朝陽飯莊 (Closed)

一行9人前來食生日飯，己一早訂位，驚喜的是在無特別要求下也為我們提供了獨立房間，坐得舒適，值得一讚！胡同辣子雞（$98）有辣椒、松子葱同雞等材料，不算辣，但感覺不夠鑊氣。薄餅這個是鹹的，夠香脆，但味道無特別。香炸臭豆腐（$72）又香又脆，正～但得4舊，太少。蘭花寶石豆腐（$128）其實就係玉子豆腐上加上XO醬，配西蘭花，味道唔錯。金粟雞米（跟川穹鏝頭）（$110）有粟米、肉碎、葱等材料炒成，似生菜嘅餡料，但就用個半圓嘅包盛著食，有創意。反轉個包，其實係有窿比你放餡料。北京烤鴨2食第一食配以芝麻圓叉子及薄餅包著片鴨及配料食。薄餅皮薄，包著吃非常夾，而鴨亦不肥，啱啱好，份量亦算多！其他店好少將片皮鴨配叉子，而鴨與叉子嘅配合亦麻麻，因叉子比較乾，食落唔夠juicy。第二食就係將鴨絲炒肉碎，如生菜包般，無特別！甜品選了3款拔絲香蕉高力豆沙唔記得呢個咩名，但3款甜品唧味道都一般。不試也無損失。