劉興記生煎包專門店

Open Now

Now Closed

聽講上環開多間上海生煎包舖頭，我本來都好興奮，因為實在太耐食唔到啲好少少嘅上海菜。第一次去叫外賣嘅時候，雖然人手比較少等就比較耐，但係起碼攞到返公司食嘅時候都仲係熱辣辣爆曬汁，而排骨菜飯嗰啲排骨亦都炸得好酥脆啲排骨亦都醃得好入味。但第二次去叫嘅時候就令人極度失望，啲生煎包凍嘅不特止仲要冇汁。個排骨菜飯啲排骨腍晒，啲排骨一啲味都冇。成個外賣唯一覺得係正常水準嘅，只係得嗰杯豆漿。我個同事嬲到食咗一啖成盒嘢揼咗。雖然話唔係貴，但係起碼個套餐都成五十幾六十蚊你起碼都俾啲熱嘢我食吖。