Video
1-min walk from Exit E2, Tsuen Wan West MTR Station
continue reading
Telephone
27661112
Introduction
Offering exquisite Western cuisine. Recommended crispy Baked Farmer's Bread. Tsuen Wan branch provides outdoor seating with sea views.
continue reading
Opening Hours
Today
11:30 - 22:30
Mon - Fri
11:30 - 22:30
Sat - Sun
11:00 - 22:30
Above information is for reference only. Please check details with the restaurant.
Recommended Dishes
【荃灣區】【WM Café & Bar】約咗春哥喺荃灣食飯，呢幾日食咗兩次 WM Café & Bar，喺呢度都有分店，唔好理世俗嘅眼光喇，就入去試吓佢啦。不過春哥係一位好就得人嘅同事，為咗我寫嘢寫得爽啲，佢堅持叫啲同之前唔重覆嘅食物。其實呢度個餐牌都幾多嘢揀，無需要過慮嘅。我哋先試個 $88 嘅「WM焗安格斯牛肉醬芝士千層麵配薯蓉」，我係一個好憎食肉醬嘅人，但係呢一款肉醬唔太濃味，幾啱我口味。跟住試 $148 嘅「意式海鮮薄餅」，有蝦肉、魷魚、蟹肉、青口、紫洋蔥、燈籠椒、芝士，上菜見到佢都相當足料，鋪到滿晒。味道上都幾豐富，好重海鮮味，幾好食嘅。另外我哋仲試咗兩款小食，分別係 $58 嘅「炸洋蔥圈配車打芝士醬」同 $58 嘅「炸檸檬雞槌」，前者幾邪惡，配埋芝士醬幾惹味，後者好特別，啖啖肉都好香口。我哋冇叫嘢飲，加埋一嘅埋單價係 $387，唔差嘅。。。（地址：荃灣大河道100號海之戀商場3樓3094號舖）@wmcafebar呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：大埔區：1am1361沙田區：1am1365#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #WMCaféBar #WM焗安格斯牛肉醬芝士千層麵配薯蓉 #意式海鮮薄餅 #炸洋蔥圈配車打芝士醬 #炸檸檬雞槌 #1am1366 #1ambackup
continue reading
上個禮拜食完飯之後經海之戀搭西鐵，行商場嘅時候見到有間西餐廳又唔算好貴，今日就同朋友嚟呢度食下喇。入到去見到座位都非常之寬敞除咗有室內雅座之外，仲可以坐喺戶外，不過怕怕又再落雨，所以都係坐返室內就嘆吓冷氣。一入去嘅時候服務員都好有禮貌，仲同我哋介紹今日有半價嘅食物。同屋企人揀咗美國穀飼安格斯牛肉眼，加$38就有個套餐，另外就用半價優惠要咗個豬仔骨。加$38套餐，除咗有龍蝦湯炸蠔之外仲有埋沙律同飲品，飲品佢話轉咗百香果紅茶我都覺得OK。話咁快就上咗麵包先，我估應該係麥包，麵包非常鬆軟，有微微嘅甜味。而且係熱辣辣，唔會焗到個皮好硬好刮口，搽上牛油就好好味，兩個人食個包就啱啱好。飲品亦都送到叫咗佢小冰都真係唔會話落咗好多冰，而由於而家要用環保餐具，佢嘅紙飲管去到最後一刻都冇軟到。食完麵包就開始上前菜， 餐湯可以揀龍蝦湯或者蕃茄湯，咁梗係緊龍蝦湯啦，然後就仲有兩嚿炸蠔同埋一份西柚沙律。炸蠔方面都係熱辣辣夠酥脆嘅，而沙律就有酸酸甜甜嘅汁令到更加開胃同埋可以解除返食炸蠔嘅飽咁。不過我覺得前菜最重要都係個餐湯，雖然呢個龍蝦湯冇龍蝦肉喺度，但係飲落去呢就相比起係更加有返海鮮嘅嗰種鹹味，唔會話太重茄醬嘅味道。呢個湯我覺得有驚喜，最重要係個湯都好夠熱飲完個湯之後個碗都仲有冒煙。我覺得呢間餐廳佢上菜都上得好合時候，唔會話一口氣上曬所有菜式令到啲食物凍曬。首先上嘅主菜係肉眼扒，呢間店舖嘅暖碟做得好足，所以上枱嘅時候係feel到隻係暖嘅，而牛扒見到佢燒到有格仔紋，切落去嘅時候啱啱好係五成熟，唔會話有過熟嘅情況發生。咬落去肉味好多肉汁，唔會話好韌，亦都唔會話有好多根搞到好似咬橡筋同埋咬唔到咁樣。 佢嘅伴菜除咗有薯蓉之外亦都有唔少蔬菜例如蘆筍同埋蘿蔔等等，全部都係煮得啱啱好，例如蘆筍係啱啱好爽口，唔會話有叫過老嘅情況。薯蓉雖然唔會話好濃味，但係喺食完肉之後再食返一啖薯蓉，可以中和返口入面嘅油膩感。如果想濃味啲可以點佢配上嘅岩鹽同埋燒汁， 點咗岩鹽就會令到肉有多一種嘅鹹香，同令食牛肉嘅時候多咗一種層次感。而燒汁嘅調味做得好好唔會話搶咗牛嘅味道，反而我覺得係帶到牛嘅另一種本身嘅甜味出嚟。食到差唔多豬骨仔都到喇，一上枱嘅時候見到佢係熱辣辣，除咗有薯條之外亦都有西柚沙律，方便食豬仔骨食到有啲滯嘅時候可以用嚟解膩。店員上菜嘅時候放低咗好大支茄汁，方便我朋友係咁點薯條，非常貼心。 豬仔骨煮得非常之夠時間，一切嘅時候，肉就已經好軟熟咁樣分離咗。當然啦食豬仔骨咁係要用手拎嚟食㗎啦，一咬落去肉類唔會變得好鞋口， 醬汁同肉嘅比例好適中，咬落去係啱啱好。醬汁一樣唔會話太濃味，可以食得出肉本身嘅鮮味同埋佢一絲絲肉嘅纖維。本身食牛扒都已經開始飽飽地食半份豬仔骨就真係啱啱好啦每人都可以分到兩至三舊豬仔骨。佢嘅薯條反而令到我同朋友更加驚喜，佢係中尺寸嘅薯條，仲有啲連皮添，咬落去熱辣辣， 食到薯仔嘅真味，我朋友就拎嚟點茄汁但我覺得拎嚟點牛扒嗰個燒汁就更加一流。 見到餐廳有做全日happy hour 優惠，有唔同嘅啤酒選擇，我見到前面張枱嗌咗成大桶啤酒都覺得好厲害，下次可以叫朋友三五成群嚟呢度飲返杯！慶祝生日都好適合，咁啱隔離枱今日應該有人慶祝生日，餐廳都播咗唔同版本嘅生日歌同埋喺生日蛋糕點埋蠟燭同隔離枱慶祝生日。
continue reading
今晚我和朋友去了荃灣一間cafe吃好西.平日晚有不同的半價優惠, 都幾抵, 今日是星期三, 所以我們叫了星期三的半價優惠菜式:WM美式豬仔骨 (半份) 配田園沙律, 薯條 ($109):豬仔骨煮得夠淋夠軟熟, 很容易切開, 完全不會韌.同埋真係好入味, 好好食, 好香, 幾正.另外田園沙律都好fresh, 幾開胃, 不錯.薯條非常香脆, 幾香口.烤澳洲豬扒配時令蔬菜. 薯蓉 ($198):因為我和朋友都很喜歡吃豬, 所以我們兩個主菜都選了豬.豬扒煮得一點都不韌, 好軟熟.另外個汁幾香甜, 同豬扒好match, 我都幾鐘意食.另外薯蓉非常滑, 幾香口, 奶味香濃, 幼滑.食完2個主菜後, 當然是想吃甜品.見到店面有不少蛋糕, 幾吸引.最後我們點了WM自家製蛋糕--阿華田脆脆芝士餅 ($48):又幾特別, 阿華田幾香口, 又不會太甜, 甜度剛剛好, 幾好食.加左一之後, 埋單都不過$400, 算幾抵, CP值高.
continue reading
🔸Set Dinner $288餐湯係忌廉龍蝦 蟹肉湯 Lobster Bisque 一上枱就聞到個龍蝦湯味十分香濃，而且份量都唔少，好滑好香好好飲，湯中央仲放咗蟹肉，有咸鮮味，跟餐湯仲配咗一個豬仔包，除咗可以搽牛油之外，仲可以用嚟蘸龍蝦湯一齊食，淨係個頭盤已經夠睇頭。主菜 烤美國安格斯肉眼扒配紅酒汁 Grilled US Angus Rib eye Steak with red wine sauce大大件高質肉眼扒 👍🏻，今次想食生啲，只要咗medium五成熟，牛扒放咗喺一堆薯蓉上面，肉眼扒烤得剛剛好🤪肉質嫩滑juicy，可能只係烤五成，無煎牛扒嗰啲美拉德反應，牛肉無焦香，但肉質嫩嫩哋，嗰牛扒汁係好重紅酒香味嘅，咸咸哋，用嚟蘸半熟嘅嫩牛扒就最啱。靚嘅牛扒鮮肉，其實簡單蘸點岩鹽食就最美味，餐廳跟碟都配有一份粉紅岩鹽。Dessert WM 自家精選蛋糕 係藍莓cheesecake，呢個甜品唔會太甜幾好味😚餐跟一杯飲品 凍百香果茶，清清甜甜用嚟跟個芝士蛋糕一齊食 就更加好味啦。味道：8/10性價比：7/10🔸窩夫配雪糕 $68 Waffle with ice cream窩夫係即叫即焗㗎（要等約十分鐘），熱辣辣脆卜卜嘅窩夫上面放咗一球朱古力雪糕，配咗啲藍莓同埋草莓，呢個甜品唔算好甜，冷熱混合一齊增加口感。味道：7/10性價比：7/10
continue reading
養寵物嘅大家有時假日都會帶埋毛仔毛囡出街食下野 周圍去影下靚相今日黎到海之戀商場呢個商場係pet friendly嘅好多餐廳同店舖都俾毛孩一齊入而呢間西餐廳 毛孩都可以一齊入佢係有戶外位置 可以chill住咁食嘢室內又有靚靚特色牆可以打卡影靚相而家仲要好抵食 晚市會有特價餐 抵至半價我地叫左黑松露雜菌pizza轉套餐（+38）先上套餐 餐湯係龍蝦湯個湯好有驚喜 佢係有甘甘地果陣龍蝦味而且夠挺身 唔會好稀以呢個價錢嚟講性價比好高另外亦都包咗兩隻炸蠔 同埋沙律炸蠔咬落Creamy 唔會炸到乾爭爭沙律亦都夠新鮮 面頭有塊柚子食落好Fresh叫咗套餐嘅，亦都會包個餐包 係黑糖餐包上枱嗰一刻嗰包係熱辣辣 所以做到外脆內軟加埋牛油 可以媲美某餐廳嘅黑糖麵包Pizza有得揀厚/薄餅底而我係揀咗薄批佢批B濕濕嘅部份做到餅乾咁脆而成個Pizza有滿滿嘅菇同芝士配返薄批唔會肥膩黑松露醬亦都好夠 每塊都有一堆好香唔會好油另外叫咗半份美式豬仔骨 配沙律同薯條薯條係粗薯條，而且仲保留到脆口份量好多豬仔骨切落夠腍 肉質一絲絲嘅配埋美式醬 好惹味而且啖啖肉 唔會得骨位夾埋沙律 又可以清一清個口餐飲叫咗朱古力咖啡同百香果紅茶估唔到佢杯咖啡都幾大杯，而且唧埋cream不過就甜咗少少百香果紅茶就清清地 唔會太酸最後叫咗蛋糕巴斯克蛋糕同埋Tiramisu巴斯克蛋糕做到流心效果 係個好輕盈嘅芝士蛋糕Tiramisu 酒味唔算強烈 少少咖啡味 鬆軟 係一個適合大家一齊食嘢蛋糕呢間餐廳真係坐得舒服又抵食
continue reading