雲南真米線 (Closed)

同親戚去富山殮房認屍，之後搭小巴落返大圍，本身諗住去食碗米線，之後見到呢間米線舖有口水雞飯食就轉軚。-口水雞飯套餐 $55.00 + 凍奶茶少甜少冰 $6.00份量都幾多，雞肉肉質鮮嫩，雞皮爽滑。口水汁惹味，夠曬辣、夠曬麻、酸味醒胃，麻感會喺後尾滲出，而且好香芝麻味。凍奶茶都夠茶香，茶同奶嘅比例還好，但明明叫左少甜，都重係有啲甜。雖然係米線舖，啲飯做得唔錯，飯味好香，粒粒分明，加埋幾條菜，好似冇咁Heavy。