雲南真米線 (Closed)

超級美味！這家店的米線是雲南特色風味，搭配炸醬和雞肉絲，食材新鮮，味道濃郁。它是一種既美味又方便的快餐料理，幾分鐘就可以準備好！冬天天氣寒冷去吃真係非常暖身米線又細又滑，非常好吃。炸醬有點咸，有點甜，有點辣，正好能配合米線和雞肉絲的味道。雞肉絲很嫩，與麵條和醬汁很般配。我非常喜歡這家店的雞絲炸醬雲南米線。店家的服務非常友好，而且非常迅速，這讓我得以在繁忙的日子裡享受美食的同時，還能及時返回工作。價格也非常合理。我一直在尋找一種快捷又美味的方便食品，雞絲炸醬雲南米線是我的最愛之一。如果你正在尋找一家提供美味又實惠的小吃店，那麼我強烈推薦這家店！

有時好夜返到大圍，想食米線，都冇乜幾間仲係開緊門。有一次咁啱見到呢間雲南真米線仲開緊門，就入去試試天氣好凍嘅時候，最啱就係食一碗熱辣辣嘅米線我叫咗小窩米線加雞絲，我已經係叫BB辣，都食到係咁流鼻水同埋成頭汗，本身好凍，食完成個人暖咗

夜麻麻收工，最期待就係食晚飯，最鍾意嘅食物就係米線。見到呢間米線裝修好有地道風味，覺得有一定嘅歷史，可以屹立咁耐，味道應該唔差。好可惜，米線一嚟到，味道又淡，餸既份量有小，米線份量又少。我雖然我唔算一個細食嘅女仔，正常食量，但係食完都唔覺得飽😅蒜泥白肉同埋腩肉米線裏面嘅腩肉，都係啲好薄好薄嘅打邊爐腩肉片。蒜泥味道很淡，食到下面的白肉，沒有汁。另外，廚房刀工很厲害，豬頸肉切得超級薄片，犀利犀利，哈哈。。。

今日叫做碗重慶紅薯粉，$28包括肉碎，花生，酸菜，另外加咗兩個餸，一個$7，一個係墨魚丸有兩粒，但係冇乜味，另外加咗腩肉，唔係太肥所以都算都幾好，今日要左 BB辣加$1，total $43

同親戚去富山殮房認屍，之後搭小巴落返大圍，本身諗住去食碗米線，之後見到呢間米線舖有口水雞飯食就轉軚。-口水雞飯套餐 $55.00 + 凍奶茶少甜少冰 $6.00份量都幾多，雞肉肉質鮮嫩，雞皮爽滑。口水汁惹味，夠曬辣、夠曬麻、酸味醒胃，麻感會喺後尾滲出，而且好香芝麻味。凍奶茶都夠茶香，茶同奶嘅比例還好，但明明叫左少甜，都重係有啲甜。雖然係米線舖，啲飯做得唔錯，飯味好香，粒粒分明，加埋幾條菜，好似冇咁Heavy。

【大圍酸辣米線老店💫招牌辣腩肉】大圍都有酸辣米線食！今次試左老店：雲南真米線！有小窩米線同重慶紅薯粉腩肉、炸醬、鹵水蛋、生菜 ($28+7+7+7+7)豆醬另加$6💝7/10腩肉唔係一般米線鋪既手切五花腩，佢係平時食韓式豬肉/打邊爐果種豬肉，調味好足，又唔太肥，好食炸醬就似普通肉碎，鹵水蛋無乜鹵水味，一般車仔styleoverall，無咩特別✏✏✏✏✏✏✏👅味道：7/10🌌環境：6.5/10👍🏻推薦：7/10 ______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作______________________________(📍大圍) 雲南真米線大圍積德里11-13號A舖

入到店內位置太迫，推左張枱出小小，個收銀阿姐即刻大叫態度差。又同另一個阿姐做哂手勢媽叉我。下個客入黎即刻塞佢坐我對面明明大把位，迫番張枱過黎切我腹咁，永遠唔會有下次又唔係特別好食

呢間米線鋪食左好多年，次次都會叫4,5,6個餸既小鍋米線，每次食完都十分飽肚。今日叫左碗蘿蔔，雞翼，腩肉，雞絲，豬潤，鴨腎米線，一來我睇下有無漏餸，有時會有漏餸，今次望落去細碗左好多，感覺得番7,8成餸同麵。湯底差左好多，以前好濃好味味。蘿蔔一時時，有時會太老有渣，都夠稔，但以前有4,5舊大大舊，今日都番3,4舊仲要切到好細舊。腩肉同雞翼以前好食好多。寫此食評，警惕下自己唔好再去。ps 廚房個女人除罩咳左兩聲

我熱愛口水雞，今日試下呢一間，叫左個口水雞米線同凍奶茶。小店服務係ok的，之後上個奶茶，好，怪味奶茶雖然少有，但我可以唔飲，呢杯野個味根本唔係奶茶，係好立克加咖啡重有啲唔知乜嘢味。再上個米線，米線同口水雞分開上，個米線係唔好食，無肉碎味，無酸菜味，我真係唔知係乜嘢黎，然後個雞，雞本身無乜味，個醬就有莪朮油味，個味道同辣法同之前食過既所有口水雞完全唔係同一回事，我唔知雲南啲口水雞米線係咪真係咁味，有機會我會去試一試，不過呢個味道真係多謝曬。我好少浪費食物，但有次真係好唔對路食左少少就要走。

經過大圍，諗住搵間雲南酸辣米線店食。結果入左這家“雲南真米線”。坐低，叫左碗重慶紅薯粉+腩肉。味道其實都OK嘅。不過份量就真係嚇親人！ 腩肉幾片仔，酸菜幾粒，肉碎幾粒，紅薯粉幾口大口就食完。真係要慢慢食！先感覺到有飽飽地的Feeling😄。我明明無叫小薯粉😅！ 凍檸檬少冰，所以係唔夠凍係正常嘅！ 茶的味道唔係茶餐廳的味道，可能係雲南味！ 都可以的！總數$42埋單，話貴唔係貴，話平又唔係平，點解咁細碗？唔通他們見到我係女人俾小D?😄 如果份量足返小小應該會再幫襯的。

去大圍投注站入完錢，去附近是但搵啲野食，隔離就係真雲南米線。第一次黎，當然要睇下餐牌，不過阿姐已經係我後面，好似好趕咁。我就order 咗腩肉豬腸紅薯粉，可樂。食食下見到枱上面有張下午茶menu,由下午230-600，我睇返個價錢佢係計我正價。我就問阿姐：下午茶份量同正常有無分別？阿姐話無。我就再問咁呢張單係計下午茶價錢定正價？阿姐就話我落單時未夠鐘，咁都無法，其實都係爭幾蚊，不過我睇返張馬會飛14:26完成，我入完執下銀包，左行右行睇下食邊間，睇下menu,都竟然未夠1430。見佢地係入機落order,老細可唔可以睇下張單係幾點落oder?我真係好想知。食物方面其實真係好一般，腩肉無咪又韌，撈粉啲汁都淡，花生唔脆，豬腸還可以。可能真係14:29:59先落單，不過咁樣經歷我就唔推薦呢單啦，更何況啲野食真係好業餘。

有次午餐試試急速踏單車🚲來大圍，有很多店子都在等位，想不到吃什麼，隨便入了這間米線店。👀點了個撈米線，有點酸菜，值得一讚的是炸醬夠多，不會令你乾乾地吃米線。😀米線份量挺少，明明是家米線店，吃一碗米線竟然份量都這麼少🧐點了個小小辣，感覺味道也挺嗆辣的；但豬膶切薄細片，不太厚身，反而煮得挺綿滑，不會太老，味道清新。腩肉有點辣味，不算太過肥膩，但質感就只是普普通通。凍檸茶，一時不記得叫少甜，想不到這樣的凍檸茶甜味這麼強勁，完全蓋過茶味。

再喺大圍搵食有少少想食米線呢間N年前食過都OK就可以再來了今晚點左~小鍋米線小辣, 生菜, 豬紅, 蟹柳全部配料都正常湯底亦都幾濃味叫左小辣都幾辣而且米線份量好大食極都食唔晒咁~脆拍青瓜粒呢個一般般啦個味同平時唔同無平時涼拌菜的酸辣感~回味鴨腎呢個推介個味好特別唔辣但係好夠味質感爽得黎唔會過硬份量亦都好大比睇相多一截

說實話，大圍能數得出的米線不多，位置不算主流的雲南真米線是其中之一，經營多年了。早前還有晚市時光顧了一次。小食都係大路正常。價錢相對較親民。選了小鍋，韭菜餃，腩肉。無咩配菜。湯底味精重，但有加湯骨煲過，算係咁。米線無過火。水餃未食已爛了，一早煮好。餡無咩肉，又穿咗，自然無肉汁。腩肉好鹹好瘦好鞋。是火鍋腩肉用滷水煮入味的做法。整體而言，住係附近食可以，5分鐘路程就不來了。

夜晚收工反到屋企附近，又要揾野食醫肚餓啦。今晚又想食米線，就黎左呢間店到食。小本經營店一間，平時晚上食飯的一個快靚正地方。我點了一個小鍋米線，加豆腐卜，再一杯凍檸茶小甜小冰，42元。價錢正常啦，實惠價錢呀。好中意黎呢到食米線，味道很濃，很有味。而且食一個也很夠飽。食住黎睇電視，都幾街坊屋企feel.不過，杯凍檸茶少甜左都仲係好甜，下次都係唔再叫好了。大圍來說，呢家店算係甘，附近又無呢個譚仔三哥有得食。