Video
Read full review
2020-07-12
964 views
Mother Of Pizzas係銅鑼灣好出名嘅人氣Pizza店，就算平日7點去食都有好多人排隊～雖然用餐時間限咗75分鐘，但係上菜速度超快，落單後10分鐘內就有得食，所以翻桌速度其實好快😂我哋都只係食左45分鐘左右～💡有個小建議係如果食兩個pizzas/食埋garlic cheese bread嘅話，可以分開兩次落單，因為一次過上晒但食唔切嘅話，凍晒就無咁好食喇😣•🥢 意大利肉丸 Italian Meatballs $118雖然睇落好細碗(普通餐湯碗嘅size)，但入面都塞咗大約十粒肉丸，再淋上滿滿嘅番茄肉醬同灑上芝士碎～肉丸嘅牛肉味香濃，配埋濃味得黎帶少少酸嘅番茄肉醬，好惹味又開胃，都好有驚喜😍😋•🥢 香蒜芝士焗麵包 Garlic cheese bread $138一上枱就聞到好香蒜味，中間放咗用黎點麵包嘅醬，係一款偏淡味嘅香草番茄醬，個人認為唔點醬都已經好夠味～呢款麵包口感比pizza嘅批底厚身同軟熟，蒜蓉應該混左喺麵包入面焗，因為咬唔到明顯蒜蓉粒。另外，可以食到兩種口感嘅芝士，一種係中間比較軟滑可以拉絲嘅，另一種就係表面烘脆咗嘅，兩種都咁正🤤不過蒜蓉味有啲太濃，有啲蓋過咗芝士嘅
•
意大利肉丸
$118
54 views
0 likes
0 comments
雖然睇落好細碗(普通餐湯碗嘅size)，但入面都塞咗大約十粒肉丸，再淋上滿滿嘅番茄肉醬同灑上芝士碎～
肉丸嘅牛肉味香濃，配埋濃味得黎帶少少酸嘅番茄肉醬，好惹味又開胃，都好有驚喜😍😋
•
香蒜芝士焗麵包
$138
95 views
2 likes
0 comments
一上枱就聞到好香蒜味，中間放咗用黎點麵包嘅醬，係一款偏淡味嘅香草番茄醬，個人認為唔點醬都已經好夠味～
呢款麵包口感比pizza嘅批底厚身同軟熟，蒜蓉應該混左喺麵包入面焗，因為咬唔到明顯蒜蓉粒。另外，可以食到兩種口感嘅芝士，一種係中間比較軟滑可以拉絲嘅，另一種就係表面烘脆咗嘅，兩種都咁正🤤
不過蒜蓉味有啲太濃，有啲蓋過咗芝士嘅香味～
•
超級撒亞人肉腸(左) 瘋狂芝士(右)
76 views
1 likes
0 comments
佢地嘅pizza麵糰聲稱用咗48小時發酵，再放入高達800度嘅火爐焗，令到pizza嘅表面脆卜卜，但入面可以保持到鬆軟口感👍🏼😋
🥢 超級撒亞人肉腸 Pepperoni Super Saiyan $228 (13’’)
呢款pizza用咗2款芝士、意大利番茄同埋大量美式辣肉腸，味道好豐富🤩有芝士味、蒜香、同埋好惹味嘅辣肉腸😋辣肉腸唔乾亦唔會太咸。
•
🥢 瘋狂芝士 Crazy cheese $198 (13’’)
呢款「瘋狂芝士」用咗4款芝士加意大利番茄醬，焗完喺面頭再落左一層薄薄嘅帕馬森芝士碎，芝士味濃得黎好有層次，好邪惡～～🤤而且因為有酸酸地嘅番茄醬中和返，所以食落唔會好漏👍🏼
Post
