薔紅

Open Now

Now Closed

星期六两點半經過湾仔，本來想去一間老店食下午茶，就到目的地却見到薔红廣告，餐牌好似好吸引，不如就上去試吓，上到一樓，地方都算大，坐低叫咗個一口西多、乾炒牛河，奶茶同红豆冰，首先嚟嘅一口西多，外表好吸引，食落都幾好食，乾炒牛河就比較肥，碟底都見到油，牛肉就好似落咗好多粉處理，但味道都Ok。最失望就係奶茶，外觀奶嘅份量適中，不過嚴重缺乏茶味，可以講奶茶未達水平。红豆冰就不過不失，算幾好飲，有啲特色用维他奶。總體尚可，食物都可以算中等水平，只係未試過佢出名嘅燒春雞，下次可以試吓。