Video
Read full review
2023-08-01
82 views
一落車，兩步路就到餐廳🤙🏻！申子個舖位真係十分之就腳方便呀！星期一Blue Monday嚟食，就無我上次週末食咁多人，一入去就有位！-見到水母刺身實在太可愛，忍唔住叫你試吓係咩味道。口感有啲似海蜇頭，但比海蜇頭更加爽脆硬身，食落去有索索聲添，加埋特製豉油汁去提鮮，係一個唔錯嘅頭盤！-申子直頭係和牛專門店呀，我地叫嘅和牛壽司、申子自創海膽鹿兒島和牛燒(內有生蛋及飯在內)，甚至係牛舌都好岀色！和牛燒由店員親自係你面前燒至半熟，和牛牛味純而香濃，入口即溶，香味徘徊喺口中一段時間，加上海膽去提岀鮮味，仲有生蛋飯，除左yummy yummy就無其他啦!! -另外我特別推介嘅係比較小人有講過嘅最終餅。外型可愛有趣，入面裝住滿滿嘅吞拿魚蓉同蟹子，仲有色澤感一流嘅牛油果粒係底層，望見到流晒口水🤤！入面嘅材料實在太搶味道，每咬一啖滿口嘅吞拿魚，突然咬破一粒蟹子，蟹子內在嘅鮮甜味爆破，感覺超級清新可口！去到最後一啖，終於感覺到餅身嘅重要性，因為滿口嘅魚肉鮮甜，而食到最後一啖嘅餅皮，竟然有一種中和返成口食完魚蓉而膩咗嘅感覺，係一個好完美嘅完結呀！♥️-吞拿魚壽司都特別多花賢嘢😎個吞拿魚蓉新鮮無比，食落去每啖都
-
見到水母刺身實在太可愛，忍唔住叫你試吓係咩味道。口感有啲似海蜇頭，但比海蜇頭更加爽脆硬身，食落去有索索聲添，加埋特製豉油汁去提鮮，係一個唔錯嘅頭盤！
-
申子直頭係和牛專門店呀，我地叫嘅和牛壽司、申子自創海膽鹿兒島和牛燒(內有生蛋及飯在內)，甚至係牛舌都好岀色！和牛燒由店員親自係你面前燒至半熟，和牛牛味純而香濃，入口即溶，香味徘徊喺口中一段時間，加上海膽去提岀鮮味，仲有生蛋飯，除左yummy yummy就無其他啦!!
-
另外我特別推介嘅係比較小人有講過嘅最終餅。外型可愛有趣，入面裝住滿滿嘅吞拿魚蓉同蟹子，仲有色澤感一流嘅牛油果粒係底層，望見到流晒口水🤤！入面嘅材料實在太搶味道，每咬一啖滿口嘅吞拿魚，突然咬破一粒蟹子，蟹子內在嘅鮮甜味爆破，感覺超級清新可口！去到最後一啖，終於感覺到餅身嘅重要性，因為滿口嘅魚肉鮮甜，而食到最後一啖嘅餅皮，竟然有一種中和返成口食完魚蓉而膩咗嘅感覺，係一個好完美嘅完結呀！♥️
-
吞拿魚壽司都特別多花賢嘢😎個吞拿魚蓉新鮮無比，食落去每啖都係新鮮鮮嫩嘅肉質，絕對冇鞋口！加上海膽同魚子，已經係頂級食材放入口中，較為新奇嘅食法，係加上一大塊紫菜在外面，紫菜大到係可以包住整個壽司，一口咬落去有外脆內軟嘅感覺，入面嗰種軟滑同滿足感，真係用文字表達唔到出嚟，好好味呀🫨🫨🫨係好好食嘅壽司呀！
-
海膽炒飯價錢合理，有粒粒嘅乾身炒飯，雖然飯粒過乾，但係上面附帶嘅一小粒海膽，味道好鮮味濃郁，一小啖足以令你係口入面徘徊好長時間，加上炒飯內在都有用海膽、帶子粒、櫻花蝦乾拌混，鐘意食海鮮海膽嘅朋友一定唔可以錯過！
-
飲品有我去日本居酒屋必叫嘅high ball及chu hai(少量燒酒+juice)，款式多而又夠大杯好飲，同朋友cheers就夠哂氣氛🤙🏻🤙🏻🤙🏻
0 views
0 likes
0 comments
水母
$88
0 views
0 likes
0 comments
海苔拖羅赤膽壽司
$198
1 views
0 likes
0 comments
最中餅
$208
2 views
0 likes
0 comments
1 views
0 likes
0 comments
申子海膽和牛燒
$378
0 views
0 likes
0 comments
0 views
0 likes
0 comments
3 views
0 likes
0 comments
0 views
0 likes
0 comments
Post
