OPPA Coffee Bar Restaurant

Oppa Coffee bar restaurant🔸人參雞湯 HKD320個湯係有淡淡既參味 唔會濃到飲唔到！仲落左紅棗、好滋補！雞入面包左糯米，雞既肉質唔會好un~飲完成身都暖粒粒～🔸 蟹膏蟹肉紫菜飯卷 HKD108佢既蟹肉係蟹柳黎～而飯卷入面包左蛋絲，蘿蔔絲，醃青瓜，都幾多配料～同埋都有8舊左右～都播左d韓文歌，幾有feel~ 而佢既食物選擇都唔少，見其他人嗌左炸雞，芝士撈飯等等，見到其他人叫d拉絲勁吸引😍

太耐冇食韓國菜，突然興起就決定黎韓國街呢邊搵食😉今次叫左火腿蛋漿熔岩炒飯($188)、蜜糖牛油無骨炸雞($208/半份)、韓國果肉果汁(梨)($25)、韓國果肉果汁(蜜桃)($25)裡面部電視播住韓國MV，KEEP住有得聽下，好有氣氛😄火腿蛋漿熔岩炒飯：呢個係佢地嘅招牌菜，上枱時先會送上鐵板炒飯，然後職員會幫手處理，喺旁邊倒入加左奶嘅蛋漿，飯上面加上芝士，再用火槍即場猛火燒，幾正🤩最後芝士溶化後再不斷攪拌，成個炒飯都非常拉絲，味道非常濃郁😋蜜糖牛油無骨炸雞：炸雞好香脆，肉質鮮嫩多汁，牛油同蜜糖嘅醬汁甜中帶鹹，好惹味🤤至於下面仲有D薯條，都幾脆，份量都好足，半份就可以兩個人食到飽😍仲有伴碟蘿蔔粒可以食下，酸酸地幾開胃韓國果肉果汁：黎得韓國餐廳當然飲返韓國罐裝飲品先有FEEL😄我叫左梨味，朋友叫左蜜桃味，兩個都好好飲，裡面都有D果肉粒，飲落好有口感，果汁又唔會太甜，好清爽😋佢呢到都仲有唔同款式野食可以食，選擇都唔少😉補MENU

今日去左勁多好評 位於韓國街嘅oppa coffee bar restaurant 食飯☺️ 之前夜晚嚟排長龍 今次lunch time好好多 有位揀 不過12:15左右先開門😉揀左一份蜜糖牛油炸雞 卡邦拿炒粉絲同三色韓國煎餅🤤 炸雞可以揀有骨/無骨 我哋就要左無骨 雞肉都好嫩滑 仲有肉汁👍🏻 炸雞份量都多 味道不錯😋 卡邦拿炒粉絲醬汁非常creamy 岩哂同朋友share食😀 三色韓國煎餅有泡菜煎餅 韭菜煎餅同南瓜煎餅😍 睇落唔係好脆 但係食落出奇地幾好食 泡菜煎餅 韭菜煎餅味道出眾🤓 南瓜煎餅甜甜地都好好味 每款口味有3塊 叫埋米酒真露都會好夾🌟

༺ OPPA Coffee Bar Restaurant ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ OPPA Coffee Bar Restaurant 𖠚ᐝ 雞肉蛋漿熔岩炒飯($188)𖠚ᐝ 韓國泡菜煎餅($160)𖠚ᐝ 卡邦尼炒粉絲($168)⚑ 尖沙咀金巴利街1號F地鋪ʀᴇᴠɪsɪᴛ: 7.8/10☽‎⋆.•* ¨¨¨¨¨¨¨¨¨食後感¨¨¨¨¨¨¨¨¨*•.⋆☽‎➳雞肉蛋漿熔岩炒飯($188)店員會即刻係你面前加蛋漿同芝士，再用火槍燒熱同溝埋一齊，芝士會可以拉絲到好高🤤食落有好濃芝士味，超級正❤️‍🔥可惜今次叫的款式是沒有泡菜，感覺有一點單調🙈 ➳韓國泡菜煎餅($160)一共有八大塊，煎餅口感煙煙韌韌幾好食🥰仲有泡菜粒增加口感～味道都不會好辣，點埋韓國醋醬幾好食！➳卡邦尼炒粉絲($168)味道偏奶香味，仲有忌廉味~醬汁幾creamy! 粉絲都幾掛汁!☽‎⋆.•*¨¨¨¨¨¨¨¨¨餐廳環境¨¨¨¨¨¨¨¨¨*•.⋆☽餐廳座位唔多，位置有一啲迫～ 餐廳仲一直播住韓文歌，幾有feel🫶🏻

閑日嚟到韓國街都坐爆曬！呢間等咗差唔多10分鐘有位，兩個人總共叫咗四道菜，雖然以澱粉質為主，但每一味都好好食好有特色。最出名嘅蟹肉蟹膏紫菜包飯，蟹膏超級多，而且包飯嘅體積都比一般大。另外，就係韓國餐廳必叫嘅海鮮煎餅，煎餅入面嘅蔥就夠晒多，但海鮮都唔輸蝕，每一啖都食到不同嘅口感。仲有叫咗韓劇啲女主角成日喺屋企食嘅拉麵，拉麵入面又有魚糕、生雞蛋、仲有年糕添！我今次叫嘅係五花腩拉麵，五花腩直頭係韓燒燒好咗嘅樣貌，脆卜卜又keep到滿滿的肉汁！本身都食到飽飽濟濟，但朋友要叫佢最喜愛嘅卡邦尼年糕，韓國同西式餐點Crossover，奶油味好香，好彩份量唔算大，都食得晒。好驚喜係呢一度有好多款嘢飲揀，有酒精同冇酒精嘅果汁都有，仲要每一款都係韓國直入！

🧀芝士雞腿 $255: 店員即時係鐵板上邊燒溶芝士🧀 然後包住甜辣雞腿上，芝士味好濃郁，而且拉絲效果好吸睛😍 魚糕湯 $220: 魚糕湯用胡椒及紅白蘿白煲😋好暖 好似去咗韓國明洞街頭食一樣🇰🇷 魚糕串爽彈👍🏼 有圓形及四方形，仲有烚蛋😚

【尖沙咀•OPPA Coffee Bar Restaurant】@oppacoffeebar.tstππππππππππππππππππππππππππππππ尖沙咀韓國餐廳主打熔岩炒飯 仲有即場嘅噴火表演泡菜蛋漿熔岩炒飯 188$職員會即席示範火槍點燃整個熔岩板，韓國泡菜的辛辣和蛋漿的柔軟，再搭配上熱氣騰騰的炒飯，蛋漿會在炒飯的熱氣中冒出泡泡，形成熔岩的效果。口感柔軟、辛辣，非常適合喜歡吃泡菜的人。甜辣無骨炸雞 238$外脆內嫩，酸甜辣鹹的口味讓人欲罷不能，味道酸甜微辣很開胃。忌廉溝鮮奶 25$餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 496（連加一）✨✨✨✨✨✨✨✨✨✨✨✨✨#尖沙咀美食 #OPPA Coffee Bar Restaurant #web3尖沙咀OPPA Coffee Bar Restaurant尖沙咀金巴利街1F號地舖

💭韓國野就真係食極都會忍唔住去食～尤其是d 煎炸野，真係好吸引～ 因為突然好想食韓式炸雞，所以今日就去左OPPA 餐廳食野啦～🌸半份蜜糖牛油炸雞 （HKD 198）就算只係叫左半份蜜糖炸雞🍗，其實都好大份～ 呢度炸雞除左有炸雞仲有薯條🍟炸雞同蜜糖+牛油係絕配大家都知，原來薯條同蜜糖+ 牛油真係好夾👍🏻熱辣辣既炸雞真係好好食，同朋友一齊食炸雞同吹水真係好開心😄🌸魚糕湯（HKD 220）雖然寒流剛剛過去，但係天氣仲係涼涼地～飲d 熱湯就perfect 啦～ 呢個魚糕湯有好多款魚糕食到，食完暖lup lup 真係好正呀～ 🌸忌廉溝鮮奶梳打呢個汽水真係童年回憶！ 好好飲～

呢間Oppa餐廳真係要事前訂位，如果想walkin既話唔知要等幾耐，其實店舖不算細小，都有十多張2-4人餐檯，但八點半九點都仍然爆滿，店員都做到無停手，不過依然好有禮貌的招呼人客。我們點了OPPA激辣蛋漿熔岩炒飯及蜜糖牛油炸雞，主食還未來到前，先來一瓶蜜桃燒酒，感受一下韓食特色，本來還擔心韓國的真露燒酒好刺鼻搶味，但這枝水果口味的燒酒出奇地好易入口，蜜桃香氣同味道比酒精重，清清地甜甜地，好好飲。至於主食蜜糖牛油炸雞比想像中要大份量，每塊雞都大大件，外皮的確炸得非常脆口，雖然未至於一口咬落去爆汁，不過啖啖肉都嫩滑，最後都係食唔晒要打包拎走。主角OPPA激辣蛋漿熔岩炒飯由店員親身拎埋火槍在人客面前，先在炒飯四周淋滿蛋漿，於飯頂上放滿大量芝士，再用火槍狂燒，看著半融的蛋漿與芝士熱辣辣咁融為一體，已經係一種視覺享受，攪拌著炒飯時芝士仲可以做出拉絲效果。注意的是如果你不是嗜辣之人最好叫其他款式較好，因這款激辣炒飯是真心辣，連我號稱最食得辣的人都覺得辣，不過當入口品嚐到又有辣味又有濃郁芝士味的蛋炒飯時，仍是會一口接一口的吃完，真係堅好味。

難得聖誕節約朋友食飯，梗係想去一間好啲嘅餐廳食飯。見到佢間餐廳嘅環境同menu好似唔錯，所以就book咗。去到只係得一枱客，樓面一個staff都唔見，要去到最入先見到staff。佢啲態度仲要串串哋咁問我咃做咩。我哋坐低之後佢就話限時75分鐘。我咃3個女仔唔知佢啲份量有幾多，所以只係叫住一份泡菜蛋漿熔岩炒飯、半份蜜糖牛油無骨炸雞同一支青葡萄米酒。過咗一陣，米酒就送到。之後就聽到頭先個staff大大聲咁同同事講3個人只係飲一支米酒。之後個炒飯送到嚟，有另一個態度比較好嘅staff幫我哋即場同火槍燒同拌。當佢搞完之後我哋先發現佢送嚟嘅唔係泡菜蛋漿熔岩炒飯，而係雞肉蛋漿熔岩炒飯。我哋見價錢又係一樣咁就費事叫佢換就照食。一食落口就覺得好咸。(我係一個食得重口味嘅人都覺得好咸)  佢嘅蜜糖牛油無骨炸雞嘅味道普通，只係得個蜜糖味，而且覺得佢只係就咁將啲蜜糖淋上面，最下面嘅炸雞同薯條係冇咩味。仲要一邊食就一邊聽到佢哋喺度大大聲講啲客人嘅壞話。全晚最好嘅都只係得嗰支青葡萄米酒。如果問我哋會唔會再去食，我哋一致認同1000%冇下次!!!

一班女仔出嚟食嘢🙌🏻，梗係揀啲有氣氛又啱一齊傾計嘅餐廳啦🤭！今次小仙女🧚‍♀️同寶妹💁🏼‍♀️一齊出嚟搵嘢食，去咗 #尖沙咀 韓國街💕，揀咗呢一間 #韓國菜 餐廳🇰🇷。餐廳嘅水泥風裝修🏭，好有首爾文青Cafe嘅感覺☕️。🍗芝士炸雞($268)芝士炸雞🧀嘅份量超級多，多咗成座山咁樣😍，幾個人share都可以食到好滿足😋。外層炸得酥脆💥，裏面嘅肉質都好好。最正梗係底下有嘅熔岩芝士🫕，拉住絲咁撈埋啲炸雞🤤，望落已經覺得好邪惡。🦀蟹肉蟹膏紫菜包飯($108)食韓國菜🇰🇷，梗係要嗌埋紫菜包飯啦。裏面有煎蛋絲🍳、紅蘿蔔絲🥕等等嘅材料增加口感。蟹肉蟹膏嘅味道🦀好香，配埋有咬口嘅飯同埋外層嘅紫菜🍙，一啖可以食到晒呢啲感覺👅，真係好正。🥟韓式煎餃子($148)最後我哋嗌埋煎餃子🤩。餃子皮煎香咗，配埋裏面嘅餡🥳，真係幾好食。再點埋韓式餃子汁🥢，麻油味同醬油味都好香。

🍖韓式豬手 $330豬手預先切開一片片 厚度適中 方便進食 每一舊豬手都連著滿滿的骨膠原 非常煙韌 很膠質亦可見其層次分明 隨碟還附上生菜 泡菜 沾醬 蒜頭 自由配搭令味道及層次變得多元化 包裹著一啖吃進口真的非常滿足 先是爽脆的生菜 再有啲辣及咸味散出 再到煙韌的豬手 層次非常豐富🍣蟹膏蟹肉紫菜包飯 $108飯卷滿滿的芝麻油香 包裹著的餡料也很豐富 蟹膏有鮮味 很creamy 蔬菜很清爽 有蘿蔔 蛋絲 蟹柳在內餐廳還提供多款不同種類的飲品 由酒精及非酒精 一定滿足到你的喜好

火腿蛋漿熔岩炒飯賣相：🐧🐧🐧🐧🐧味道：🐧🐧🐧🐧🐧店員會在客人前加蛋、芝士，再即席用火槍燒香炒飯，觀感極佳，期間不斷散發出濃郁的芝蛋香味，非常邪惡誘人。炒飯與芝士炒蛋完美融合，食落濃郁鹹香，又不會過份膩滯，十分出色。當中夾雜著脆卜卜的飯焦，令整體口感更豐富。三色韓國煎餅賣相：🐧🐧🐧🐧🐧味道：🐧🐧🐧🐧🐧三色煎餅一掌大小，色彩繽紛非常吸睛。三款煎餅分別是泡菜、蔥和南瓜口味，當中最喜歡南瓜口味，內裡有絲絲南瓜，食落清甜又開胃，煙韌軟糯的質感令人上癮。紫菜包飯賣相：🐧🐧🐧🐧🐧味道：🐧🐧🐧🐧🐧紫菜包飯份量十足，內餡非常豐富，包括有火腿、青瓜、蘿蔔、炒蛋絲等，食落清新又爽口，口感滿滿非常豐盈，大滿足推薦。環境：🐧🐧🐧🐧餐廳裝修簡約清新，採用木系桌椅配搭明亮的燈光，家庭式的設計給人感覺溫馨又舒適。臨近聖誕餐廳亦納入相關佈置，氣氛十足。🐧❤️結語：熔岩炒飯好睇又好食，招牌推介必試👍

店名/Shop Name：Oppa coffee Bar Restaurant 地址/ Adresss: 尖沙咀金巴利街1號F種類/Type：韓式晚餐推介/Recommend：蟹膏蟹肉紫菜包飯，芝士炸雞人均價錢：$200店舖環境: 現代輕工業簡約設計交通:l尖沙咀地鐵站行13分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️蟹膏蟹肉紫菜包飯$108紫菜包飯內有紅蘿蔔絲雞蛋絲和蟹柳絲，換上份量充足的蟹膏，海鮮味令到整個飯包錦上添花芝士炸雞$268真心超級推薦，炸雞外皮超級脆，內裏冇骨雞肉嫩滑，芝士內有紅椒和青椒絲，經過鐵板的熱力把紅燒和青椒的香氣滲入芝士內，伴着炸雞一起吃除了芝士的香濃味道，青紅椒增添了芝士的香氣，七彩的顏色令到食慾更加濃厚蘋果梳打$27清爽蘋果味的梳打檸檬梳打$27檸檬梳打一點酸味也沒有，但係最後都係覺得用可樂送炸雞係更加配搭

由廚房到樓面都由韓國人親自主理，入來坐低最好識講韓文或者英文，不過韓國oppa好nice,仲幾靚仔, 會講少少廣東話，好有禮貌的 🔮芝士雞翼  大大杯芝士，直接倒係個鐵板上面，韓國侍應會親自係客人面前用火槍燒溶芝士，再將芝士捲住雞翼，拉絲效果好澎湃呀，睇到我地眼定定呀～芝士濃郁香滑，珍寶雞翼，大隻又juicy，上面的韓式甜辣汁跟芝士味道十分匹配！好好食呀～ 🔮泡菜炒五花腩豆腐  唔想食咁多炭水，真係好推薦食這個，以泡菜和秘製韓式甜辣燒肉汁，炒香五花腩條 ，每次夾少少肉和豆腐一齊食，味道一濃一淡，互相中和，味道很有層次呢～又或者可以將拌碟的新鮮生菜包住五花腩條，當生菜包來食，又有另一番風味呀～