Video
Read full review
2023-01-14
135 views
之前喺旺角搭小巴經過見到有間新開嘅小店叫「指月🌖」。門面裝修似打卡Cafe，但睇餐牌發現原來係食正餐，而且價錢合理，所以早就決定要搵日嚟試吓😜。正藉Happy Friday就約咗朋友喺度食晏。小店面積唔大，我諗座位得大約二十個左右，不過店內木系嘅裝潢，再加埋牆畫同植物作點綴，有一種小清新嘅感覺🌿。餐廳食物主要分幾類，例如有牛腩、餃子、椰菜花飯同特色小食等，每款都帶有港式元素🇭🇰。女店員樓面工作做唔停手，但亦不忘為客人介紹菜式，仲強調全部無添加味精。老火蘿蔔豬骨湯餃子($48/8隻)，我一向都鍾意食湯餃多過煎餃，因為前者比較健康，而且仲可以飲埋個湯。餐廳以蘿蔔豬骨湯作湯底🥕，老火湯滿有住家感覺，味道清甜，我哋成碗飲晒。豬肉餃子有分韭菜同西洋菜兩種🥟，冬天就當然要食西洋菜，菜餡明顯食得出甘味。餃子由店舖師傅每日新鮮包裝，形狀包得靚，餃皮滑溜，厚薄適中，而且成塊都好均勻。伴旁配以自家製辣椒醬🌶同醃蘿蔔，前者辣度唔講得笑，後者微酸開胃，脆卜卜。招牌蘿蔔清湯騸牯牛腩($62)，牛腩係餐廳嘅招牌菜，佢哋選用矜貴嘅本地騸牯牛🐮。牛腩肥瘦得宜，肉質軟稔，肉味強，不過都唔夠湯底出色。蘿蔔清湯牛味極為濃郁
之前喺旺角搭小巴經過見到有間新開嘅小店叫「指月🌖」。門面裝修似打卡Cafe，但睇餐牌發現原來係食正餐，而且價錢合理，所以早就決定要搵日嚟試吓😜。正藉Happy Friday就約咗朋友喺度食晏。
小店面積唔大，我諗座位得大約二十個左右，不過店內木系嘅裝潢，再加埋牆畫同植物作點綴，有一種小清新嘅感覺🌿。
餐廳食物主要分幾類，例如有牛腩、餃子、椰菜花飯同特色小食等，每款都帶有港式元素🇭🇰。女店員樓面工作做唔停手，但亦不忘為客人介紹菜式，仲強調全部無添加味精。
老火蘿蔔豬骨湯餃子
$48
6 views
0 likes
0 comments
老火蘿蔔豬骨湯餃子($48/8隻)，我一向都鍾意食湯餃多過煎餃，因為前者比較健康，而且仲可以飲埋個湯。餐廳以蘿蔔豬骨湯作湯底🥕，老火湯滿有住家感覺，味道清甜，我哋成碗飲晒。豬肉餃子有分韭菜同西洋菜兩種🥟，冬天就當然要食西洋菜，菜餡明顯食得出甘味。餃子由店舖師傅每日新鮮包裝，形狀包得靚，餃皮滑溜，厚薄適中，而且成塊都好均勻。伴旁配以自家製辣椒醬🌶同醃蘿蔔，前者辣度唔講得笑，後者微酸開胃，脆卜卜。
招牌蘿蔔清湯騸牯牛腩
$62
56 views
0 likes
0 comments
XO醬肉鬆蝦仁無米炒飯
$72
53 views
0 likes
0 comments
酒燒雞翼
$34
46 views
0 likes
0 comments
熱檸檬薏米水
39 views
0 likes
0 comments
總括嚟講，呢間小店嘅出品令人滿意😋，每一樣菜式均用心製作，別具自家特色。我哋食到捧住個肚走，埋單每人都只係一百蚊多啲，性價比高。指月係我近期食完覺得最值得推介嘅小店👍，我一定會再次幫襯。
Post
