朝

Open Now

Now Closed

太子依間「朝Asa」嘅食物出品唔錯，當中海膽帆立貝海苔包、鹽燒虎蝦串燒都好高CP值，部分串燒選材亦係比較罕見嘅，幾特別，不過對於甜品拼盤有少少失望。*此餐廳收取加一服務費。A4和牛薄燒（單點$158），肉汁飽滿，油脂部分食落入口即化，配以蒜片、檸檬汁、香蔥、海鹽，牛味更加突出。海膽帆立貝海苔包2件（單點$128），表面鋪有香蔥、芝麻，帆立貝好大隻肉質半生熟，食落好新鮮，海膽口感Creamy，味道不腥，三文魚籽味道鹹鮮，配以紫菜食用，口感豐富。軟殼蟹沙律（單點$78），軟殼蟹即叫即炸，內有三文魚籽、生菜、車厘茄、辣味美乃滋。唐揚魷魚鬚（單點$58），炸粉口感薄身，內有海苔調味，魷魚肉質彈牙，配以醬汁食用，味道鹹酸，即使擺放咗一段時間，口感仍然香脆。蟹肉茶碗蒸（單點$58），表面鋪滿蟹肉，食落有鮮味，配料包括有三文魚籽、冬菇、鳴門卷，雞蛋口感滑溜，食落充滿高湯味道。鹽燒虎蝦2隻（單點$48），蝦肉肉質爽口，味道鮮甜，蝦殼燒到好脆卜卜，可以食用。茄子（單點$38），採用嫩茄子製作，體積好迷你，表面鋪有芝麻、自家製麵豉燒醬汁，食落好香口。燒明太子飯糰（單點$38），表面鋪有明太子醬，味道微辣，