味咖喱汁來吃，味道質感更豐富。

呢間日式咖喱味道唔錯，雖然選擇唔算好多，但係叫咗出嚟嘅菜式，基本上同餐牌上嘅造型係100%完全相同，非常精美。而且味道亦都好好。不過唯一就係，喺呢個food court入面就比較難搵位。而且食到尾聲，已經有人等緊你個位。

Very nice food, I order the big 330g curry hamburger  This is the best Japanese curry in Hong Kong, personly I travel long way to dinner here very friendly staff and good service, I will come back again and again

when they first started, the quality was much better, but when Iate KATSUDON（かつ丼;Pork cutlet on rice ）,I felt sleepy, tired, and then sick...it seems the oil and the meat quality was very bad. It's so sad because I love their taste of curry and rice. Are they using Gutter oil（地溝油;廃油）??

一直都幾鐘意Izumi 既咖哩，不辣微甜，系典型日式咖哩，原本食開幾間分店都唔見了，行街經過沙田新城市廣場，見到izumi咖哩，好親切，中午飯就食佢好了。特制咖哩烏冬，冇令人失望，水準都同之前分店一樣，有吉到蝦同吉列豬扒，仲有軟滑奄列，89蚊，價錢不算平宜。不過烏冬好Q。軟滑奄列烏冬，呢一款簡簡單單，已經好滿足。49蚊。野菜咖哩烏冬，多種蔬菜顏色配搭好開胃，有最愛的秋葵，薯仔，茄子，粟米，西蘭花......幾好味。

夜晚嚟到沙田轉車，又肚餓搵嘢食，嚟到food court醫下肚見呢間咖哩飯未收，即管試下佢叫咗一個炸豬排咖哩蛋包飯，咖哩有得揀辣唔辣，所以呢個揀咗唔辣然後店員話呢個餐有嘢飲送，所以叫咗雀巢檸檬茶豬扒幾厚，size都regular，不過唔知係咪因為就嚟收檔，所以咖哩汁唔太熱，影響咗成個飯嘅口感蛋包飯嘅蛋都有一定厚度，加埋上面嘅香草，味道尚算不過不失香蔥牛肉飯就揀咗辣嘅咖哩，但兩隻咖哩都食過之後發現都冇咩分別，其實冇辣味牛肉係用咗牛腩，呢方便係幾好，因為每舊肉都炆到好冧，好易咬不過上面嘅蔥花好唔新鮮，唔知切咗出嚟放咗幾耐，加埋唔夠熱嘅咖哩，最後明明肚餓都食唔落幾多總括黎講真係麻麻地，為飽肚先食而且呢個價錢咁嘅質素，去食銀咖哩好過

行一田經過，見到有個人叫依個餐，賣相已經好吸引，剛好又係食下午時間，就叫黎食下。侍應都同我講依個係皇牌，我二話不說就叫左依個餐，今日仲送野飲。一食個蛋唔錯，個咖喱汁香濃，第一感覺幾好食，賣相吸引。再食豬扒，估唔到食落一d都唔熱，豬扒質地好乾，炸得好差，好像食柴皮一樣。相中可能肉係有兩種色，食落一d都無肉應有嘅口感一個中午八十元嘅餐黎講，一d都唔值，有種受騙嘅感覺

今日十一點幾去咗新城市廣場，唔知食咩好所以就去咗一田個food court試下咖哩。我叫咗個咖哩芝士茄子烏冬，加檸檬茶。味道都唔錯，咖哩夠濃，唔會好似咖哩味嘅水咁。（有d連鎖店會整到水咁）芝士好多配埋烏冬好好食！烏冬唔係平價烏冬最後食茄子都好味，比咗兩條好大條嘅茄子，煮到好軟又入味。food court 嚟講好滿意。

一田大減價勁多人而我都係為左減價而來所以中午黎到一心諗住食小小野就開始買美食廣場就一定夠快啦不過可能因為星期日真係勁多人開頭以為得家品可以減無諗過食快餐都有減😙😙😙原價要84都有平幾蚊去到76仲有野飲送好多間都有優惠價，難怪咁多人等位個實物同幅圖好似味道就正常啦蛋係滑嘅。。。豬扒就有d乾不過咖哩汁係幾香嘅超市仲有椰青買椰青送咖哩好正😄

嚟開沙田做完野， 未到lunch hour 又有啲餓， 早啲搵野食唔洗到時同人迫。。。行左個round揀左食漢堡咖哩飯(少反)加芝士， 包野飲， 個反買相幾得下， 仲好香咖哩香， 咖哩汁足夠撈多反仲有少少辣， 加錢既芝士絕對夠份量， 整體嚟講唔錯， 價錢亦可接受! 再講阿姐好熱情咁介紹佢地既食物，真係好伙記!!

咖喱牛肉飯日式咖哩向來易入口，少少甜少少辣咁，唔知點解食到黑胡椒味好重咁😅😅見到咁寥寥可數既幾粒小牛肉，心裡多多少少難過了點，實在太沒氣勢的一道咖哩飯了😕😕但味道尚算叫不錯既😀牛肉嫩口易咬，似牛腩既口感。沙律感覺好cheap cheap😟椰菜絲似放左一段時間，唔夠爽口，份量又少😕套餐有包飲品如汽水全是罐裝整體而言唔係唔好食既😌但$80幾食呢個飯，唔知點解，覺得有啲心痛姐..........好似貴左少少喎.......

這晚跟E先生來到沙田，兩人打算到一田的美食廣場看看有什麼吸引的餐廳吃個晚餐，當我們看到Izumi Curry，就不約而同的決定要來個日式咖喱飯晚餐。奄列吉列豬扒咖喱飯 $79 套餐+$5配汽水賣相漂亮，咖喱汁呈深咖啡色，質地略稀，味道香辣而帶微酸；奄列夠嫩滑，略嫌蛋味稍遜，吉列豬扒炸得香脆可口，質地味道還好；配上香軟黏糯的米飯，整體來說還不錯。自家製漢堡咖喱飯 $69 套餐+$5配汽水同樣的咖喱汁配上Izumi Curry自家製漢堡，又是另一番滋味，自家製漢堡肉味香濃，美中不足是質地帶點乾韌，只屬勉強可以。