意粉屋 (Closed)

今日中午黎度沙田新城市廣場睇戲，睇電影前就近近地入左黎幫襯喇。 點了餐廳既超值海鮮優惠套餐 : 周打海鮮湯(+$18 加配酥皮 )、香煎北海道帶子海鮮意式茄醬熗扁意粉配飲品。唔知係咪所有套餐都會跟餐包，所以欖油香草軟包同周打海鮮湯一齊上枱。欖油香草軟包好難食又係乾淨淨既而且又係凍既，失望 😞 😞周打海鮮湯 : 有蝦、峴肉、洋葱薯仔等等，口感都算濃郁，而且酥皮吸飽湯汁後食落口更正，不過自己就喜歡飲餐廳既波士頓龍蝦湯多啲。😍 😍香煎北海道帶子海鮮意式茄醬熗扁意粉 : 有一粒特級大帶子、蝦、魷魚。茄醬味道調得唔錯，配上橄欖令味道不會太單調，而且用扁意粉會比傳統意大利粉口感更佳更為絕配。

入左沙田睇戲，未夠鐘又肚餓，食個tea先，但又想飽d，近近地揀左食意粉屋我order左個焗波菜龍脷柳扁意粉，扁意粉好煙韌，而且佢個汁，波菜同芝士嘅量頗多，每一囗意意粉都能被三樣包住而友人話唔太餓order個小食併盤，入面都幾多款，有雞翼，春卷，薯條，巴馬火腿，仲有一細兜藜麥生果沙律煙斗粉，食哂其實幾飽我地都有order 酥皮周打海鮮湯，很香，很滑，很重奶味，而且用料很多，有蝦，蜆，魚肉，火腿，薯仔粒最後各叫了一杯凍咖啡，咖啡很濃，比咖啡店d iced Americano更濃值得一試，而且不用另加$

唔記得有幾多年冇去食過意粉屋了，今日好想食意粉，所以專門來試試呢間餐廳有冇唔同咗。呢間分店喺新城市廣場的地下食肆果层，本身位置較偏，但鋪位大，所以落到去都好易搵。四個人叫咗個二人餐，另两個套都係單點。點完都等咗十幾二十分鐘先有main course上。個薄批仲耐，等到其他餐都食完都仲未上。侍應話因爲焗爐細，一次焗唔到太多，所以耗時。但我哋覺得似漏單⋯⋯因爲餐後點咗餐飲也是三催四請先來到。餐廳本身限制用餐時間唔可以超過90分鐘，好彩我哋食得快，如果唔係都唔够時間食。我自己叫咗牛肋條阔麵，牛肋條唔够腍，阔麵麵身尚算幾滑。薄批芝士好多，批邊都幾脆。熱咖啡好香烘培豆味，唔會太澀，所以可以唔使落糖。買單613蚊，價格都差不多，只是服務和出品都十分一般，意粉屋冇乜意粉可揀，有些名不符實。

晚上係沙田新城市廣場唔知食咩好，因為有意粉屋會員卡，所以決定食意粉屋，兩個人食就叫左個 $438 既二人餐。餐湯 : 波士頓龍蝦湯 (+$18 加配酥皮)，雖然好足料同有好濃郁既味道好好飲，但飲到最尾可能個湯真係好濃味，所以有點苦既情況出現。😂 😂主菜 1 : 西西里帶子馬蘇里拉芝士紐紋粉廚師將蕃茄醬調教得較淡口，所以味道不會太酸易入口，而紐紋粉面則灑上了芝士，令整個粉既味道不會太單調 ; 而帶子則煎過十分惹味。👍🏻 👍🏻主菜 2 : 波士頓龍蝦意大利飯 (要另加$20)原隻波士頓龍蝦開邊，而飯粒吸收了龍蝦汁同用上了芝士，味道超正無得頂，但可惜龍蝦煮得過火，所以令到肉質變得鞋口。甜品 : 蜂蜜蘋果批配雪糕 (套餐 +$24 加配)賣相就一般，不過份量真係好大件，味道就普普通通啦無咩特別之處，但勝在價錢夠抵，以 24 蚊有個甜品黎講不過不失。

以前是常常都會來「意粉屋」食那個墨魚汁意大利飯, 但是因為愈來愈偷工減料之後, 我們都好少來了。當天晚上, 九時左右, 來到意粉屋, 真的, 食客都不多, 也只有幾個客人, 感覺侍應都比客多。點了一個兩人套餐, 我也忘了是不是因為有優惠才吃的, 因為當時我是想說叫半份豬仔骨食。就突然那一個點想吃, 肥膏就說不如叫這個套餐。先來了兩杯飲品, 凍檸水及凍檸茶, 外觀是挺好看的, 也夠甜, 但是...就圖所見, 七分滿...這真的很沒誠意。頭盤是煙火腿加酸瓜, 再加煙三文魚。火腿比想像中要鹹, 如果是配哈蜜瓜的話, 應該會不錯吃。但是好死不死, 配了一大片酸瓜。酸瓜好酸...而且又鹹, 鹹加鹹就更鹹...煙三文魚OK, 肉厚不薄。腸仔意大利粉意粉屋的意粉, 其實很一般, 沒有到好味, 就是如果像我這樣不常下廚的人, 買醬煮都會煮得到。所以, 真心有點失望。來到我最期望的豬仔骨主角出場, 果然不同凡響! 有12PCS 左右, 很大一份豬仔骨。超級入味, 肉質好稔, 都不需用力咬, 骨肉就可分離!但是原來我發現我們家肥膏是不會吃豬仔骨的, 他只吃了兩三件就不吃了。配菜是鮮蕃茄和薯條, 都好好味。

下午茶當晚餐, 一來不用在晚餐時段排長龍, 二來可以早早消化食物, 對身體較好, 三來可以省回不少金錢, 好處多多。黑椒汁香煎厚豬扒意大利粉 $75黑椒汁濃郁微辣, 豬扒鬆軟, 意大利粉軟硬適中, 沾上黑椒汁同吃, 份外惹味。升級至特飲: 紅豆抹茶配Haagen-Dazs雲呢拿雪糕 $18原價$40, 現只需$18就可品嚐的特飲, 仲有Haagen-Dazs雲呢拿雪糕, 心理上感覺超抵! 紅豆甚有咬口, 抹茶味道得宜, 雪糕球上那紅豆跟椰奶製成的磚, 最為吸睛。

係到食過幾款意粉, 最濃郁的一定係芝士龍蝦太子天使麵！醬汁係好濃好濃ge龍蝦味, 都幾濃稠, 加埋幼身天使麵岩唒！幼麵可以掛唒d汁上去, e款意粉好似每淡都好入味, 食埋d鮮太子同龍蝦仔肉幾回味ga!

今日午餐都無食就出左沙田陪女友，所以揾左間食下野先，在門口見到有tea set，咁就入左去食。珍寶什錦pizza幾好味，pizza熱辣辣咁拎上黎，配上芝士，香味十足，而且十分脆口，不過對於肥仔的我就唔係好夠飽，但作為tea set都唔錯意式海鮮炒飯飯的味道不俗，雖然我唔知意式應該要點，但幾適合我的口味，海鮮都幾多下，不過份量多少少會更好😬酥皮海鮮湯要另外加$13就有，湯唔會太淡，都幾好味，但相對的配料就較少。整體感覺很好，味道賣相都可以，但份量多少少會更抵食。

呢餐已經係五月頭既事😂呢個唔知係辣肉腸定煙燻火腿既risotto真係伏伏地💩懶得打伏評，拖到依家🤦🏻‍♀️肉咸到苦，蓋過哂所有味，無左個種咸香👎🏻成個飯只食到咸味，無肉香無醬汁味🤭Risotto口感還好，有少少咬口，唔會太淋~下次穩陣起見，都係叫翻肉意好了😂跟餐既蘑菇湯就okay既，幾香濃~.食物質素: 🌕🌘🌑🌑🌑食物顏值: 🌕🌗🌑🌑🌑性價比: 🌕🌑🌑🌑🌑回頭率: 🌕🌑🌑🌑🌑

搭車去沙田個陣 同行朋友話我知原來有apps 可以拎定位先不過都有少少難預個時間去到我地都係過左號碼 等十分鐘左右就有位啦我地三個人食既份量岩岩好唔會太少或者太多但係份豬仔骨配薯條 真係得骨咁樣之前明明食過都唔係咁既下次食其他野食算啦~

趕及5:30pm前入座，食左個下午茶，當是early dinner.選了菠菜芝士焗魚柳意粉，是扁意粉，一般的質素，不是很好也不是很差，但份量頗大。餐飲凍檸茶則偏小杯，而且每杯給兩枝飲管，一紅一黑，實在浪費唔環保。建議給一枝飲管就夠了。我後來自行取走了其中一枝飲管，完全無礙飲用。我選了加穌皮海鮮湯，料多，穌皮不錯。整份茶餐吃下來，就是一份晚餐。$82加一，抵食，難怪門前等候的長龍不斷。服務不錯，我不慎倒翻了凍檸茶的糖水，請店員來幫忙抹桌子，都很快來幫忙，態度甚好。店裡極忙，人很多，服務速度很快，難得沒黑面對待，員工值得一讚。

朋友都知道我西餐之中最最最中意去幫襯，就係意粉屋，自從旺角中心同信和旁邊嘅意粉屋都執咗之后，已經好少落意粉屋，對我黎講，依家意粉屋地點唔就腳，唔就我自己。點咗兩個set，羽衣甘藍帶子湯，酥皮波士頓龍蝦湯，原條豬仔骨配脆薯條，帶子芝士紐紋粉，牛腹肉意大利飯同珍寶雜錦薄餅。最后點我又愛又恨嘅凍 cappuccino。龍蝦湯好好好熱，相信原因係焗酥皮，酥皮夠脆，波蝦湯同帶子湯都好濃郁，羽衣甘藍味飲唔出。原條豬仔骨望上去大大份夠台型，但其實食落豬肉份量唔係想像中咁多，夠肉味夠肉汁唔會乾身，不過切豬仔骨果時要小心。雜錦薄餅略嫌餅底厚咗d, 如果薄番少少更理想，牛腹意大利飯同帶子紐紐意粉份量唔太多，正係到諗份量會唔會太少之際，當所有食品上哂枱，發覺成個 set 份量好足夠，食到脹肚，好彩個飯同意粉份量唔太大，啱啱好。意粉屋嘅凍 Cappuccino 好夾自己口味，但每次飲完都肚唔舒服，其實係自己問題，唔受得奶，又愛又恨！ ~~>_<~~

星期六放工幫老闆去沙田買嘢，買完嘢已經係下午茶時間，見好耐都冇食過意粉屋，又見到佢下午茶餐有得配酥皮海鮮湯，所以比佢吸引咗入去，實行慰勞下自己，安排一個人的豪食浪漫。由於下午茶時間，所以見到啲侍應都好忙，我隔離枱嘅阿姨佢話佢叫咗個沙律餐，等咗40分鐘都仲未到好彩我嘅下午茶餐唔使咁耐。以下係我點嘅野食：鮮忌廉芝士焗菠菜香煎魚柳扁意大利麵 - 份量唔少，忌廉芝士香滑，魚柳好食，意粉軟硬適中。酥皮海鮮湯 - 海鮮湯味道偏忌廉湯，有小小蜆肉，酥皮焗得剛好時間。嘆埋杯熱即磨咖啡，劃上完美的句號。埋單$96.8，食到飽飽。

跟友人食個long lunch，揀間坐得舒服啲，坐底見到個龍蝦餐流晒口水，同其他比又唔係貴好多，就叫咗。餐湯龍蝦湯，超多料，湯又唔太濃，唔係好多cream果種，所以唔會膩，勁正。仲有個餐包唔好睇小，又係超好食，香草好香，面包超軟。龍蝦意粉，超多龍蝦肉，好食，份量剛好。其實n年無食意粉屋，估唔到有驚喜，性價比高。雖然用餐90分鐘，但無人，坐足2個鐘。

The Sha Tin branch of The Spaghetti House is quite busy during weekday afternoons. However, there is little to no waiting time. I come here for afternoon tea quite often and there are tea sets which are at a lower price than normal. The food is good quality and tasty and the staff are quite friendly.