意粉屋 (Closed)

今日同朋友食晚飯，朋友提議食意粉屋，加上自己都好耐無食過，所以都想試試有咩新轉變同驚喜。叫左 $398 二人餐 (鮮羅勒帶子蕃茄湯、芝士焗龍蝦帶子天使麵、香煎紅鯔魚 XO 醬燴意大利飯) 同鮮忌廉芝士焗菠菜。鮮忌廉芝士焗菠菜 : 可能焗得唔夠耐，芝士未能呈金黃色之剩亦無香氣撲鼻既感覺出現，而且味道也屬一般。鮮羅勒帶子蕃茄湯 : 滿滿既蕃茄蓉濃湯配上鬆脆口感既酥皮，已經令人食指大動，而且用料重一啲都唔馬虎。香煎紅鯔魚 XO 醬燴意大利飯 : 紅鯔魚外皮煎得香脆可口，而且肉質嫩滑 ; 而米飯粒粒分明有口感，並且吸收了醬汁的精華。👍🏻 👍🏻芝士焗龍蝦帶子天使麵 : 上枱時睇賣相就已經覺得邪惡到一個點，而且份量超級多足夠三個人食都得 ; 麵條均勻地吸收了濃郁既芝士龍蝦汁，而且配上爽口彈牙既帶子、龍蝦、琵琶蝦等配料，好味程度簡直令我喜出望外。😍 😍

蕃茄豬扒Pasta :3/5白汁魚柳pasta:2/5酥皮濃湯:3/5今次我就試食蕃茄豬扒pasta 豬扒黎講夠哂大份 蕃茄都夠哂足料 蕃茄意粉都做到幾入味 呢點值得讚下 雖然賣相一般 但味道都算唔錯

沙田新城市商場內有不少連鎖食肆。今日嚟本來係睇戲，但早咗到。經過就入意粉屋食下野，等時間過。叫咗下午茶menu的「悠閒下午茶拼盤」，同埋「巴馬臣芝士肉醬意粉」。餐包埋熱檸茶，另外就+$6要杯青檸梳打。「悠閒下午茶拼盤」$85有火腿、沙律、雞翼等小食。沙律醋吱係火腿上，而唔係沙律菜上⋯不過火腿本身都唔咸，唔係就奇怪👀 份量好少好少，得幾塊菜～薯條顏色有點深，亦炸得不太好食。不是外脆內熱那種，感覺一般。加了黑松露碎蛋的酥餅。外層乾身偏硬，有餅乾咁硬。本身有碎蛋加黑松露一定好香，但呢個麻麻。就呢次感覺嚟講，個人不推薦以上的餐。「巴馬臣芝士肉醬意粉」 $75 分咗少少意粉食。呢個我就非常鐘意。

今日約兩個朋友在沙田新城市食午飯，但因為覆診時間耐左，去到新城市都已經兩點，故不如食有飯有意粉的下午茶啦！一諗就諗起意粉屋，所以就黎左呢間。睇完manu, 就點了三個主菜，但又見個優閒拼盤又幾吸引，所以唔理啦！叫埋佢啦！跟餐只是有飲品一杯，但我地又想飲湯，見到餐牌寫住如加酥皮周打海鮮湯要加$15，咁我地二話不說加了三個湯。首先酥皮湯上枱，酥皮比之前食既焗得冇咁靚，但始終都係自己喜愛，焗得唔靚都算啦！😆味道都算唔錯，入面都會有蝦，有啲魚肉，算足料吧！隨後其他主菜紛紛送上！優閒下午茶拼盤，入面有炸薯條，檸檬雞翼，黑松露煙三文魚碎蛋酥盒，風乾火腿沙律，分量在下午茶供應尚算豐富，酥盒好鬆脆，火腿唔鹹，幾好！炸薯條好香脆，雞翼食落去一陣陣檸檬味，好清新！鮮忌廉芝士焗波菜煎魚柳扁意粉，扁意粉唔太腍，啱啱好，魚柳OK啦，唔鞋，可能始終都不喜歡食魚柳，但味道尚算可以。席上還有一個小朋友，小朋友見我食扁意粉都想食下，所以都給了一點讓他吃，小朋友食到唔停，睇黎佢好喜愛！另一款係巴馬臣芝士焗肉醬意粉，肉醬是牛一定肉造的，有芝士响入面，味道唔會太差，不過不失啦！意式煙三文魚海鮮炒飯，炒飯濕濕地，唔會好乾，味道

沙田的意粉屋分店總令人意興闌珊、掃興而回。沙田分店的侍應態度欠佳，繼上次光顧時柯打漏單後，這次負責接待的侍應亦禮貌欠奉——餐廳的午市於11 時才開始，而我今天於早上10:48 已到達餐廳，並在餐廳門外等候。侍應在看見我後，只冷冷地放下一句「11 點先入得」，便繼續轉過頭做自己的事，絲毫沒有對待客人該有的禮貌。入座後，發覺餐碟有污跡，但由於無需使用，所以沒有要求更換。但不潔的餐具足以令客人用餐的興致大減。食物質素還好，但比這家美味的意粉亦大有人在，所以味道上不算特別。餐包改為意大利香草軟包，對我而言是一大敗筆，味道和口感都不討好，還是昔日的蒜蓉包惹味、香脆。

是日補假放早，約了好友P下午茶兼拜年兼取手信。到達時已近4點半，入座後即點餐，無獨有偶，大家都點了餐牌上菜名第2長的主菜，P加配了酥皮湯，因用了會員卡，第二份半價，所以本牛也加配了酥皮湯。先上枱的是飲品，除咖啡和茶，會員可以選擇熱檸蜜和熱泡沫咖啡，我們每款點了一杯，熱檸蜜很熱，感覺到蜜糖的香甜和滋潤。P的泡沫咖啡奶泡幼滑，也很香。不一會，湯也上枱了，酥皮焗得很鬆脆，匙羹一碰就碎了，內裡的是周打海鮮湯，有蝦、青口和魷魚和洋蔥粒，不過杰和過咸，但就不是很熱。接著主菜鮮忌廉芝士焗波菜煎魚柳扁意大利麵<=菜名真是有點長呀 ! 哈哈…也上枱了。芝士很多很濃，和菠菜很夾，魚柳煎得香，扁意粉不糊有口感。最後多謝P的韓國朱古力手信和會員優惠 !

今日同朋友係沙田食晏，朋友提議食意粉屋因爲有會員卡有折，所以就去咗排隊 ; 明明餐廳重有好多位，但門口果個侍應偏偏唔放人入去， 見裏面啲侍應個個都 hea 住做，真係等到忟忟地。等左勁勁勁勁勁耐先入到，見下午茶套餐幾抵食 $88 跟酥皮周打海鮮湯同飲品，而如果有會員卡重抵，第一客 85 折，第二客半折，第三客 85 折，第四客半價，所以最後我地三個人叫了四個餐，叫咗蘇格蘭煙三文魚蜜桃蘋果藜麥煙斗沙律、巴馬臣芝士焗肉醬意大利粉、意式海鮮炒飯、珍寶雜錦板板薄餅。蘇格蘭煙三文魚蜜桃蘋果藜麥煙斗沙律巴馬臣芝士焗肉醬意大利粉意式海鮮炒飯 : 有帶子、大蝦、魚柳、魷魚，不過比我想像中細碟，味道就普普通通尚算合格 ; 而酥皮周打海鮮湯就做得幾出色。👍🏻 👍🏻珍寶雜錦板板薄餅 : 建議不要叫，因為實在太普通無特別，如果以 $88 呢個價錢黎講，我食 Pizza hut 好過，起碼份量同味道都有保證。總括黎講，如果有會員卡真係幾抵，如果無既話都試得過，不過以 $88 係新城市廣場應該有更多選擇。

意粉屋 沙嗲皇 仙跡岩 霸王山莊 你仲記得嗎？.已經有十年冇食過意粉屋😂近排上網查返先知 原來佢係同大家樂同一集團記得佢地以前開到成街都係 好似仙跡岩咁後尾就得返零零星星幾間 究竟係難食咗呀 定不敵貴租呢🤔？巨人分量😀建議兩個女仔嗌一碟share食芝士分量中規中矩 側邊有啲鮮蕃茄🍅食落有啲似焗芝士肉醬意粉🤡海鮮唔太新鮮 唔係幾搵到龍蝦肉係邊 劣👎🏻個底超多油🤮究竟發生咗咩事意粉屋對於黑松露既定義 係咪姐係黑椒😅丁點黑松露味都冇 淨係食到成口油野菌種類都幾元既 但係油到咁真係好難接受.總括嚟講 食物質素好劣 價錢又唔係平我係唔會再俾多次機會意粉屋架啦🤷🏼‍♀️

星期日，來意粉屋食個假早餐。其實係早午餐，因為太豐富，食左無咁快肚餓。熱香餅，蕃茄乾炒蛋併星星薯餅熱香餅好食，沒有半點發粉味，軟硬度剛剛好炒蛋不會多油星星薯餅，薯仔部分太少，比較油芝士肉醬意粉一如以往的好，招牌菜無失手，超多肉醬 早餐非長時期提供，有時要碰碰運氣。 早餐時段11點要離場。

今天因晚上要看電影，所以我們二人決定到意粉屋吃一個下午茶餐當晩餐。打開餐牌，選擇不算多。我們二人最後選了一個pizza和一個意粉，打算share 來吃。珍寶雜錦板板薄餅賣相吸引，材料豐富，內裡有菠蘿、磨菇、青椒、洋蔥、加拿大煙肉、意大利辣肉和沙樂美腸。薄餅皮脆，上面的材料味道有甜有鹹，味道可叫包羅萬有。再加上板上旁邊的沙律菜，為這個薄餅添上清新味道！黑椒汁煎厚豬排意粉的黑椒味濃、厚豬排仍淋軟、意粉軟硬適中。這個下午茶餐還配有一個酥皮周打海鮮湯。這個湯外脆內熱，酥皮浸在湯內變軟，吸了湯的味道，非常美味！喝下這個湯後已飽了一半！最後，滑滑的咖啡和熱擰茶為這豐富的下午茶餐劃上句號。

十幾年來每年冬天必食芝士火鍋。今年當然不例外！看著意粉屋曾經低落，近年又再積極起來！雖然分店沒從前的多，但這餐廳絕對是香港人的集體回憶！ 希望一直長做長有吧！芝士火鍋這十多年來也有優化，由最初芝士少又快燶底，至近年大大煲芝士更濃更香！慢慢歎不用趕著怕芝士很快無，是值得讚的！今年仍然有肉食的套餐，亦有海鮮套餐，選擇多了，豐富了！前菜除了 Parma Ham 外，今年加了風乾火腿，兩款味也不錯！ 如果瓜和肉數量接近些更好！ 海鮮餐略嫌貴了些，如果芝士火鍋可以再抵食少少，效果相信更佳。

今天我們一行三人在沙田MCL cinema看完電影已是二時許，經過Spaghetti House時發覺下午茶時段已經開始(由下午二時開始),看看門外展示的食品款式亦頗為多元化和吸引，能滿足我們不同的口味，我們拿了票，等十至十五分鐘便可順利入坐。意粉屋的menu提供很多不同的選擇，價錢亦十分大眾化。我們分別點了魚柳焗扁意粉、厚豬排意粉和雞扒天使麵。食物很快便送上。各款意粉賣相都很吸引，份量十足，難得的味道也不錯，沒有因為相宜的價錢而有所妥協呢！各款下午茶餐還配上了飲品一杯，（如有興趣更可加錢配酥皮湯）。我們點的是咖啡和熱檸檬茶。熱咖啡雖沒有濃烈的咖啡味，但亦香滑和非常容易入口。不消一個鐘頭，我們便滿足地捧著肚子離開了！

家人送我一張免費客情券，今日下午茶時段就使用它。使用免費客情券是要同時有消費才可以使用，我楝$44鮮製檸檬芝士餅作飯後甜品，檸檬混合芝士的味道清新，十分可口，吃過炒飯令油膩感全消。我下午茶當午飯吃的$69意式海鮮炒飯，份量適合我的雀仔胃的容量，炒飯有微香咖喱味道，有中蝦仁、魚柳、鮮魷鬚、帶子，四款海上鮮都鮮嫩可口，非常滿意。最後一杯即磨咖啡提神醒腦，飯後睡意全消！連加一服務費，今個下午茶個人消費$76。

最近迷上了炸雞🍗，不論是韓國🇰🇷炸雞、KFC，總之就是想吃炸雞😂。•1️⃣ 意粉屋招牌炸雞🍗伴脆薯條👍 外脆內軟，雞肉非常嫩滑。-薯條🍟是粗薯條，炸得很脆😋。-❌ 其中一件雞一切開便看到粉紅色的肉😱，雞肉還未熟。跟店員說後，她會換另一件給你。幸好看一看才放入口，否則後果不堪設想😖。-2️⃣ 芝士焗火腿煙斗粉👍芝士 + 白汁非常Creamy，好味道。-火腿大大粒，加了它，提升了整道菜的味道🤗。• 回頭指數：7/10 （雖然其中一件炸雞不熟，但炸雞及意粉味道不錯。）

今日的商務午餐喺沙田新城市廣場意粉屋食，有city’super HK行政總署張倩敏小姐設計的煎魚扒伴米粒意粉&白酒煮青口配芝士忌廉汁意大利雲吞，意粉屋本身的風乾西班牙火腿陳醋意大利薄餅、牛油果蝦雜菜沙律及紅酒會牛尾意大利濶麵。客人最鍾意食的是紅酒炆牛尾的肉和汁，嫌棄啲闊麵質素好麻麻，鍾意Pizza嘅餅底，煎魚扒伴忌廉米粒意粉的米粒意粉，我覺得雲吞都好食，不過佢哋覺得食完太滯了，他們三位也是男士，他們也喜歡牛油果雜菜沙律，但係我覺得用日本芝麻醬汁實在太Hea，因為呢啲醬汁係超級市場都買到，埋單九折$896。