Video
Read full review
2018-07-10
1005 views
世界杯正當進行得如火如荼, 友人係法國隊忠粉, 為左慶祝入左四強, 相約食飯都要食法國菜!咪以為食法國菜會好貴, 呢間走輕鬆"平民"路線, 裝飾格局感覺令人舒服, 坐窗口位置仲可以欣賞到少少景色餐牌上提供由餐湯沙律, 法式蕎麥薄餅, 意粉燴飯, 巴黎"陸" "海", 至法式甜品及特色酒類/飲品都有, 價錢都幾親民!先食呢客灸燒吞拿魚尼斯沙律 ($108), 配上香蒜牛油多士, 顏色悅目, 材料豐富, 包括有香煎吞拿, 四周包以黑椒碎, 食落帶少少辛辣, 魚質嫩口; 仲有橄欖, 鷄蛋, 車厘茄, 雜菜及紫洋蔥, 混入埋橄欖醬一齊食, 多重口感! 呢一份沙律絶對可以作為減肥人士嘅正餐!黎到法國菜餐廳, 當然要試下蕎麥薄餅, 呢度有幾款選擇, 我地點左呢款帕爾馬火腿蕎麥薄餅 ($98), 蕎麥薄餅上有幾片帕爾馬火腿, 馬蘇里拉芝士, 油封蕃茄, 鷄蛋及香草, 材料看似簡單但味道就有幾層, 先食到火腿嘅咸鮮味, 加埋羅勒嘅獨有香味, 配以蛋黃汁及芝士, 令呢份蕎麥薄餅增加香軟感!呢杯名為 Dragon Blend ($45)嘅鮮菓汁, 材料包括火龍果, 蘋果及青瓜! 入口先是青瓜味, 之後就
咪以為食法國菜會好貴, 呢間走輕鬆"平民"路線, 裝飾格局感覺令人舒服, 坐窗口位置仲可以欣賞到少少景色
餐牌上提供由餐湯沙律, 法式蕎麥薄餅, 意粉燴飯, 巴黎"陸" "海", 至法式甜品及特色酒類/飲品都有, 價錢都幾親民!
先食呢客灸燒吞拿魚尼斯沙律 ($108), 配上香蒜牛油多士, 顏色悅目, 材料豐富, 包括有香煎吞拿, 四周包以黑椒碎, 食落帶少少辛辣, 魚質嫩口; 仲有橄欖, 鷄蛋, 車厘茄, 雜菜及紫洋蔥, 混入埋橄欖醬一齊食, 多重口感! 呢一份沙律絶對可以作為減肥人士嘅正餐!
灸燒吞拿魚尼斯沙律
14 views
0 likes
0 comments
黎到法國菜餐廳, 當然要試下蕎麥薄餅, 呢度有幾款選擇, 我地點左呢款帕爾馬火腿蕎麥薄餅 ($98), 蕎麥薄餅上有幾片帕爾馬火腿, 馬蘇里拉芝士, 油封蕃茄, 鷄蛋及香草, 材料看似簡單但味道就有幾層, 先食到火腿嘅咸鮮味, 加埋羅勒嘅獨有香味, 配以蛋黃汁及芝士, 令呢份蕎麥薄餅增加香軟感!
帕爾馬火腿蕎麥薄餅
16 views
0 likes
0 comments
呢杯名為 Dragon Blend ($45)嘅鮮菓汁, 材料包括火龍果, 蘋果及青瓜! 入口先是青瓜味, 之後就有火龍果及蘋果嘅香甜味, 口感及味道都好清新, 炎夏日子飲好正呀!
Dragon Blend
15 views
0 likes
0 comments
呢客法國空運藍青口 ($175)應該係呢度嘅鎮店之寶, 目測差唔多每枱都有叫! 一鍋以蕃茄洋蔥及白酒煮成嘅藍青口, 細細隻但肉好鮮甜, 食到少少酒香味及蕃茄嘅甜味, 加埋一齊就係好好味! 而指定配角當然係炸薯條, 無論點湯汁或沙律醬一齊食都係咁夾嘅!
法國空運藍青口
24 views
0 likes
0 comments
主食叫左呢客香燒鷄肉扁意粉 ($88), 我會形容為驚喜之作, 咁抵價錢, 份量唔細, 鷄肉個皮係香脆架, 絶唔係就咁煮熟就算, 肉質保持滑度; 而個扁意粉帶口感, 被酸中帶甜嘅醬汁包圍住, 愈食愈想食! 超值呀...................
香燒鷄肉扁意粉
17 views
0 likes
0 comments
另一客為經典澳洲和牛漢堡 ($138), 配以炸薯條, 又係份量十足! 先講個飽, 係煎香過, 食落外脆內鬆軟; 而個澳洲和牛漢堡扒, 有相當吋數, 落左Medium, 一啖咬落去, 肉汁咇左出黎唔會乾爭爭, 肉味香濃, 加埋蕃茄生菜及滋味醬汁, 邪惡度爆晒燈!
經典澳洲和牛漢堡
12 views
0 likes
0 comments
服務幾週到, 會根據食客進食速度而調節上菜安排, 可以慢慢食享受呢一晚法式之夜!
Post
