TOSS 蘇媽.蘇媽

Open Now

Now Closed

相當有名的一間連鎖馬來西亞菜，位於商場底層，位置不算寬敞，餐廳會提供QR code給客人下單。《$48 椰香咖央多士》⭐️⭐️⭐️⭐️微微烘過的多士，熱力將牛油同咖央醬溶為一體，果然是絕配！牛油唔會太厚身，岩岩可以溶得哂，食哂都唔會太有罪惡感。《$92 燒豬頸肉配馬來沙嗲醬》⭐️⭐️⭐️⭐️馬來沙嗲醬微甜，花生香味不重，偏杰身。豬頸肉肉質好嫩，好彈牙，唔點汁都已經好好食。《$62 邪惡炸饅頭》⭐️⭐️⭐️餐廳呢一款炸饅頭，相比起平時食開既只有一半大小，味道仍然係外脆內軟，點上煉奶恰到好處，但$62性價比有點低。《$98 蝦米醬炒鮮魷通菜》⭐️份量同食大排檔差唔多，大大碟，但魷魚得幾粒，話明蝦米醬但又冇蝦米味，仲要收$98性價比極低。《$86 椰香咖喱叻沙》⭐️⭐️湯底好香，椰香味好重，又唔會太辣。螄蚶有少少腥，豆卜吸哂d湯好好味，其他配料仲有豆角，魷魚圈，蝦仁，魚肉卷，款多量少，不過不失。