Urban Coffee Roaster (Tong Yin Street)

Open Now

Now Closed

今日同屋企人朝早嚟到將軍澳海旁散步，行經呢間餐廳感覺好悠閒好寫意，就入去食個早餐。餐廳有戶外枱，如果喜歡一邊望海一邊曬太陽，並且休閒咁食嘢，坐室外位置會更加chill。餐廳室內十分闊落，窗邊位置真係好適合一個人靜靜地放空並且享受美食。平日11點前原來有個早鳥優惠menu😍。♦️英式早餐$118，另加配$25要煙三文魚，自選飲品有半價優惠，點咗Mocha +$27（半價）。酸種多士烘到十分香脆，好有咬口。炒蛋炒得剛剛好，放在酸種多士上面一齊食會有不同的口感。連伴碟嘅士多啤梨同藍莓都超級香甜，平時自己買都買唔到咁香甜。♦️松葉蟹肉軟殼蟹飯 $148，另加杯Latte $45。好驚喜，蟹肉都好多，軟殼蟹竟然有咁大隻，底下仲有溫泉蛋！溫泉蛋簡直係加分位，令到個飯好香滑。☕️餐廳好多咖啡種類選擇，仲有節日限定咖啡Christmas Coffee，都好特別。可能係平日嘅早上，得一位侍應接待，不過侍應好醒目，一個人負責沖咖啡拉花，接待，上菜，執拾枱，同埋單都有條不紊。我準備埋單起身，佢已經即刻行埋嚟處理👍🏻。