Video
Read full review
2023-05-11
3157 views
💃放假就係出嚟食嘢，今次係瑪姬皇后拍板🧱，帶熊妹去到高尚嘅《Rosewood Hotel》入面都新開咗一排嘅西式餐廳食意大利菜《BluHouse》。📍樓底唔算太高，抬頭望天花，高高掛起着一個個大大嘅白波燈，地板以白色藍色小瓷磚砌成嘅花紋，餐椅用上竹織嘅藤椅，高級餐廳的裝潢滲透着意式嘅風氣，環境實在一流。📍《BluHouse》出名平民價高質食物，其中pizza🍕同cake🍰就絕對係性價比高企的招牌菜，價錢唔貴又大件質素又好，所以放係餐廳中間俾食客任君選擇，即刻可以望到真面貌同埋貨量，真係賞心悅目令人大增食慾。Bread basket 📌一坐低店員，侍應就會走過來點菜。點完餐之後就會送上一籃麵包籃🧺。📌入面有四塊sour dough🥠，外皮硬，內裏面包煙韌，經典嘅食意大利餐包方法梗係點埋橄欖油同埋黑醋汁一齊食啦，有啲油香帶少少酸味，黑醋汁又可以濕潤少少塊包，食落易入口啲。 Kale Salad📌有熊妹在這一定有沙律啦🥗。餐廳侍應介紹熊妹如果健康啲想食多啲菜，可以揀呢款羽衣甘藍沙律，唔係餐牌入邊㗎。📌成碟沙律係佈滿羽衣甘藍🥬，然後有幾粒切半嘅蕃茄仔，幾嚿凍芝士同埋幾粒pomegranate
💃放假就係出嚟食嘢，今次係瑪姬皇后拍板🧱，帶熊妹去到高尚嘅《Rosewood Hotel》入面都新開咗一排嘅西式餐廳食意大利菜《BluHouse》。
📍樓底唔算太高，抬頭望天花，高高掛起着一個個大大嘅白波燈，地板以白色藍色小瓷磚砌成嘅花紋，餐椅用上竹織嘅藤椅，高級餐廳的裝潢滲透着意式嘅風氣，環境實在一流。
📍《BluHouse》出名平民價高質食物，其中pizza🍕同cake🍰就絕對係性價比高企的招牌菜，價錢唔貴又大件質素又好，所以放係餐廳中間俾食客任君選擇，即刻可以望到真面貌同埋貨量，真係賞心悅目令人大增食慾。
Bread basket
32 views
1 likes
0 comments
📌一坐低店員，侍應就會走過來點菜。點完餐之後就會送上一籃麵包籃🧺。
📌入面有四塊sour dough🥠，外皮硬，內裏面包煙韌，經典嘅食意大利餐包方法梗係點埋橄欖油同埋黑醋汁一齊食啦，有啲油香帶少少酸味，黑醋汁又可以濕潤少少塊包，食落易入口啲。
32 views
1 likes
0 comments
📌有熊妹在這一定有沙律啦🥗。餐廳侍應介紹熊妹如果健康啲想食多啲菜，可以揀呢款羽衣甘藍沙律，唔係餐牌入邊㗎。
📌成碟沙律係佈滿羽衣甘藍🥬，然後有幾粒切半嘅蕃茄仔，幾嚿凍芝士同埋幾粒pomegranate 。
📌帶有少少苦澀嘅羽衣甘藍連埋酸酸甜甜嘅蕃茄仔食，感覺又清新又健康，間唔時仲可以咬到pomegranate爆汁嗰下真係好鮮甜，再加埋凍芝士嘅淡味，可以自己加多少少枱上面嘅橄欖油同埋黑醋汁提升少少味道，唔係淨係齋食菜咁掛。
Tonni
$98
34 views
1 likes
0 comments
📌《BluHouse》招牌pizza當然要試下喇。瑪姬皇后唔想食咁多肉，最後揀左吞拿魚呢款。
📌蕃茄醬底🥫，吞拿魚份量都多，比較特別係有荀做配料，食落爽口，增加左口感，一開四，每人兩件都唔會好濟。
Lasagna Alla Bolognese
$270
33 views
0 likes
0 comments
📌食下食下，又唔係幾夠喉，熊妹就想叫個pasta，揀黎揀去都係覺得lasagna 吸引啲。
📌黎到陣陣芝士味🧀真係好香，面層芝士焗到焦脆的，入面芝士受熱力溶化，可以拉絲，中間有好多蕃茄蓉連肉碎粒，芝士同蕃茄醬味道真係好夾，連埋千層麵皮，一叉叉落去，一層芝士一層蕃茄蓉一層麵皮，再來多四五層咁的組口，就形成千層麵。望落去好似唔係好大碟，但可能芝士麵皮都幾漏下，兩個人食真係飽飽濟濟咁，都係多人share會好啲。
Flat white
$58
20 views
1 likes
0 comments
📌熊妹來到西式餐廳，當然要一試其咖啡☕️，咖啡就莫過於flat white。
📌好美的心型拉花💗，再撒上朱古力粉襯托，做型已經好靚。
📌香香的咖啡味再配合淡淡奶味，到最後咖啡味仍然停留係口腔中，呢點就係熊妹鐘情於flat white的地方。
📍《BluHouse》無論餐廳環境、食物質素、食物味道、店員服務都全部都達到高標準🔝，係一間坐得好舒服又平價的高級意大利餐廳。
Post
