申子居酒屋

Open Now

Now Closed

高質居酒屋 想食靚牛嘅首選地銅鑼灣真係美食集中地，尤其係日本料理，簡直雨後春筍，花眼瞭亂到唔知揀乜好。如果嗰晚想食日本嘢，唔係刺身壽司咁凍冰冰嘅，又唔係串燒啤酒🍻，想食和牛兼滿足感，多數會揀申子。先講氣氛，有啲情調又暗暗地，空間感好好，仲有卡位好座好吹水！今晚夜入座，有四人座，仲送和牛壽司🍣✨//申子海膽和牛燒//見隔離枱食緊和牛燒，吸引到我閃閃眼🤩唔執輸嗌一份，$378係唔平，不過2個人share呢，都值得試！有員工即場燒俾你，生熟度可以揀。有中間包住啖飯，重點加隻蛋黃！和牛味濃，加上有fancy嘅海膽同魚子🤭呢個質素 我會encore!! //鹽燒牛舌芯//呢個必試！即叫即整完全熱辣辣，軟淋淋口感好好，外面亦好香脆。唔使點樣調味，加少少鹽已經好好。//壽喜燒//天氣涼涼地，嗌個鍋試下。水準高，和牛當然無和牛燒咁正，但絕對好唔錯👍🏻 加埋蛋一流。如果可以配烏冬就正了！//蓬松玉子//即係芝士雞蛋卷，內裏嘅芝士係留心嘅！外面嘅玉子好香蛋味，鍾意食蛋嘅朋友仔記得要試吓。