雲南真米線 (Closed)

午膳時間周圍都好多人，唯有去食碗米線充住饑先啦！入到去空間都頗為狹窄同殘舊，望下餐牌都幾貴，一碗粉底無料要$28,普通餸每款加$7，特別餸要加$9。睇下佢D推介，又自己諗諗，便叫了一碗小鍋米線，加腩肉，加大腸，小辣。等咗一陣，就有碗米線递過來，上菜速度都好快。望一望碗粉，基本係無咩佐料，聊聊可數的肉碎及酸菜，芽菜就有十幾條。湯底味道好淡，係辣，但完全唔酸，又有一陣好膩的麻油味，成個組合可以用奇怪去形容。腩肉及大腸味道平平無奇，唔難食但亦唔好食。成件事都令人無驚喜。但是驚嚇的事在後頭，服務員吖姐放低張單，搭枱男士表示自己邊食到咁貴，吖姐表示同佢寫過張單，之後埋完單，老細自爆都收多咗二十蚊。咁我初時無為意，原來不幸亦同樣喺我身上發生，不幸之中嘅大幸是只收多咗一蚊。28+7+9=44應該係小學加數，奈何吖姐都計錯，强烈要求老細改用電子落單系統，避免如此差漏。喺老細未改用系統前，不斷計錯數的情况不能改善，所以我要俾負評，以督促老板從善如流。

落雨，經過呢度，又好米線，即入內試下。冇咩人，坐落就拎menu睇。有位阿姐企喺隔離等落order,服務算喺咁。點咗個清湯米線加腩肉，腩肉喺辣嘅，所以唔諗住加錢轉辣湯底，加上本人唔多食辣。好快就有得食，賣相冇咩特別，食落個湯底完全畀腩肉汁味搶晒，味道接受到嘅，就喺嫌米線太碎，好似頭頭尾尾啲碎料砌埋一碗咁，唔夠飽，去連鎖米線舖頭食個淨米線都飽過佢。總結：味道麻麻，分量少，環境一般，服務OK嘅。埋單33蚊。

大圍美食之多，大家點都會略聞一二。今日口淡淡想食D辣野刺激下，無意之中行過見到有間米線，就入去試下先。叫左個羅白辣腩南米線，好快就放係我面前。先試下個大大件的羅白，羅白本身係比較涼的食品，呢度用的羅白用薑汁煮得夠軟諗又多汁，仲有非常香的薑味。仲有放入個辣湯度食，不斷吸收個湯的香辣，真係愈食愈好食。再試下個辣腩肉，入口非常香辣有咬口。個辣味係慢慢滲出，辣度真係令人出汗。腩肉有好多件，間中仲有少少軟骨增加口感。米線入口又滑又彈牙，仲有米香加上麻辣湯，食到唔停口。當辣到係咁出汗，一杯冰凍的飲品真係解辣好朋友。點會估得到，米線店的凍奶茶係充滿紅茶香，香滑入口，飲完真心舒服。食得滿足，價錢又唔貴，真係又到一個搵食好地方

當唔熟環境，想搵碗米線食，對素食者嚟講談何容易。十間有九間都係肉湯，餸你可以揀，但湯真係無得話要清湯就清湯。撞手神俾我入咗呢間米線鋪，本來已經有素嘅選擇，但我最關心嘅係個湯有無雜。問店員，佢話幫我轉做素湯，可以揀加麻辣添。睇嚟我唔係第一個係到點素菜嘅人。味道不過不失，米線偏硬。我欣賞佢地嘅細心，考慮到素食人仕嘅需要。

我同我嘅同事都有鋪米線癮，今日就決定試下呢間雲南真米線！地方有點淺窄，有幾張圓枱，搭枱坐底左之後急不及待叫野食！叫左碗腩肉重慶紅薯粉（少辣）$34。聞到啲湯底已經流曬口水，飲第一啖就愛上！佢絕對係我鐘意嘅酸辣湯底！唔會太酸或太辣，又唔會太咸好正呀！薯粉就係傷心酸辣粉個隻質地，好彈好好咬！腩肉不過不失、份量幾多、炸醬好香令個湯底生色不少！最後食曬成碗薯粉好滿足，我同事仲連湯到清埋！正呀！我地已經傾緊幾時再encore!

譚仔執左，搵地方食個晚飯，未試過呢間，但朋友想食米線，所以入左黎試一試呢度既米線。地方淺窄但沒所謂，反正小本經營。可能因為同區少類近既米線店，加上星期五晚上，人流比多。為節省時間，已經拎左餐牌諗定晒想食咩先叫侍應，有一段時間沒人理，但其實都沒問題，始終人流多工作忙，我地明白。但，終於等到落單一刻，一下子講左想食既餐：「A餐雞肉」，可能人多侍應姐姐無聽明白，再三確認後成功落單，但侍應姐姐竟然拋低一句：「以為好聰明，原來都係咁蠢」。無言。到朋友點餐，同樣簡單，但姐姐都要問幾次。所以，唔按你個flow等你一問一答係我地蠢？講真，野食味道可以，或者係我地本身要求唔高，份量就比較少，無論如何，員工或老闆態度同樣重要。唔係要求咩服務，但有必要咁樣？小店有時都幾重人情味，但好唔好味就見人見智。

今晚黎呢度食左碗薯粉，出面天氣開始涼涼地，食碗熱辣辣既薯粉真係正～我叫左個蘿蔔雞翼尖重慶紅薯粉(麻辣湯底BB辣) ($41)，兩餸黎講價錢還算合理～呢度既辣度都幾勁，所以每次都叫BB辣就夠喇，有四隻雞翼尖四舊蘿蔔，雞翼尖入味，蘿蔔冇渣，薯粉份量都幾足，入面仲有d肉碎花生同酸菜做配料！湯底味道好香濃，辣辣地好惹味！連埋滑劣劣既薯粉一齊食都好好味～不過有個落單既阿姐態度有d差，落張單要跟足佢步驟先落得咁，粗聲粗氣。。總結：味道唔錯，好過食譚仔！環境都算乾淨

公司lunch～出去食米線～嗌jor酸辣薯鈖跟魚皮餃同埋木耳絲～中辣！同埋豆漿（米線必備）好好味啊！我覺得好食過譚仔好多而且酸辣得來夠爽！食到咁上下啲學生哥湧曬入黎皆因哩到著校服食米線就送豆漿唔係唔好，但係我啲上班族就要好逼咁食米線我係附近返工，所以幾乎經常encore哩間米線真心唔錯而且落單短頭髮個姐姐好串但串得好有point

說不上驚為天人, 但在她與譚x之間我還是喜歡她。小店格局, 坐低唔駛背貼背, 湯底較譚x 濃郁, 食物嘛..不過不失。 每次要涷檸茶少冰少甜, 從來沒有少冰, 但茶的味道不澀, 比一般餐廳好。

友人說大圍有間酸辣米線挺不錯，所以今晚專程來試試看。晚上八時半來到餐廳，每枱也有一兩位客人，不算滿座，我和友人可自由選擇坐在哪張枱。款式種類數量跟外面吃到的差不多，不過比外面的米線店有更多小食可以選擇。友人點了餐肉豬腩肉(辣)和蟹籽丸酸辣米線(小辣)，這裡的米線是偏腍的，但我和友人正正喜歡吃較軟腍的麵湯底較辣亦有味，蟹籽丸我吃過是一般貨色。然後是我的豬腩肉(辣)和豬大腸重慶紅薯粉(無辣)。雖然說是無辣，但絕對不是清湯，湯底有酸味，而且這裡的酸菜很酸，很讚，因為外面很多米線店的酸菜或是不酸，或只是微酸，不夠過癮。加上腩肉是辣辣的，使這碗米線也有少少辣味，很適合我這種不能吃辣但喜歡吃辣的人。薯粉很軟腍，是我喜歡的質感腩肉很入味，而且脂肪比例亦平均，不算太辣，但也挺出色豬大腸的份量不少，而且也醃得入味，只是略嫌有些豬大腸肥了一點整體來說，味道是不錯的，而且到九點的時候，客人還愈來愈多，接近滿店了。友人也說這裡的吉列豬扒很出色，的確，我也看見很多人有點，看來下次要試試

小鍋米線 (加雞翼尖、豬大腸) $ 38湯底配料有酸菜，芽菜，韭菜，炸醬菜，芽菜，加$ 1簡左麻辣🌶BB辣湯底味濃，因為有酸菜，又酸又麻，味道唔錯。米線唔係即煮，稍為遜色一點。雞翼尖超入味，豬大腸彈牙，兩樣味道都唔差。風味雲南米線 $ 50配料有雞絲，火腿，青菜，紅腸，腐竹，冬菇，炸醬，豆腐卜湯底一樣簡左麻辣🌶BB辣，但味道明顯無小鍋米線湯底好食，太普通左d。賣相有打扮過，睇落唔錯，可惜配菜都係普通貨色，無特別可言。最後加左$ 7叫左杯凍檸水，小鍋米線味道唔錯，但另外果個既湯底明顯唔好食，整體只能說不過不失。

叫左個中辣GE 米線+ 腩肉, 中辣對我唔食辣來講, 真是幾辣, 好彩杯檸茶夠甜...中和番, 腩肉好瘦, 基本上係全瘦, 岩D 怕肥人士。另叫左口水雞, 都算足料, 唔會俾D頭頭尾尾你, 有甜有咸帶少少辣, 幾惹味, 雞肉都滑。

雖然係賣米線既地方！但我行過見到個午餐飯好似唔錯！四十蚊就有個豬軟骨飯啦！就決定係度食個飯！個飯一上台時我就後悔啦！點解我要係米線店叫飯食！個飯好猪軟骨都唔成比例既!勁多飯！但猪軟骨就得幾舊！唔通最後要淨食白飯冇餸食！咁我唯有小心分配豬軟骨啦！豬軟骨味道好濃郁！有好勁既滷水味！不過就咸左d！咸到足夠送哂d白飯！猪軟骨都唔夠軟同林！比較似豬肉！軟骨位好少！我覺得似食緊滷水豬肉多過滷水豬軟骨！奶茶就正正常常！又夠滑又夠香！

都係嗰句，米線係我嘅最愛，一日三餐都可以係拒。無米線不歡嘅我，米線已經係生活嘅一部份。今次嚟到呢間真米線，外面個樣好似好吸引，但係入到去食個味道就ok喇。叫左一個豬軟骨麻辣米線。小辣唔覺辣，麻味唔夠夠。湯底味都算係適中，唔係淡而無味嗰種。配料有芽菜，葱(要叫先會比)。豬軟骨就係有心煮的，預先炆左，炆到好淋，咬落鬆軟，有滷水味。另一碗酸辣腩肉米線，湯底同麻辣味差不多，但就較為酸左d，配料有酸菜同芽菜，葱都係要叫先比。嘢飲一般就要加6蚊先有，台食飲品就要加11蚊。叫左個芋頭珍珠，味道係芋頭香劑味，但我就中意呢個味道，甜度都適中。兩點半開始有下午茶，價錢會平番小小，份量一樣，有興趣可以下午茶試下，抵d。

要數大圍的米線店..除了譚仔, 就是這一間"雲南真米線".  今晚就點了吉列豬扒小鍋米線(麻辣湯底小辣).豬扒係即炸的, 入口夠熱, 口感都可以, 唔會太厚炸粉, 味道都幾好味. 旁邊有酸甜醬可以點來吃, 但我覺得就咁食已經好夠味了.  米線湯底尚可, 不過其實呢間既辣度真係幾辣, 唔講以為食緊中辣!! 好彩辣得黎都幾惹味幾香,  唔會太鹹,  (不過對於如果唔食得辣的人 我建議叫BB辣或者無辣)... 湯底入面既配料都係常見既肉碎芽菜韭菜. 一碗米線份量對於我來說是剛剛好, 男士食的話有機會嫌細碗~ 米線質地幾彈牙! 服務來說, 就非常麻麻...通常你一坐下, 阿姐就會即刻企在你面前好似要你即刻要落單似的..完全唔比時間你睇下餐牌..感覺有點被人催迫...