農

Open Now

Now Closed

昨天一班朋友去咗一間相當有創意的餐廳慶祝生日，好多點心同菜式都好精緻同特別。其中好多都有公仔樣如小豬嘜(叉燒)、牛榛仔(朱古力流心)同BB雞(流沙奶黃)都係蒸的包包，很鬆軟好味，各有特色。而荔之趣脆同小盆栽都係炸物，前者係炸蝦球，外面超脆，內有彈牙手打蝦丸，整成荔枝嘅樣貌外內美兼備。小盆栽是煙靭嘅糯米皮包住番薯、芝士同南瓜三種口味，仲有Oreo碎做泥土。小食如蒜香鳳爪和鵪鶉蛋都好惹味香口。乳鴿更是必食之選，外脆內軟，又夠入味，堂食仲有優惠添。漁公火箭桶和烈焰菠蘿炒飯打卡一流，前者是大大隻加魷魚用竹籤穿起放在特色竹籃上；後者係一個會着火嘅菠蘿。而氣鍋雞，其實即係燉湯放在功夫茶壺裏面，湯料、火喉充足。而貓山王榴槤甜品，榴槤味十足。