hoo韓國包車

Open Now

Now Closed

記得新開嗰陣比佢裝修吸引因為佢係好韓風嘅設計好似喺韓國街頭見到嘅攤檔尤如置身喺韓國咁由於晏晝食得太飽所以今晚只係叫咗兩樣嘢食- - - - - - - - - - - - - - - - - - - - - - - -1. 醬油炸雞（半份）對上一次韓國旅行喺度等緊炸雞外賣嗰陣隔離兩個外國遊客向我推薦一定一定要食醬油味所以今次都想揀呢個味要做到好食嘅醬油味其實一啲都唔容易關鍵在於除咗得啲醬油鹹味仲要少少蜂蜜甜味咁先會增加到雞肉味道、香氣同埋佢都醃得好好啲醬油滲透晒入雞肉度 超級入味外皮嘅酥脆度炸到啱啱好內部保持多汁嫩滑肉質2. 街頭魚糕串串 + 拉麵每次去親韓國旅行一定會喺路邊攤檔食夠如果你好掛住韓國嘅魚糕串咁就可以過嚟過吓口癮魚糕即係魚漿製成經過油炸之後食落口感柔軟彈牙可以就咁連埋清甜嘅魚糕湯或者配搭秘製魚糕醬汁秘製醬汁係甜甜哋令人有種幾開胃嘅感覺3. 粒粒蜜桃汁發現呢度啤酒口味都幾特別熱情果、蜂蜜、朱古力仲有提供一啲韓國燒酒系列不過唔飲酒嘅我哋最後揀咗兩支罐裝飲品都係一啲韓國餐廳常見飲品我最鍾意係蜜桃汁味道係甜甜哋、質感滑順輕盈仲有蜜桃果粒係底為口感增添咗多一層嘅樂趣