Video
Read full review
2024-03-11
2536 views
記得幾年前呢間餐廳啱啱開嘅時候，我同朋友都第一時間去試咗～然後今次咁啱同朋友喺旺角行完街，諗唔到食乜，就帶咗佢去我三年前食嘅呢間餐廳（因為佢冇食過），睇吓有冇咩進步🤣🍱一汁三菜- 烤芝士漢堡扒配海苔肉鬆 $150記得三年前我都係食呢一個，不過佢今次嘅前菜就轉左啲嘢～個前菜由一蓮藕片青瓜木耳絲變左做高湯蔬菜凍～ 呢個果凍都有啲特別，就係佢入邊有好多菜，有西蘭花、秋葵、粟米芯，然後個口感呢就勁似大菜糕😂 感覺真係幾新奇嘅～然後啲飯嘅味道都好似有少少轉變，以前個飯好似唔係真係好有味，但係而家嘅飯就應該溝咗啲醬油，所以未落湯之前其實都已經夠味～值得讚嘅地方，我覺得佢個漢堡扒比三年前呢係冇咁乾嘅～而家嘅漢堡扒係Juicy返少少～🥰然後以前漢堡扒下面係啲泡菜酸菜咁樣嘅，而家呢就係變咗紫菜同埋肉鬆～感覺個味道係match啲😚鰹魚湯同埋流心蛋都同以前嘅水準一樣，冇退步到～不過我覺得唯一可惜嘅係我比較鍾意以前嗰個托盤，而家個托盤由木變成膠，感覺就冇以前嘅便當咁有古風～🍟海苔炸薯條 $88呢個係我第一次食嘅薯條～首先佢即叫即炸，就算我哋放咗一陣佢都仲係炸到好熱辣辣嘅～ 然後佢有番薯條😍番薯條都幾香甜～ 同
🍱一汁三菜- 烤芝士漢堡扒配海苔肉鬆 $150
一汁三菜- 烤芝士漢堡扒配海苔肉鬆
21 views
0 likes
0 comments
記得三年前我都係食呢一個，不過佢今次嘅前菜就轉左啲嘢～個前菜由一蓮藕片青瓜木耳絲變左做高湯蔬菜凍～ 呢個果凍都有啲特別，就係佢入邊有好多菜，有西蘭花、秋葵、粟米芯，然後個口感呢就勁似大菜糕😂 感覺真係幾新奇嘅～然後啲飯嘅味道都好似有少少轉變，以前個飯好似唔係真係好有味，但係而家嘅飯就應該溝咗啲醬油，所以未落湯之前其實都已經夠味～
值得讚嘅地方，我覺得佢個漢堡扒比三年前呢係冇咁乾嘅～而家嘅漢堡扒係Juicy返少少～🥰然後以前漢堡扒下面係啲泡菜酸菜咁樣嘅，而家呢就係變咗紫菜同埋肉鬆～感覺個味道係match啲😚
鰹魚湯同埋流心蛋都同以前嘅水準一樣，冇退步到～不過我覺得唯一可惜嘅係我比較鍾意以前嗰個托盤，而家個托盤由木變成膠，感覺就冇以前嘅便當咁有古風～
🍟海苔炸薯條 $88
海苔炸薯條
61 views
0 likes
0 comments
呢個係我第一次食嘅薯條～首先佢即叫即炸，就算我哋放咗一陣佢都仲係炸到好熱辣辣嘅～ 然後佢有番薯條😍番薯條都幾香甜～ 同埋份量，其實係比我想像中大份！
🍨肉桂朱古力蟲二西多 $118
肉桂朱古力蟲二西多
12 views
0 likes
0 comments
之前嚟食都會食pancake，但係今次就想試吓個西多～因為三年前我記得係冇嘅🤣 咁呢個西多超級邪惡😈 完全滿佈朱古力醬同埋朱古力粉😍啱晒我呢啲朱古力控～而呢個西多士呢係煎嘅，就唔係炸嘅，所以食落就感覺冇咁熱氣同香口😙 然後上面有球雲呢拿雪糕同埋會有啲香蕉喺度咁～令到成個甜品都唔會太漏同埋太滯🥰
🌸櫻花忌廉草莓泡泡啤$65
桂花烏龍
42 views
0 likes
0 comments
雖然呢個叫做泡泡啤，但係佢係冇酒精喺入邊嘅😚 櫻花味呢就唔係好濃，因為其實應該就係講緊泡泡面頭嘅櫻花花瓣，而佢嘅泡泡啤呢其實係一啲泡泡嘅cream😆咁Mix下面嘅士多啤梨糖漿咁成件事其實就有啲似士多啤梨smoothie/沙冰咁～值得讚嘅係個士多啤梨味唔係死甜😍味道都好fresh嘅😋
🍵桂花烏龍 $65
有啲surprise我冇諗過呢個桂花烏龍係咁好飲～飲得出係真係靚嘅茶😍（有冇茶控喺度？🥰）佢個桂花味同埋烏龍味融合得好勻循～桂花味係絕對唔會佔少部份～我覺得算係我飲過最好飲嘅桂花烏龍茶🥰
Overall覺得環境好似比三年前靚咗，嘢食嘅水準都有高質到～睇嚟經過三年嘅疫情，佢冇乜點退步過喎🤣可以得閒再encore喎～
Post
