Yadllie Plate 야들리애플래이트 (CTMA Centre)

知道呢間餐廳都比較多人，所以今晚決定早d黎食個早飯就唔洗等位。半半炸雞原隻炸雞註明約8件，大家可以因應自己食量而叫，炸雞可以選兩款口味，我地揀左黃金蒜香炸雞同首爾醬油炸雞，黃金蒜香炸雞蒜味香濃，d蒜仲炸到脆卜卜，食落香口惹味，而首爾醬油炸雞略帶少少醬油味，更能食出雞既原汁原味，雞肉好嫩滑，好juicy。餐廳仲好貼心，有靚靚膠手套供應。麥芽啤酒蝦蝦肉彈牙，炸粉夠薄，炸到鬆脆，點埋甜辣醬更加開胃。藍莓乳酪沙冰藍莓味好香，沙冰打得好幼細，夠哂冰涼，消暑解渴一流。熱柚子蜜茶柚子味香濃，而且份量都幾大杯。