Mamaday

Open Now

Now Closed

尖沙咀間樓上cafe Mamaday,長期都多人排隊，平日1點半後去食先未至於要排好耐，但佢環境靚食物好味又創新，排下隊都值得既～Lunch set加8蚊配既南瓜湯足料唔會好水，裝湯既碗好正，同色彩繽紛既裝潢細夾～ 沙律有好多梅好開胃。泡菜唔太肥黑豚肉片蛋包飯 $112勁大份，細食朋友要注意。蛋好滑，豚肉好入味，泡菜汁比想像中辣，超惹味😋唔食肉又得啫！全素漢堡 $88芝士同牛油果鋪面勁香，重點係個波特菇好大好彈牙，吸收曬佢地既汁，再加上又嫩又香既茄子，無肉都絕對豐富到個味蕾！ 薯條粗身得黎唔油，十分抵讚！唔甜的紫薯蛋糕 $48配餐都係加28，勁濃紫薯味，但唔會好甜膩，加佢灑上既曲奇粉、玫瑰同芝士餅底，口感好多層次好滿足，餐配既茶同咖啡都水準上，再歎件cake，真心係人生樂事。