Video
Read full review
2023-09-16
123 views
早前睇YouTube介紹，第一次黎太夜截咗人龍，食唔成，今日終於試到。好多人等位，要人齊先入得，很嚴謹，但欣賞，如果要黎食，記住約守時的朋友😂 印尼餐印象中係甜同辣，特登去印尼餐廳都係第一次，聽講連印尼姐姐都會幫襯，我諗都應該幾正宗。今次我地兩個人點咗4餸1點品2飲品：1. 雙色咖央多士本身我唔係咁鐘意咖央因為覺得好甜，但依個薄薄一層加厚厚牛油我覺得好OK，朋友覺得咖央厚啲仲好，個多士堅脆，所以都值得一次！2. 巴東牛肉大推！真係超林超好食，我估用咗牛𦟌部位，入口即融。3. 串燒 - 羊 & 魚蝦羊偏酥，但可接受，幾juicy。魚蝦果串口感偏淋，我以為會彈牙，不過未食過，唔知本身係點。醬汁淋唔均，拆出黎點比較好或者汁另上。4. 原條煎魚 好驚喜，通常炸魚我不寄厚望，因為會偏乾又冇肉，依個又做得幾好，加埋勁多嘅辣醬，好惹味，會食唔停！5. 珍多冰超班！ 本身我唔食依啲嘢，因為通常重色素又甜，我睇完訪問話佢個班蘭係自己整，咁有心，所以就好想試。真係好好食，唔甜之餘配埋大樹菠蘿嘅酸尾尾，料多過冰，同我印象唔一樣，係一個超完美嘅結尾。飲品：清 . 島風食咁多新嘢，配返青瓜味清新口感嘅飲品，相當
印尼餐印象中係甜同辣，特登去印尼餐廳都係第一次，聽講連印尼姐姐都會幫襯，我諗都應該幾正宗。
今次我地兩個人點咗4餸1點品2飲品：
1. 雙色咖央多士
本身我唔係咁鐘意咖央因為覺得好甜，但依個薄薄一層加厚厚牛油我覺得好OK，朋友覺得咖央厚啲仲好，個多士堅脆，所以都值得一次！
雙色咖央多士
3 views
0 likes
0 comments
2. 巴東牛肉
大推！真係超林超好食，我估用咗牛𦟌部位，入口即融。
巴東牛肉
2 views
0 likes
0 comments
3. 串燒 - 羊 & 魚蝦
羊偏酥，但可接受，幾juicy。魚蝦果串口感偏淋，我以為會彈牙，不過未食過，唔知本身係點。醬汁淋唔均，拆出黎點比較好或者汁另上。
4. 原條煎魚
好驚喜，通常炸魚我不寄厚望，因為會偏乾又冇肉，依個又做得幾好，加埋勁多嘅辣醬，好惹味，會食唔停！
原條煎魚
3 views
0 likes
0 comments
5. 珍多冰
超班！ 本身我唔食依啲嘢，因為通常重色素又甜，我睇完訪問話佢個班蘭係自己整，咁有心，所以就好想試。真係好好食，唔甜之餘配埋大樹菠蘿嘅酸尾尾，料多過冰，同我印象唔一樣，係一個超完美嘅結尾。
珍多冰
2 views
0 likes
0 comments
飲品：
清 . 島風
食咁多新嘢，配返青瓜味清新口感嘅飲品，相當唔錯。不過價錢係偏貴。
峇里 . 日落
係一杯好靚嘅飲品，亦好好飲，topping 嘅玫瑰好香。
服務：
睇OpenRice 有唔少comment 話間嘢服務態度差， 又黑面，但親身體驗後，我真心唔覺差，佢地真係好忙，因為好多客，但都keep 住有笑容，上菜唔係慢，又會留意到張檯可以清嘢。係reception 姐姐feel到做到麻目，又要收錢，又要安排入座，又要解答客人查詢，一啲都唔容易，有時忘記要笑都好諒解。
Post
