Video
Read full review
2021-09-04
159 views
第一次嗰陣係上年冬天經過呢間餐廳見下午茶好抵食，叫咗帕爾馬火腿蕎麥薄餅同青蘋果青瓜西芹汁，下午茶有南瓜湯送。薄餅啲配料有帕爾馬火腿，太陽蛋同啲沙律菜，個餅好煙韌，啲調味簡單但恰當。啲南瓜湯好甜好足料，係成餐嘅驚喜。當時個長辮侍應姐姐會等我飲完湯先起主菜，另外都得閑會幫人加水。嗰陣嘅經理見我一個人食嘢都會同我講吓野問下啲食物滿唔滿意之類⋯⋯對第一次光顧嘅印象係好美好嘅！最近呢次去，可能係夏天三十幾度，明顯感覺到啲冷氣係可以同無無分別😅加上全間店都係玻璃，好似温室咁啲熱有入冇出。今次食午餐，上次見嗰侍應姐姐唔喺度，係另一位女侍應，一坐低侍應都話個位會熱少少，因為我都係坐大約一個鐘就走，所以冇咩所謂（但係估唔到係有啲熱氣散出嚟嘅熱🤔不過我其實在乎食物質素多過其他因素）侍應放低餐牌之後就同我講：今日餐湯係雞肉雜菜湯我：好吖！唔該晒！然後我唔知係我同我朋友講我想飲水定咩，侍應走埋嚟問我：要Still xxxx定Sparkling water?（戴口罩同細聲咗少少，佢重覆咗三次其實都聽唔係好清楚😅）我同朋友都R曬頭點解佢會係我未落單食物就問我飲品先，然後我因為聽唔清楚佢講嘢以為係問飲Stew 定S
對第一次光顧嘅印象係好美好嘅！
最近呢次去，可能係夏天三十幾度，明顯感覺到啲冷氣係可以同無無分別😅加上全間店都係玻璃，好似温室咁啲熱有入冇出。
今次食午餐，上次見嗰侍應姐姐唔喺度，係另一位女侍應，一坐低侍應都話個位會熱少少，因為我都係坐大約一個鐘就走，所以冇咩所謂（但係估唔到係有啲熱氣散出嚟嘅熱🤔不過我其實在乎食物質素多過其他因素）
侍應放低餐牌之後就同我講：今日餐湯係雞肉雜菜湯
我：好吖！唔該晒！
然後我唔知係我同我朋友講我想飲水定咩，侍應走埋嚟問我：要Still xxxx定Sparkling water?（戴口罩同細聲咗少少，佢重覆咗三次其實都聽唔係好清楚😅）我同朋友都R曬頭點解佢會係我未落單食物就問我飲品先，然後我因為聽唔清楚佢講嘢以為係問飲Stew 定Sparkling water，跟住我同佢講飲stew（諗起都覺得自己呢個諗法九唔搭八，應該叫佢大聲啲或者講中文🙈）
應該係呢個時候上咗飲品，湯同支水，但我一直冇留意，淨係睇到個杯水。飲完個湯，成個人好熱開始流汗，飲咗兩啖水降溫。個湯味道唔錯嘅，好清好有雞味同有啲雞絲雞碎，不過我覺得唔打芡會似西湯多啲，打咗芡好似中式嗰啲羹咁？
主食叫咗個法式經典漢堡配卡真香料薯條（$145）同肉眼牛扒配薯條($148)，等咗大概十五分鐘有得食😋🍴個漢堡都ok，漢堡扒好厚咬落去都有啲肉汁流出嚟，啲菜好爽口，唯獨係底嗰塊面包同啲菜中間好似有啲鹽粒，有啲突兀嘅咸味，個薯條🍟唔係幼又唔係粗，大約1cm粗，微脆少咸，蘸茄汁食幾好食。
另外個肉眼，淨係得五成七成同十成揀，冇計揀咗五成（點解冇得揀三成呢？）。上到枱睇個樣都似得得地喎！好肚餓好快切開嚟食，切第一刀心知不妙⋯⋯（咁硬嘅？！）再睇已經係九成熟，我已經係上枱一分鐘內切嚟食，竟然都係咁，好失望
食落口仲失望，一啲肉味都冇，好明顯係啤過水嘅味道同質感，一啲彈性都冇而且愈𡁻愈羶，唔知講咩好，賣法國菜嘅餐廳嚟講呢度係便，但果然便嘢冇好嘢，伏！啲薯條啲鹽落得唔平均，一邊好咸一邊冇味。
食完坐咗五至十分鐘埋單走，最後兩個連加一食咗$387，比我心算多幾十，當時冇留意照俾。走咗之後睇翻張單，原來侍應當時問我飲咩水😨俾咗支意大利水750ml($58)我（我再睇翻個餐牌係得mineral water or sparkling water, 但我就係聽唔清楚佢講嘢，同埋落完單冇印出嚟俾人對單，到埋單先睇到自己食幾錢），我成餐淨係飲咗半杯，坐咗半個鐘冇人幫我加水又冇人提我支水要唔要飲埋，然後大半支水冇飲過人都走埋，睇到張單先知原來台面支水係我叫😢我記得上次係有啲普通水俾人飲，我覺得以前個侍應姐姐兼顧樓面啲嘢好啲⋯⋯
雞肉雜菜湯
5 views
0 likes
0 comments
肉眼牛扒配薯條
$148
6 views
0 likes
0 comments
法式經典漢堡配卡真香料薯條
$145
6 views
0 likes
0 comments
帕爾馬火腿蕎麥薄餅
10 views
0 likes
0 comments
南瓜湯
3 views
0 likes
0 comments
蘋果青瓜西芹汁
8 views
0 likes
0 comments
Post
