La Paloma

Open Now

Now Closed

最近食飯既朋友都係西班牙菜粉絲。一不離二，今晚再食西班牙菜。蒲開都知中環大把好地方，過少少既西營盤，就有西蒲。餐廳位於西蒲一樓，地方好大，裝修有藝術元素，感覺唔錯。短期內第二次食西班牙菜，餐牌上既食物唔會陌生。和牛及鵝肝配長法包 $35x2和牛壽司既變奏版，賣相似到足。炙燒和牛，中間仲有鵝肝，底下有脆口長法包，絕對不輸和牛壽司。生牛肉他他配松露薯條 $188生牛肉他他口感香嫩，平時配多士，今次比個松露薯條你，呢個組合反而更有新鮮感。西班牙風味烤三文治配芝士、伊比利亞火腿及黑松露 $98烤三文治做到烘底效果，中間餡料有芝士、伊比利亞火腿同黑松露，啖啖滋味。卡邦尼墨魚扁麵 $188特別在用墨魚整成扁麵，充滿彈牙口感，墨魚味配卡邦尼汁出嚟既味道更突出。蒜香辣椒煮大蝦 $188蒜香大蝦非常惹味，配多士可以沾滿醬汁。自製心太軟配花生醬雪糕 $78心太軟同花生醬雪糕各自各精彩，前者流心澎湃，後者濃厚花生醬香味，呢個組合性價比高。Estrella Galicia “0.0” $50今晚想要啤酒又唔想要酒精，呢度有無酒精啤酒，啤酒味依舊。