Video
Read full review
2024-01-14
1752 views
都無約單車老死食飯好耐喇，所以，趁佢無咁忙，就搵佢出嚟聚一聚，就佢返工嘅位置，相約過嚟佐敦一帶，晌網上搵到呢間「Plato Cafe & Bistro」，風評不俗，位置好，食完大家各自搭車都方便。雖然只喺周中，但餐廳極旺場，目測都有9乘滿，而餐廳嘅環境幾好，一室咖啡店木系裝修，配以燈光，牆上有好多食物繪畫，感覺溫馨舒服。店員嘅服務都好細心，會主動俾個布籃你擺袋，又主動添水收拾，服務頗為熨貼，而且，都好有禮貌。餐具、糖包、牙簽就放晌枱上一旁，擺放整齊，份量充足，其實，亦反映到服務一環，晌預備上交足功課。摺頁式嘅主餐牌，打開一睇就有齊所有菜式，包括湯品、沙律、薄餅、前菜、主菜、全日早餐、意大利麵、意大利飯、甜品……等等，選擇非常之多。如果想食抵啲，就梗喺揀晚市套餐啦，包是日餐湯、主食及基本飲品，而主食都有成14款選擇供應，應該都唔難揀。再想食得好啲、又抵啲，就不妨晌兩款二人套餐中落手，一款賣$498，另一款賣$546，同樣包前菜、餐湯、主食、甜品及飲品，計落確喺幾划算，最後我哋就揀咗$498個二人餐，因為睇落都已經好豐富。天婦羅魷魚鬚3款前菜中，沙律、薯條當然食得多啦，反而呢個魷魚鬚真喺少
雖然只喺周中，但餐廳極旺場，目測都有9乘滿，而餐廳嘅環境幾好，一室咖啡店木系裝修，配以燈光，牆上有好多食物繪畫，感覺溫馨舒服。店員嘅服務都好細心，會主動俾個布籃你擺袋，又主動添水收拾，服務頗為熨貼，而且，都好有禮貌。
餐具、糖包、牙簽就放晌枱上一旁，擺放整齊，份量充足，其實，亦反映到服務一環，晌預備上交足功課。
摺頁式嘅主餐牌，打開一睇就有齊所有菜式，包括湯品、沙律、薄餅、前菜、主菜、全日早餐、意大利麵、意大利飯、甜品……等等，選擇非常之多。
如果想食抵啲，就梗喺揀晚市套餐啦，包是日餐湯、主食及基本飲品，而主食都有成14款選擇供應，應該都唔難揀。
再想食得好啲、又抵啲，就不妨晌兩款二人套餐中落手，一款賣$498，另一款賣$546，同樣包前菜、餐湯、主食、甜品及飲品，計落確喺幾划算，最後我哋就揀咗$498個二人餐，因為睇落都已經好豐富。
天婦羅魷魚鬚3款前菜中，沙律、薯條當然食得多啦，反而呢個魷魚鬚真喺少食，所以梗喺揀佢。唔喺講笑，雖然只喺前菜一道，但喺份量都幾多，滿滿嘅一大兜，魷魚鬚軟熟柔韌有口感，加上外層脆漿好薄，沾上自家製他他醬，食味一流，真喺一件接一件食個唔停口。
天婦羅魷魚鬚
4 views
0 likes
0 comments
粟米忌廉湯 跟住就喺餐湯登場，是晚嘅餐湯喺忌廉粟米湯，相對上算喺無咁特別嘅西湯之一，不過，做得都唔欺場，口感調得綿滑，好有濃濃嘅粟米香味。
龍蝦汁虎蝦意大利飯當一間餐廳有意大利飯供應嘅時候，小弟就偏好會揀呢一款菜式，因為我成日都講，煮意大利飯唔難，但喺煮得好食唔易，好考師傅手勢。眼前呢碟虎蝦意大利飯個人嚟講真喺接近滿分，因為先講賣相，已經非常靚仔，飯粒沾滿汁醬之餘，望落唔會太水，無過多汁醬嘅問題，兩大隻虎蝦煎得金黃，擺盤夠立體，已鎅背處理，方便食用，而食落蝦肉彈牙、鮮甜，真喺無乜挑剔位，飯粒食落就帶點咬口感，最正嘅喺每粒飯都沾滿濃香嘅龍蝦汁，味道好豐厚，加上裏面混有好多野菌、三色椒、蘆筍仔，絕對喺用心製作！
龍蝦汁虎蝦意大利飯
14 views
0 likes
0 comments
西班牙黑毛猪鞍老友話牛扒比較食得多，所以，試吓豬鞍，加上貨源嚟自西班牙嘅黑毛豬，自然喺加分位，成品上枱非常有睇頭，大大件豬鞍煎到金黃帶焦香，睇見都流口水，而落刀嗰吓已感受到肉質嗰份鬆化，入口仲有少少爽口嘅口感添，沾上好似帶有香梨味嘅醬汁，更感清爽好味。伴菜方面有焗薯、翠玉瓜，而前者好有薯味，覺得夠軟腍，佐以酸忌廉同啲煙肉碎，實在滋味，後者炒得爽脆，做得一啲都無馬虎。
西班牙黑毛猪鞍
10 views
0 likes
0 comments
日式芝士蛋糕最後登場嘅甜品雖然只喺普通一件日式芝士蛋糕，但一樣花啲心思裝飾下，至於件蛋糕嘅味道，芝士味好香濃，質感綿密得嚟卻喺非常之軟滑。如果芝士蛋糕唔啱食，可以改選雪糕架！
凍檸茶 +$6老友就一早嗌定杯凍檸茶，邊食邊飲，佢就話茶底幾幽香，俾到4片檸檬，夠晒檸香。
即磨咖啡小弟就留到食甜品時先上杯咖啡，感覺更加嘆，而咖啡喺即磨貨式，啲豆都喺靚貨，所以，飲落香醇，芳香細膩。
綜合而言，無論環境、招呼，抑或食物，都好滿意，所以，咁多客人光顧就真喺唔會無原因。
Post
