Vision 8

今日同大家分享荃湾正宗的意大利餐，Vision8（荃灣）荃灣兆和街34號永安樓地舖。该店以其精致的烹饪技巧及丰富的口味而闻名，菜单品种好丰富吖，大多数都系用精选的新鲜蔬菜、进口橄榄油和传统的意大利调味料，令每一道菜品都散发着浓郁的意式风情。食意大利菜呢度确实系不错的选择。//该餐厅仲在圣诞节前后推出优惠活动，比大家带来更多的节日惊喜！//蘋果木燒西班牙黑毛猪鞍扒原價：$268，活动期间三折價$80（非常之优惠抵食）

聖誕將近，想食西餐~😃 西蘭花忌廉湯配餐包比較少飲青色既西湯，一問之下先知今日餐湯係西蘭花忌廉湯。飲落冇青味，而且有d芝士味!餐包有三款，有切片麵包薄脆、墨西哥包同法包，加埋黑松露牛油食好味 蕃茄水牛芝士配香草醬 水牛芝士好大塊~加埋蕃茄同香草醬，健康又清新 西班牙風乾火腿薄餅 手作薄餅底好脆，芝士有拉絲效果， 火腿份量好多~ 蘋果木燒西班牙黑毛豬胺(黑椒汁)做緊特價~好抵食! 豬鞍扒好厚肉，切開有肉汁，味道有好香既蘋果木味，係一種好獨特既香味~加唔加汁食都好味

俾門口的大大餐牌吸引了，晚上六點後點蘋果木燒西班牙黑毛豬鞍扒只須$80！ 我没有眼花吧？這簡真是成本價來.. 要入去試一試水準如何先！1. 餐前包佢哋嘅餐前包有三款，包括意式軟包，法包同薄脆吐司！意式軟包真係好鬆軟，法包外脆内軟，薄脆吐司好香口，配埋佢哋嘅黑松露牛油，真係食唔停口。茄蓉湯有脆脆麵包粒嘅濃郁蕃茄味，酸甜度適中2. 磨姑配意式辣肉腸薄餅薄餅底勁香脆 出色芝士超絲 蕃茄醬好香 意式辣肉腸👍👍👍3. 威靈頓牛柳 配沙律薯蓉這是我轉登嚟食佢的目標之一-招牌威靈頓牛柳！熱辣辣，外層酥皮好鬆脆上枱，裡面係滿滿的黑松露醬包着最內層的牛柳，牛柳約5成熟，切同食完全唔韌，牛味濃牛柳，黑松露醬，酥皮3層一齊食，口感層次上好豐富。佢旁邊仲有白汁千層薯片做配菜，真係好出色。呢一間小店真係好有心機，服務態度勁好，以佢哋嘅食材同水準黎講，真係好平！真係要大力推薦俾大家！

全條街都係啲街坊小店，原本打算隨便一餐，無端端見到間西餐，仲幾多人幫襯，就入咗去試下。餐包：餐包小有地上枱時竟然是暖的，而配的是黑松露醬，一上枱已經聞到超香的黑松露味。田園沙律：份量正常，沙律配上柚子醋，清新開胃，而且有我最愛我牛油果。最有趣的是和餐牌的像真度相當高～香煎帶子配牛肝菌意大利麵：很濃的牛肝菌醬汁，香氣很足，醬汁完全滲進麵中，適合我這種喜愛濃味的人。蘋果木燒牛肋骨：原本以為燒係指㕑房燒好出嚟，點知原來係上枱點火燒。牛肋骨燒得剛剛好，用火過一過，外面微微焦脆，內裡依然嫩滑。加上少少木香，入口不俗。這樣的價錢，這樣的質素和服務，性價比相當高，難怪多人幫襯。埋單出門口先見到豬鞍扒做緊三折 ，早知叫呢個試下～

今日嚟到荃灣千色匯附近去行吓買吓嘢。到咁上下肚仔有啲餓😛，嚟到好多港式食店兆和街，發現一間叫Vision8嘅西餐廳零舍獨特。即刻想入去睇吓有咩咁特別先！？🤔入到去餐廳內部都幾有格調，同出面環境對比，有一種遠離煩囂嘅感覺。我同朋友嗌咗香煎鮮曹魚柳配紅甜椒汁🐟烤安格斯西冷配野菌汁🐂加餐湯餐包另外再點一份酥炸生蠔share～😋😋包同湯好快上到，包好暖笠笠，咬落好鬆軟湯有好濃好香粟米忌廉味。😋酥炸生蠔小食有兩粒，外層炸得好酥脆，內層鮮甜嫩滑，入口有少少黑松露嘅味道。😋烤安格斯西冷配野菌汁🐂西冷嗌咗7️⃣成，烤出嚟啱啱好🔥，咬落好軟熟多汁，肉同脂肪比例合適，又冇乜筋，配上好香野菌汁，非常之好入口🥹。香煎鮮曹魚柳配紅甜椒汁🐟曹魚外皮煎到好脆，帶有些少焦香味，肉質好嫩，配上甜而不太辣嘅紅甜椒汁，十分開胃。意粉都煮得恰當好處，朋友好快就食哂。😹😹最後經店員推介後額外加多一份蘋果🍎金寶配雪糕🍦。金寶脆粒帶有香口嘅牛油味，肉桂加上蘋果本身嘅甜味，食落好有口感！🫨再加上雪糕，為呢餐畫上good end!💯服務方面店員都好好招呼，的確得閒可以再嚟呢度回味一下。👏🏻

好味 #晚餐 分享～意大利餐廳~粟米忌廉湯 42×2送上特色熱辣辣餐包配黑松露牛油店員細心的叫我們趁熱食😋~蘋果木燒西班牙黑毛豬鞍扒 （原價268）現做三折優惠才80 ，勁抵食👏🤭二人限叫1份😋有黑椒汁、紅酒汁、野菌汁、芥末籽汁，4種選擇。我要了野菌汁，好香濃及汁入面仲有蘑菇片😄豬鞍扒好厚肉，燒到啱啱好，切開勁多肉汁，豬皮仲有些脆口😋呢個值得試下🤭~V8田園沙律 138色彩繽紛的健康配搭，見到都開心啦😄沙律雜菜，配有車厘茄，無花果，牛油果，全部材料都非常新鮮配蜜糖柚子醋，甜甜酸酸好味又開胃😋~煙三文魚千島醬薄餅 158是餐廳自家製的手工薄餅約10吋大，餅底薄身脆口，味道獨特，不膩口，混合了3種芝士，有莫札瑞拉芝士、巴馬臣芝士及車打芝士，煙三文魚份量不吝嗇啊😋所以材料都非常新鮮。加一服務506/2人Version 8荃灣兆和街34號永安樓地舖

老公好鍾意去荃灣食西餐，佢好重視食物質素，新鮮程度，又要味道好，仲要性價比高。今次揀左vision 8，絕對高質值得encore的餐廳，一次過滿足大帝的要求😋遇上餐廳最近做緊三折優惠，由$268減到$80的蘋果木燒四班牙黑毛豬鞍扒，咁抵食，無理由唔食！🌟#鮮菇蜆茄醬燴意大利麵蜆肉十分鮮甜，隻隻肥美可口，份量足。菇好入味，意大利麵軟硬適中，好彈牙，掛汁佳，每口都好開胃。🌟#（跟餐)餐湯:黑松露蘑菇湯本來想揀其他湯品，聞到隔離枱飄香的黑松露味，流晒口水🤤，即刻跟上。濃郁香甜的黑松露，好好味，必試！🌟#蘋果木燒四班牙黑毛豬鞍扒(野菌汁）豬鞍扒好厚身，要用心飪煮才不會柴口，肉質鮮嫩，切開仲有肉汁流出來，好juicy，食到老公舔舔脷👅。🌟#ApleCrumble清淡的肉桂配上軟腍入味的蘋果，加埋雪糕食，甜而不膩，正。餐廳環境好舒服，服務用心！我哋六點入去一陣，已經滿座。不少人聚餐慶祝，睇來日後我們結婚周年慶，又多左一個好選擇。

今日同朋友經過見到間鋪幾款全場滿座，所以就入去試吓啦🤪餐前麵包加餐湯佢餐前麵包有三款 都有特登烘過先拎上嚟 再加埋個黑松露牛油 好正！另外今日個餐湯係雜菜湯 好足料 入邊超多唔同種類嘅菜 酸酸甜甜咁都好開胃🤤酥炸生蠔炸粉唔多 生蠔都唔腥 熱辣辣再加埋啲沙律醬 簡直係絕配💯煙三文魚配千島醬pizza 🍕佢每一嚿Pizza上面都有一大舊嘅煙三文魚 再加埋芝士同千島醬 仲有洋蔥 令到成個Pizza嘅口感好豐富🥰蜜汁烤豬手最後個重頭戲就係呢個豬手 係火焰豬手🔥有視覺嘅享受 睇完之後仲會幫你切好 包你食嘅時候啖啖肉😋肉質都好嫩 好juicy 唔會太老🤤最後店員嘅服務態度都好好👍🏻走嘅時候見到出面有個最新優惠係80蚊就可以食到蘋果木燒西班牙黑毛豬鞍扒 我決定下次嚟食要試下哩個！😎

這道香煎帶子配牛肝菌意大利麵是一道精心設計的料理。帶子的選擇非常重要，它們應該新鮮、彈牙且帶有自然的甜味。經過香煎，帶子表面會形成美麗的金黃色，這種烹調方式使其保持了嫩滑的質感。牛肝菌是一種高級菌類，具有濃郁的香味和堅實的質地。它們與帶子相得益彰，營造出豐富的層次感和深度的口感。牛肝菌的獨特風味能給這道意大利麵帶來獨特的風味和豐富的香氣。意大利麵的選擇也很重要，它應該是細緻的長條麵，煮熟後具有彈牙的口感。麵條與醬汁的結合是這道料理的關鍵，醬汁應該是濃郁的，但不會過於油膩，以免掩蓋其他食材的風味。這道香煎帶子配牛肝菌意大利麵結合了海鮮的鮮美和菌類的風味，創造出令人驚艷的味覺體驗。每一口都能品味到鮮甜的帶子、香氣四溢的牛肝菌和嚼勁十足的意大利麵。這道料理不僅滿足了味蕾，也是一道令人難以忘懷的美食享受。

今日係出糧好日子！想食咩就食咩先😍😍😍🛎 $188香煎帶子配牛肝菌意大利麵帶子經過香煎後，表面金黃酥脆😍內裡鮮嫩多汁！仲要有3大隻👍🏻👍🏻👍🏻牛肝菌嘅香氣濃郁，質感鮮美，帶出菜餚嘅風味😋意大利麵亦煮得剛好彈牙～🛎 $138 v8田園沙律呢個係我見過最豐富嘅田園沙律蔬菜蕃茄新鮮之餘仲有牛油果、無花果配搭非常清新，而且好開胃🛎 $80 蘋果木燒西班牙黑毛豬鞍扒炭燒味道非常香濃😋真係令人垂涎三尺蘋果木嘅燒烤方式賦予咗黑毛豬鞍扒獨特嘅風味同質感，肉質鮮嫩多汁😍黑毛豬嘅質素亦十分優秀！佢哋肥瘦均勻分佈，肉質豐腴而且帶有細緻嘅油花，令味道更加豐富👍🏻🛎 跟餐餐湯、餐包餐湯係菠菜忌廉湯，飲得出係真材實料，濃郁香滑🍲餐包熱辣辣，配上黑松露牛油🧈勁正！！！

餐廳老闆好nice，服務態度好好👍🏻 因為餐廳座位嘅問題，我地要調去其他位置，老闆同我地講咗好多次唔好意思，好客氣，最後仲請我地飲杯野🥳💪🏻 蘋果木燒西班牙黑毛豬鞍扒 ($268)呢個豬鞍扒非常厚身，啖啖肉，而且肉質結實，有豬香味😝 仲可以自選唔同嘅醬汁，個人認配黑椒都幾夾。另外，配菜嘅焗薯係用咗芝士去焗，芝士焗得好香，令成個焗薯片更好食😋 而且豬鞍嘅脂肪比例較少，係一個健康嘅選擇💪🏻💪🏻 鮮菇·蜆·茄醬燴意大利麵 ($168)蕃茄醬有好多茄蓉，係偏甜嘅茄醬，再加上用有蒜蓉去炒，令茄醬混都有蒜香，所以意大利粉嘅味道更加豐富😋 另外，蜆肉係原隻連殼上，都鮮味，亦都有好多隻蜆🥳💪🏻 酥炸魷魚圈 ($68)魷魚圈炸得好脆身，內裏嘅魷魚肉彈牙煙靭😛 配埋他他醬一齊食好夾！💪🏻 餐湯及餐包 ($42)餐湯係蕃茄忌廉湯，蕃茄好濃郁，而且係偏酸嘅蕃茄味，個人幾鐘意🤩 好開胃！另外，餐包都焗得好鬆軟！熱辣辣搽埋牛油好香。味道：7.5/10性價比：6/10 食住瘦指數：💪🏻💪🏻💪🏻/5

位於荃灣兆和街嘅一間西餐廳喺荃灣站經過天橋行過嚟，都只係5-10分鐘，幾方便舖頭細細，座位唔算多媽咪生日於是帶佢嚟食吓好嘢氣氛非常唔錯，播住經典英文歌都幾有feel，好似返返去90年代一樣我地叫左兩個晚餐✨首先枱上面會有三款麵包，我鍾意脆口個款配上黑松露牛油，推介！✨香煎比目魚配菠菜忌廉汁天使麵比目魚外皮煎到超香，外脆內軟，啖啖肉！菠菜汁同忌廉汁都煮得好好味，天使麵夠掛汁✨美國肉眼扒配鵝肝牛扒啱啱好五成熟，夠林又重牛味，配埋個紅酒汁，唔錯！✨心太軟配雲呢拿雪糕朱古力味好濃郁，但唔會太甜！配上雲呢拿雪糕，非常好食！生日仲可以寫埋字，係一個唔錯嘅甜品同媽咪慶祝生日佢好開心～🤭

店舖唔大，但入面環境好溫馨，有好多客人～佈置簡單，餐廳以意式菜為主👍🏻餐包好軟熟，仲有提供黑松露牛油，配上蕃茄濃湯好夾～Pizza烤得好鬆脆，餅底亦唔會太厚，兩個人都可以食晒成個pizza～用蘋果木燒既豬鞍，帶有微微煙燻味，好香～入口口感嫩滑👍🏻自家製心太軟超好味，一定要點😻餐廳服務好好，侍應好有禮貌🔸 蘑菇•薏式辣肉陽薄餅 ($158)🔸蘋果木燒西班牙黑毛豬鞍扒 ($268)🔸自家製心太軟 ($78)📍Vision 8地址: 荃灣兆和街34號永安樓地舖

🥖餐前麵包剛剛焗起, 夠熱好軟熟, 配黑松露醬, 滋味大昇華!!!!😍🥗香煎蟹餅伴沙律呢個蟹餅真心正, 新鮮蟹肉混合左調味料, 外層煎到好薄, 裡面滿滿鮮甜蟹肉, 口感豐富, 沙律菜新鮮配以黑醋, 味道清新又開胃🥫茄蓉湯有脆脆麵包粒嘅濃郁蕃茄味, 酸甜度適中🍝鮮菇蜆茄醬燴意大利麵蜆肉夠大隻, 意粉口感煮得非常合我心意🍕煙三文魚配千島醬薄餅有多種芝士包括mozzarella cheese, cheddar cheese,parmesan cheese, 芝士味好濃郁, 配埋千島醬, 兩者味道非常夾, 好好味, 再得知呢個pizza係人手做, 沿用酒店配方製作而成, 真心出色💯另外值得一提, 今晚都幾乎坐滿, 兩位女店員都好有耐性, 勁有禮貌, 招呼好好, 真心值得再黎👍

香煎比目魚忌廉菠菜天使麵比目魚煎出嚟好香，食落好滑好Juice 至於天使麵就不得了🤤個忌廉菠菜汁完全融入天使麵度而且天使麵軟硬適中，煮得啱啱好👍🏻😋好難得食到咁好味既天使麵 可以回頭再食美國prime肉眼扒今晚好想食牛扒 就叫油脂重d既肉眼扒 叫左5成熟配菜係有椰菜仔紅蘿蔔同芝士薯粒個肉眼好正，五成熟啱啱好👍🏻肉汁鎖住喺入邊 而且夠軟 啲牛嘅油脂味好香食咗四五嚿已經好滯 所以配埋樹粒食就啱啱好另外加配咗個鵝肝 連埋牛扒一齊上 鵝肝就正常 以為會配蘋果或多士 但最後同牛扒一齊上 變左有點膩🫠最後太飽食唔到甜品🥹