Video
Read full review
2024-03-13
131 views
好多時候我地都話要懷緬一下舊式嘅餐廳，其實講真，說到底就係盲目跟蹤大眾嘅吹捧。喺未懷緬之前，又真係有幾多人因為之前去過所以覺得唔捨得嘅呢。我認為與其抱住懷緬作口號，不如睇下呢啲餐廳係咪真係做到佢本來應該有質素，汰弱留強，跟住時代步伐，去不停改良經營模式，似乎比墨守成規更加好。 我鍾意去重慶大廈食印度菜，因為真係好多印度人去食，同樣地，就係因為真係有好多印尼人，令到我對呢度特別有信心。我冇去過佢地既舊餐廳，但係呢一間新開既，令我印象深刻。 🍖黑白多士夾住咖央多，外表好靚，所以我當然要攞起手機影，店員過左一陣就提示，要趁熱先好食。果然就係因為熱度，將裡面嘅牛油溶化，配合埋咖央醬，我揀嘅前菜揀得真係好。hehe 🍖東南亞嘅菜式，用上椰漿去處理食材喺非常普遍嘅事，但係一般會用來做醬汁，所以會配上飯麵。我見佢餐牌上特別寫明哩個係一個laksa湯，咁就變得有意思，即係佢變成主角， 唔再係配料，咁我就要更加認真去看待佢。果然，因為佢用左好多海鮮，所以湯底真係特別鮮甜，而呢個湯底，又調番轉帶返出海鮮嘅鮮味。不得不提嘅係上面嘅芽菜，都因為哩個湯底，變得非常好味。哩度又見到另外一個細心位，佢嘅大蝦應該係用
我鍾意去重慶大廈食印度菜，因為真係好多印度人去食，同樣地，就係因為真係有好多印尼人，令到我對呢度特別有信心。我冇去過佢地既舊餐廳，但係呢一間新開既，令我印象深刻。
🍖黑白多士夾住咖央多，外表好靚，所以我當然要攞起手機影，店員過左一陣就提示，要趁熱先好食。果然就係因為熱度，將裡面嘅牛油溶化，配合埋咖央醬，我揀嘅前菜揀得真係好。hehe
🍖東南亞嘅菜式，用上椰漿去處理食材喺非常普遍嘅事，但係一般會用來做醬汁，所以會配上飯麵。我見佢餐牌上特別寫明哩個係一個laksa湯，咁就變得有意思，即係佢變成主角， 唔再係配料，咁我就要更加認真去看待佢。果然，因為佢用左好多海鮮，所以湯底真係特別鮮甜，而呢個湯底，又調番轉帶返出海鮮嘅鮮味。不得不提嘅係上面嘅芽菜，都因為哩個湯底，變得非常好味。哩度又見到另外一個細心位，佢嘅大蝦應該係用左天使虎蝦，因為大隻，通常都有條好長既腸，佢地幫客人預先起左，食嘅時候非常方便。
🍖最後係甜品，芒果珍多雪糕冰，軟綿綿嘅沙冰加上QQ既珍多，同埋糖漬咗嘅芒果，仲要大大個既椰子雪糕，口感豐富有多層次。
🍺飲品叫做清.島風，隨便播放著一啲熱帶風情嘅輕音樂，雖然呢幾日喺有啲凍，但係飲住黎一杯用左好幾種清新材料做嘅梳打，仍然係覺得身心放鬆。
✨️因為佢地係樓上鋪，價格定位都唔需要太進取，簡單裝修又配合咗老餐廳帶過黎既舊裝飾。我又係網上睇到一啲報導，佢哋用家庭式經營，其中包括真係家庭成員，同埋非家庭成員，但係親如家人嘅員工，上下一心嘅經營就可以做到心無旁騖提供做到最好嘅食物。我嘅親身感受係，佢哋唔會好親切咁樣服務你，但係你會從佢地嘅細節位，感受到佢地既誠意。呢種低調但誠懇，我覺得就係佢地可以延續薪火相傳既重點。
Post
