意粉屋 (Closed)

今日約咗兩位男神食飯，突然想食意粉，就去咗意粉屋食晚餐見到出咗新Menu，即刻想嘗試新野，未試過既！先來頭盤叫咗個哈密瓜風乾火腿配意大利黑醋，將火腿包着哈蜜瓜食，味道一流！😋再來order意大利風乾牛肉薄餅，牛肉薄片好足料，芝士配搭得好好，好少食到啲咁有特色嘅Pizza！最後當然唔少得我最鍾意嘅意粉，今次唔叫卡邦尼，試咗個北海道帶子·日本魷魚墨汁意粉啲帶子好大粒，唔係細細粒好有口感，食墨汁意粉好搞笑，成口黑蚊蚊，啲意粉好味好彈牙！今餐覺得好滿足，食到D新野😁下次再試其他

母親節正日當然要同母親大人食大餐，大時大節去連鎖餐廳食，應該keep到平日水準！一行3人嚟到意粉屋叫咗4樣嘢，其中令我最驚喜嘅係芝士carbonara，意粉屋果然意粉最靠得住！芝士carbonara份量都唔算少，而且上碟嗰陣侍應仲會喺你面前即刨芝士上面，可以因應個人喜好落多落少。佢嘅意粉好煙un好彈，唔會太硬或太淋，撈埋啲芝士同煙肉，好好味啊！值得一試！至於鮮橙火箭菜沙律，本人是十分喜愛火箭菜，鍾意佢甘甘澀澀嘅味道，橙加火箭菜呢個配搭幾新鮮，味道都幾得意！另外，芝士焗海鮮墨魚汁risotto，海鮮同飯嘅份量好多大大碟，啲蝦都好大隻。最後，叫咗個煙肉大啡菇黑松露醬pizza，呢個pizza好多配料，黑松露味好香好濃，份量足夠3個人share剛剛好！

住在沙田也很久了，新城市廣場已變成我的食堂。意粉屋雖然遍佈全港，也不知為什麼，我卻很少光顧。今天放假也去了新城市廣場，商場太多食肆了，餐吃什麼好喔？經過意粉屋看見它的午市套餐也不錯，試試吧！香草麵包有驚喜，本以為只是普通餐包。意大利菜湯味道一般，但用料充足。主菜點了橄欖油香煎魚柳配香草醬鮮茄蓉意大利粉，意粉的份量也頗大，吃完也很夠飽，可惜煮得有點稔，不是吃下很有口感的那種。魚煎得香脆，配上香草醬吃味道很夾。套餐還包餐茶。

為了補祝媽媽的生日, 我決定帶媽媽同屋企人去食好味道!媽媽最鍾意食西餐 , 意粉、薄餅樣樣都係佢既最愛,要符合媽媽既要求, 以下呢個地方就滿足到佢。意粉屋 !!一入到去坐底,服務員就立即馬上為我地送上餐牌 ,最令我欣賞既係, 服務員仲會介紹當日熱門美食,令我們感到十分貼心。想知我選擇左咩菜式比媽媽, 就一直睇落去啦!前菜 : 哈密瓜風乾火腿伴意大利黑醋 及 酥皮周打海皇湯 哈密瓜風乾火腿伴意大利黑醋新鮮的哈密瓜又甜又多汁, 配上少少鹹既風乾火腿 , 火箭菜沙律加上意大利黑醋 , 簡直係絕配 , 酸酸甜甜的味道即刻令我食慾大增 !美食指數 :  酥皮周打海皇湯剛出爐的酥皮十分鬆脆, 一打開, 瞬間就聞到香噴噴的海鮮忌廉湯味散發出黎,湯入面既海鮮都十分足料 , 媽媽試過都讚不絕口!美食指數 : 主菜: 芝士卡邦拿意大利粉、海蝦松籽仁醬薄餅 芝士卡邦拿意大利粉呢款芝士卡邦拿意粉特別不同, 服務員會係你面前, 親自為您加上芝士。一般有芝士既菜式只會加上芝士粉, 若混合攪拌不均勻,食意粉時候就會有一粒粒粉狀, 便會影響整個菜式口感。將芝士變成幼條 , 幼條芝士會在熱哄哄的意粉上溶化,濃郁的芝士加

閒日嚟食晚飯，唔洗等枱有卡位～我哋兩個人叫咗4樣嘢：無花果西班牙火腿藜麥沙律芝士焗雞肉煙肉千層闊麵丹麥豬胺架原隻大啡菇牛肝菌意大利飯酥皮周打海王湯沙律酸甜適中，當中有甘柚/沙田柚，同無花果、藜麥等都好夾～好好味！讚！千層闊麵味道不錯，賣相也好，好多芝士～愛cheese之人應該好啱口味。我自己就覺得咸咗少少咁。豬胺意大利飯都好食。豬胺真係好林好滑，牛肝菌都好足料，整體幾好。酥皮湯層酥皮鬆脆好味，海鮮也不錯，粒帶子幾甜𠻹～無花果沙律清新、豬胺好tender，兩樣都值得推薦。

閒日嚟食晚飯，唔洗等枱有卡位～我哋兩個人叫咗4樣嘢：無花果西班牙火腿藜麥沙律芝士焗雞肉煙肉千層闊麵丹麥豬胺架原隻大啡菇牛肝菌意大利飯酥皮周打海王湯沙律酸甜適中，當中有甘柚/沙田柚，同無花果、藜麥等都好夾～好好味！讚！千層闊麵味道不錯，賣相也好，好多芝士～愛cheese之人應該好啱口味。我自己就覺得咸咗少少咁。豬胺意大利飯都好食。豬胺真係好林好滑，牛肝菌都好足料，整體幾好。酥皮湯層酥皮鬆脆好味，海鮮也不錯，粒帶子幾甜𠻹～無花果沙律清新、豬胺好tender，兩樣都值得推薦。

今日好朋友生日，經開沙田,行街行到累, 我地去左吃意粉屋，大約６點半到去食，要等位，但都好快入到座，帶眼鏡的待應哥哥好好人，幫我地開埋個水樽個蓋，真係好貼心，因為太早吃晚餐,唔係好肚餓,我地叫左３個野食，去意粉屋梗係要食意粉啦，我地叫左『芝士卡邦拿意大利粉』，濃濃的芝士同煙肉一定係絕配，呢個唔洗講『哈密瓜風乾火腿伴意大利黑醋』，淨食就有點鹹，但鹹火腿夾住甜甜的哈密瓜食，出奇地夾，哈密的甜味中和左火腿的鹹，『丹麥豬鞍架原隻大花菇牛肝粉意大利飯』 ，賣相好吸引呀，原隻大花菇真係好大隻，真係忍唔住要手機食先，豬鞍好好吃，又唔黏牙，大力推介呀

前幾日同男朋友去意粉屋，好耐冇食過，原來連menu都換左好多新款菜式。先order左哈密瓜風乾火腿伴意大利黑醋，哈密瓜大份又甜，再加埋火腿咸咸地，一齊食真係一流。重點係估佢唔到幾平，一份都係~$70，平時出面餐廳應該唔只呢個價。好鍾意食薄脆pizza，食幾件都唔會太飽。今次試左個新既煙肉大啡菇黑松露醬薄餅，一黎到聞到黑松露味就心心眼了，而味道都唔錯，夾埋大啡菇感覺fresh啲。最有驚喜係個芝士焗雞肉煙肉千層闊卷麵，第一次見呢種意粉煮法。佢用千層麵捲住啲餡料，焗到個面少少脆。最好味係個汁，好creamy，夾埋啲餡，唔覺唔覺就食左2件。好滿足既一餐，好味。

去咗Spaghetti House叫咗幾樣嘢食再加錢轉做餐，特色龍蝦湯塊酥皮要再加錢，都幾脆同埋有牛油香，撈埋湯一齊嚟食就仲香口。湯方面都幾濃郁，入面仲有唔少龍蝦肉同蘑菇之類。另外個餐仲有杯叫果蜜之戀嘅凍飲，其實係柚子蜜梳打嚟嘅，唔算好特別，不過而家啲天氣開始熱熱地，飲下啲有氣嘅嘢係特別透心涼嘅。雙重芝士焗海蝦蟹肉意大利粉嘅雙重芝士即係指巴馬臣芝士同馬蘇里拉芝士，面層仲有蝦同蟹肉，意大利粉煮得唔腍都唔錯，不過芝士味就好似唔係咁夠。

星期五沙田市中心，間間嘢都大排長龍，意粉屋等10個number鬆啲，叫做合理。加上餐牌個千層麵好吸引，就決定拎飛等位。等咗大約4個字到半個鐘咁上下，門口哥仔就帶我地入去坐，放低餐牌時同我地講: 燒豬仔骨，秘製醬汁，肉質鮮嫩。咁我同男朋友仲覺得佢好慘，要將啲廣告對白兜口兜面讀俾啲客聽，可謂揾食艱難。由於我地喺充裕嘅等位時間已經諗好食乜，坐低好快就落單，叫咗一客龍蝦湯，一個小食拼盤，同一個千層麵。好快龍蝦湯上嚟，個湯好鹹，無鮮味，係龍蝦味 味精湯，但係索價50，好彩無衝動嗌兩碗，唔係飲嗮佢檯面樽水都唔掂。然後上千層麵先，講句公道說話，千層麵味道正常，仲略嫌大份。最後Final Boss小食拼盤落場，我地望住上面嘅粗炸薯條🍟，洋蔥圈，三文魚，片片肉腸，雞翼，同春卷，就好似小朋友去迪士尼，花多眼亂，滿心歡喜。先伸手拎薯條，一放入口，就諗起老麥，但又有啲唔同，老麥嗰啲係淋嘅，而我口入面嗰條，係又凍又淋嘅。然後我地緊張拎起洋蔥圈一探究竟，咁好在，洋蔥圈係脆嘅。三文魚一役亦順利度過。輪到肉腸啦，薄薄一片煎到微微捲起，睇見垂涎欲滴，但係就好似囡咁，睇同食係兩回事。同龍蝦湯一系列嘅肉腸，同樣係腎虧之作，

放假約好友去美容，落返香港順路在沙田睇openrice送嘅戲！在戲院劃完票之後只剩一個小時，唔行太遠就近在戲院搵食，好友有呢間餐廳會員（第二份午餐半價）又唔使點等！攞飛5分鐘入座，歐式餐廳格局，座位好迫，啲二人枱基本聽晒大家講嘢兼睇晒大家啲餸！好快落單！食物陸續到！餐湯--酥皮龍蝦湯（$15）會員第二個湯半價！酥皮焗得香脆，浸落湯好味，湯橙紅色，好滑，入面仲有海鮮粒，但超超超鹹，鹹到咀唇都乾埋，頂唔住叫店員換咗！餐湯--焗酥皮森林蘑菇湯：等多15分鐘先到（即焗）賣相靚，酥皮香脆，湯非常熱，忌廉滑溜，仲有好多蘑菇粒在內，好味！超級雜錦板板pizza($59)木板上，薄批底香脆，芝士可以拉出絲，蔬菜絲（青椒、洋蔥）香脆，肉腸片煙韌，足料好味！鮮忌廉芝士焗菠菜香煎魚柳扁意大利麵（$59）幾大份，忌廉芝士香夾滑，菠菜多又幾香，魚柳嫩滑無骨，無腥味！意粉有咬口！好味！跟餐熱鮮檸蜜：會員免費升級，幾濃味，蜜糖味唔假！加咗檸檬清新！好味！店員有禮，知道知龍蝦湯太鹹，即刻問我想取消定換食物，係比我揀唔係幫我決定！有禮又有效率解決問題！比個讚！有會員幾抵食！兩個人只要$125.8不過廁所行好遠！

不嬲都唔鍾意同人迫, 但是日要出嚟辦年貨, 所以順便食個下午茶, 而且又有coupon, 唔駛錢食返餐, 就算要等半個鐘, 都係可以接受的~星期六要下午三點先開始下午茶, 我地2點45分拎飛, 已經講明3點先會叫飛, 所以可以行晤買下嘢先, 跟無住3點3返嚟, 再等多一陣先入得, 其實入面大把位, 但唔知點解呢間舖無時無刻都係唔坐爆, 係要d人响出面等, 明明入面大把枱, 真係奇怪~  芝士波菜焗魚柳闊條麵份量太少, 闊條麵只係薄薄一層, 不過就夠多白汁, 魚柳都有一塊, 整體味道係唔錯, 但淡口咗d, 所以要自己狂落芝士粉~  炭燒豬扒蕃茄濃湯天使麵  塊豬扒好似話係炭火慢烤的, 好明顯見到唔係煎的, 因為有網格, 而且好看BBQ味, 味道都唔差, 亦都冇將塊豬扒乸都冇哂質感同味道~  湯底可以選蕃茄湯或者忌廉湯, 既然另一款選咗白汁, 呢款無謂又係白色, 於是叫咗蕃茄湯~ 個湯真係好濃好杰, 比起果d餐湯杰好多, 亦好濃蕃膏味,  而唔係鮮蕃茄味~  凍奶茶 + 熱檸蜜  凍奶茶已知係冇茶味的  熱檸蜜如果係會員就可以免費升級, 原因係佢覺得蜜糖貴, 所以杯檸蜜只係得

We came with kids and they provided kids' utensils with leftover dried pasta in it. We ordered orange juice and it was already old and spoiled. It is not a simple tasty or not problem. It is even not safe and food and health department should look into the restaurant. DO NOT GO THERE.

星期日黎到意粉屋，要食就要趁早喇，因為假日下午茶只供應到1630就截單。下午4點拎位，等左20分鐘，啱啱趕得到食下午茶。下午茶一律$65，一碟野食配一杯野飲，加多15蚊多一個酥皮湯。叫左一碟焗菠菜魚柳扁意粉，份量足，好香白汁味。仲叫左個厚切豬扒湯天使麵，可以揀忌廉湯底或者番茄湯底，食完麵仲可以飲晒個湯，好爽。塊豬扒好熱好脆，其實即係一塊吉烈豬扒。最後上埋杯熱檸茶，好飽肚既下午茶餐

好耐冇食過意粉屋，因為記起以前葵芳店既pancake好好食，今日經過見唔洗等位就直接入左沙田店。睇完menu就決定叫個2人餐，包括龍蝦湯、芝士焗原隻波士頓龍蝦．自家製巴黎牛油汁花邊意大利粉、黑松露烤檸檬厚切豬扒配蘑菇森林忌廉飯、兩杯飲品，另外加左pancake做甜品。個龍蝦湯幾好，入面有好多龍蝦肉。龍蝦意粉賣相唔錯，味道一般，無咩驚喜。松露忌廉飯有松露味，不過成個飯加埋檸檬又忌廉就好怪、好唔夾。最好味都係pancake，檸檬汁加埋雲尼拿雪糕感覺好清新。整體黎講食物質素真係一般，而且價錢都唔算平，真係唔多值。食物都唔係最大問題，員工態度真係好有問題。叫侍應落單，個侍應行到埋黎粒聲唔出，又冇問想食咩、又冇覆order，成個過程冇出過一句聲，真係以為佢係啞!仲要唔止一個係咁，後尾我地想起埋個甜品，同另一個侍應講完又係冇出聲走左去，跟住等左好耐都唔見過甜品黎，最後再追先知原來根本冇幫我地起個甜品。埋單時個侍應又係就咁隊張單埋黎，連幾多錢都唔講。惟一要讚下門口叫飛位個女仔，真係好有禮貌。其實真係唔係要求要酒店級服務，但係好基本要講既野都做唔到就真係好有問題，已經唔好講話要有笑容，但至少可唔可以唔