麦玉子

Open Now

Now Closed

今天到沙田新城市廣場逛逛，逛至一田超市已是6:30pm，碰巧超市內有間食店，便順到吃完回家😄。先點食物再自行找座位，因是小店座位有限，只有2張4人枱，唯有選上高枱坐下😂點了一份玉子燒青花魚便當🤣👉整個便當食物都是暖暖的，除了沙律，份量剛好。 >>玉子好香蛋味而富有口感👍 >>青花魚是淹漬，味道一般 >>日本飯軟綿👍，麻醬汁沙律ok值得一提，雖然是小店，但服務態度很好🥳原本我點了玉子定食並已入機，🤣後來我改為以上便當，收銀員隨即叫廚師停做，轉換食物，並友善地收錢，之後更端上一杯熱水給我，值得一讚👍🤩

逛完一田超市已6:30pm，諗住吃過簡便晚餐，在超內遇見‘’麦玉子‘’便order一份玉子燒鲭魚便當，無期望地去試。😆咦！便當內有👉半條醃漬的鲭魚+暖暖有蛋香的玉子+麻醬汁沙律菜fresh+軟綿的日本珍珠飯，整個分量剛好。值得一讚收銀員，原本我order定食已入單，後來我改為便當，她沒有怨言，反而即叫廚師暫停，把定食改便當，友善地收錢，更送上我一杯熱水😄一間小店能做到這個服態度，真是難得一見。👍

今晚求其搵野食，最緊要快！諗都唔諗就決定去食麦玉子！1. 豚骨宗田鰹節吉烈豬扒烏冬 $79湯底比以前淡味左好多，塊吉烈豬扒就咬落到個心度好硬，唔知自己食緊乜😑2. 滑蛋烏冬 $48 好彩仲有蛋味係個湯底度，不都係偏淡，要加七味粉調味。 3. 玉子燒明太子 $63如果連玉子都唔好食就可以執左去😂好彩佢個玉子都算唔錯，滿滿嘅明太子，必食!4. 芝士魚餅串 $25過於乾食，而且芝士唔夠。 5. 炸芝士條 $25 咬一啖嚇一跳，裡面空心乜都冇，只有少少芝士味🧀 呢間越做越差，淨係得番個玉子燒好食🥲而且坐位唔多，冷氣仲要勁凍🥶

那天，是假期的前夕，太太同小朋友們一放學就出了市區行街食飯了。我放工後加入隊伍時，大伙兒已經在沙田。而時間也就到了晚上的七點半，亦即係話，又是食飯的時候了。帶著小朋友，總不能像井之頭五郎一樣，呆站地想餐廳。結果，身處一田超市的我們，就決定在 food court 內找。而我們選擇《麦玉子》的原因，卻不是因為招牌的蛋，而是看中她們的熱辣辣牛肉、豬肉料理。那天，太太不吃，我只好帶住兩個細既去填肚。首先，我要點評的是炸餃子。完全地香脆的日式餃子，很受任何人士的歡迎。肉香，但日式餃子不同於中式餃子的一面，就是內餡的肉冇咁滑。喜歡食牛肉的仔仔就點了這豚骨宗田鰹節牛肉煮烏冬。賣相雖是一般，但夠多牛肉早已經令小朋友感滿足。這一碗烏冬，兩兄妹分享，兩個都開心食。我吃的是滑蛋豬扒飯。此店以蛋為主題，所以單是那一層蛋已經做到比一般日式餐廳整的滑蛋豬扒飯靚。入口，蛋味既滑又香濃，被蛋蓋著的豬扒也夠好味道。雖然，蛋汁令到豬扒的香脆感減半，但依然是夠好味的。只是那個味噌汁唔係幾好飲。普普通通又一餐，最重要小朋友啱食。兩隻野食得開心，我當然也開心。總之，這是開心的一餐。

晏晝係沙田食左個好飽既Tea，所以去到7點零鐘都未餓😂 但因為今晚要睇波，所以都係搵少少野食下。本身打算係一田睇下有咩食，點知行到收銀櫃附近位置見到呢間麥玉子，價錢同食物都幾吸引，而且仲有枱櫈可以坐，所以就買左一個set黎醫下肚😗玉子燒吉列豬扒定食 ($69 + $6)一個set入面有味噌湯、少少沙律、3件玉子燒、吉列豬扒同埋白飯。由於我想順手試吓其他味道既玉子燒，所以我另外加左$6將普通玉子燒轉做明太子玉子燒😋 玉子燒咬落質感厚實，甜甜地而且蛋香味十足。中間既明太子份量都算多，微辣既明太子同少少甜既玉子燒都幾夾。至於吉列豬扒方面，個炸粉偏厚同硬，不過都算炸得香脆，另外仲配有酸酸甜甜既燒汁可以沾，味道都幾夾👍🏻

玉子好好味，白飯都唔錯，但係雞扒就麻麻地唔推薦。唔知點解店員唔睬人，點咗單一個字都唔應，問几耐話唔知，餐好咗放係度都唔同你講（只有一個人係度等），睇上去好似特別唔想有人點餐

嚟到沙田想試吓啲較有特色嘅嘢食，俾我搵到呢間來自日本嘅過江龍，個玉子燒好似好正咁，於是決定嚟歎返個靚lunch～😆店面設喺一田Food Court入面，附近有幾張枱俾你堂食，全menu嘅菜式都可以外賣，隔離亦有少量現成嘅選擇提供。嘢食即叫即製，等咗大概10分鐘就有得攞啦～😙🧈 原味玉子燒 $49💯 評分：🌕🌕🌕🌕🌕 (5/5)💬 首先叫咗份原條嘅，份量比想像中多，食晒完全可以當係一餐！六大嚿件件勁厚超足料，擺入口啲蛋汁同油花多到滴出嚟，加上使用日本蛋，玉子燒嘅蛋香更添濃郁，味道豐富又有層次感，令人回味無窮！🤤🍜 宗田鰹節照燒鯖魚烏冬 $58💯 評分：🌕🌕🌕🌕🌑 (4/5)💬 估唔到玉子燒以外嘅選擇同樣有驚喜，質素亦都相當有水準！照燒鯖魚味道鮮甜，肉質嫩滑入口即溶，食落冇太油嘅感覺，烏冬都夠彈牙同掛湯。個鰹魚湯底真係精髓，濃郁得嚟唔會太鹹，超想飲晒成碗！😋🥘 玉子燒牛肉壽喜燒定食 $79💯 評分：🌕🌕🌕🌕🌑 (4/5)💬 食完唔夠喉所以買埋外賣返去做晚餐，特登叫咗個要花較大工程處理嘅壽喜燒試吓。牛肉味道幾濃郁，洋蔥嗦晒啲汁都仲keep到有咬口，係個麵豉湯可能鹹咗少少。玉子燒水準依舊，當然

經過沙田一田有個小型嘅food court，見到呢間玉子主題嘅日式定食話係用日本蛋同日本米食材，就不妨試試先啦👀以自助形式，側邊有少許位置，較為適合想快速食個Lunch或者叫外賣嘅朋友😎🔸 玉子燒吉列豬扒定食 (HK$69)套餐跟左原味玉子燒，質感厚實，但味道唔算十分鮮甜，就係幾普通嘅玉子燒🧐(加$5玉子可以轉為櫻花蝦/明太子/三文魚碎口味)。而吉列豬扒炸粉同肉嘅比例係一半半，食落有少許油膩感。可能放返張吸油紙，比客人印印啲油再食會比較好，米粒質感都係不過不失。另外跟餐可以優惠價加購小食，我地就加左$12有3件炸日本餃子🥟外皮炸得有點乾硬，內餡份量偏少。整體黎講，呢個價錢算係略貴，另外都可以選擇便當款，咁就大約$40幾，可能會較為抵食。【推介指數：5⭐滿分】環境：⭐ ⭐ 味道：⭐ ⭐ ⭐打卡：⭐ ⭐ 服務：⭐ ⭐ ⭐ 回頭率：⭐ ⭐

夜晚唔想排隊，行完一田百貨去咗入面嘅food court食日本野，恍如日本濕平完開餐，己有日式風情。呢度雖然冇show嘢食出嚟，但係餐牌同嘢飲都睇得出幾呀日式風情感覺。第一次食，叫咗個二人餐，可惜環境一般，有好多曱甴，店員都唔係好你客人大叫⋯由淡口既開始食，食咗玉子燒先，幾香，唔鞋，有雞湯味。然後食壽喜燒牛肉芋絲，因為冇保溫，所以暖暖地。炸物有吉列豬扒同炸雞，雞好過豬，雞味重啲😂仲juicy d，豬就有啲dry，浸落壽喜燒汁就好味啲Address:麥玉子沙田新城市三期一田food court

沙田一田裝修完，好耐冇去過佢個food court食野了。放工去買完野，見到好多未見過既餐廳進駐左。-可能因為肚餓，第一眼見到麥玉子既玉子就覺得好吸引，於是就即刻行近睇佢個menu，叫左個定食～同場唔算多人，計埋本人都係得三枱，有枱仲要食緊，所以等左大概8分鐘都有啲意料不及🤔-玉子燒牛肉壽喜燒定食 （$79）可惜黎到第一眼已經好失望！份量超少，完全唔值$79。但愛麗絲唔應該以貌取餸既，話哂叫麥玉子，第一啖當然要試下主角玉子啦～整體黎講不過不失，甜甜地帶啲醬油味，煮得岩岩好唔會老身，三小舊既份量係非常合理。牛肉薄切得5-6塊，唔係肥膏多過肉果款，不過就咁望都已經望到碟底了。。。。壽喜燒味就食唔到，似普通醬油味。本身依個價錢都唔期望會有牛味，但食落鞋身，重點黎啦：一！啲！都！唔！熱！直頭暖都稱唔上，好似平時食飯食得慢餸菜攤凍左咁。。。。不能接受！！沙津同麪豉湯依啲都係正常野。沙津既麻醬略嫌多左啲，蓋過左本身蔬菜既味道，唔夠fresh！不過依樣野就好主觀既，鍾意食麻醬既朋友仔可能會覺得冇問題。麪豉湯不過不失，唔會死咸，飲完成碗都冇頸渴。-今次既用餐體驗唔理想，食物唔夠熱係死罪，所以係第一次，

好久沒逛沙田，都不清楚附近有什麼餐廳啊！和朋友為午餐覓食時，見到一田超市內有幾家餐廳，餐飲價錢合理。剛好有座位，就決定留在一田超市內吃午膳～～我率先揀了在麦玉子買餐！麦玉子提供的餐，有8成以上都有玉子燒的，丼飯類也有滑蛋，只有幾款烏冬不是每一款有蛋呢～～既然主打玉子燒，我就選了玉子燒和風雞扒便當。玉子燒和風雞扒便當，比定食set大概平$10左右，雞扒及玉子燒的份量略略少一點，以及不提供抹茶及味增湯。雞扒煎得金黃，皮脆肉嫩，蘸少少照燒汁，幾惹味～～底下的沙律菜，配上胡麻醬，味道OK！玉子燒只得兩件，質感綿密滑溜，蛋香十足，加上微微的甜味，很好吃！！白飯上灑上了飯素，有飯香之餘，亦增添整體香氣～～～$58這個價位能有這種質素，絕對比去連鎖快餐店超值得多！只是便當份量對男生而言相對少，會不夠飽肚啊！

原來一田都有個細food court仔，今次揀咗呢間舖頭主打食玉子最出名係玉子燒，但由於今日我太肚餓揀咗食滑蛋豬扒飯😍😍💛 滑蛋豬扒飯呢度嘅玉子係標榜用日本蛋，珍珠米,可能係日本蛋嘅關係蛋味好濃，滑蛋用咗日式醬油，洋蔥，同埋吉列豬扒一齊煮，咁快豬扒就唔會咁熱氣。珍珠米煮得啱啱好，有飯香，日本米真係唔同啲。下次過嚟試埋玉子燒先😋😋麦玉子 (沙田)沙田沙田正街2-8號新城市廣場3期1樓一田百貨Food Court內

今日同朋友仔逛沙田，平時都少行到過黎三期，今日就explore到黎呢邊，身為玉子控，見到呢間大大隻mugiTAMAGO點會miss左佢呢我簡簡單單點左份「豚骨宗田鰹節玉子燒烏冬」，湯清清地帶點豚骨嘅鮮味，個蛋冇相咁金黄色，但食落絕對ok, 滑、甜甜地，like朋友就試左個「玉子燒青花魚定食」miso soup熱辣辣，佢唔會死鹹，感覺舒服itadakimasu我緊係唔放過佢舊玉子啦唔浸湯嘅佢都保持juicy, 甜度適中青花魚就正常發揮啦，旁邊細細份嘅沙律菜都新鮮想講令我嘅係杯matcha...好香濃初試mugitamago, 試原味絕對係個indicator, 而我係覺得值得下次黎試佢其他變奏版

玉子燒炸雞定食 $69Tamagoyaki and deep fried chicken set玉子燒招牌玉子燒非常厚切，而且仲有好多口味，今次揀左原味，見到相片已經好吸引，而且一個餐有三大件，食得出用左日本高湯去做，蛋味豐富，不鬆不散炸雞到日本除了壽司之外，最喜歡吃炸雞了，附上醬汁，雞肉香脆，肉質鮮嫩鬆軟，配沙律菜，感覺沒那麼熱氣米飯是用了日本珍珠米，很大的一碗份量超多（總覺得是二人份量），而且米飯上面配了日本的飯素，還有酸瓜，很好吃，吃後感只是覺得整個餐份量也太大了吧，有麵豉湯還有一杯綠茶Latte，一個人吃的份量實在是很豐富。CP 值超高！

行完一田有啲肚餓，就喺附近搵嘢食。一田超市入邊有food court，比呢度嘅玉子燒吸引咗，所以決定食呢間！呢度嘅Menu選擇都唔少，除咗有佢哋最signature嘅玉子之外，原來仲有啲定食例如壽喜燒，豬扒，仲有鰻魚飯，烏冬等等，價錢都幾抵。玉子咁吸引，一定要試！我哋兩個人揀咗一個玉子同埋一個定食！明太子玉子 $59唔好以為得雞蛋會唔飽，超大件同埋足料！有6件，食得出個雞蛋材料唔錯，好香雞蛋味！而且好香滑！配上啖啖明太子，多到可以漏出黎，而且明太子嘅鹹味同鮮味令玉子燒錦上添花。好正！玉子燒牛肉壽喜燒定食 $79如果驚唔夠飽嘅話就可以選擇定食，跟餐有玉子燒，主菜，沙律，麵豉湯，飯同埋飲品(綠茶）。呢個餐都會有三個原味玉子燒，冇配料嘅話更加食得出個蛋味。一樣係咁香滑軟熟。壽喜燒都好吸引，牛肉唔會過熟，多汁，醬汁甜甜地，而且仲有洋蔥做配料，牛肉同洋蔥都好入味，送飯一流。除咗主菜之外，沙律同埋麵豉湯味道都唔錯，沙律菜新鮮，配上麻醬好開胃。一個定食有咁多嘢食，性價比唔錯。👍🏻而且food court內坐得都幾舒服，環境都幾衛生，下次行完街可以再嚟食！