申子居酒屋

Open Now

Now Closed

申子一直都係我好鐘意既其中一間日式居酒屋🏮食物質素高、服務周到，今次黎左銅鑼灣分店食晚飯😋🔸申子和牛燒 選用鹿兒島A4和牛，店員即場用火槍燒至客人想要既生熟度，我地讓店員幫我地燒至最好食既狀態，大約五成熟吧。和牛包住蛋黃同珍珠米既配搭幾特別，和牛食落有油脂香、肉質極嫩滑，有少少入口即溶既口感，珍珠米大大粒撈上蛋黃好juicy。🔸海苔拖羅赤膽壽司 赤膽好新鮮，淡淡金黃色，味道帶濃郁既海膽味，口感豐厚飽滿；拖羅蓉香滑，唔需醬油已經好有味。🔸和牛壽司有炙燒過，和牛香濃，食落滿滿油脂！🔸汁煮左口魚裙邊賣相好靚，左口魚好鮮嫩，係我好中意既一道菜，醬汁調得酸酸甜甜好搭，配上三文魚籽、黑魚子一齊食，口感豐富。🔸海老天婦羅驚喜位係原條大蝦上😍蝦殼有清理過，再駁上蝦身炸至金黃色，酥脆而不油膩，蝦肉亦幾彈牙。仲有炸金菇、炸鴻喜菇，味道亦好鮮甜。我地都幾鐘意呢到既環境，簡約舒服。店員們都好有禮貌，招呼周到💛下次再訪！