Video
Read full review
2021-04-25
230 views
今晚去食一間特別嘅西餐～Lab Eat Restaurant～，特別在係一間好正式嘅西餐廳，特別在係一間好優質嘅西餐廳，特別在係環境寬敞舒適，好好chill嘅西餐廳。也許價格係比較高，但環境，食物，高質嘅服務，各方面都覺得係值得。餐廳外閃閃發光，靠住店內掛上白色嘅小燈泡。位置剛好喺街角，隔離係學校，所以街上絕對唔會有人來人往嘅情況，私密度好高。店內燈光柔和，枱上放有小燭台，加埋播放優雅嘅音樂，整個環境幽靜浪漫，十分舒適愜意。 先黎個餐前麵包，麵包嘅質地軟熟得黎又煙韌，配上有提鮮作用嘅黑醋橄欖油，更加相得益彰，簡簡單單嘅餐包已經覺得好好食。 豬不太敢食生蠔，主要怕自己頂唔住生蠔嘅腥味，但今晚好想試下呢個法國生蠔，試下原汁原味嘅食法，所以都order左個。生蠔好肥美，原來新鮮生蠔真係好好食，充份試到海水同生蠔嘅鮮甜味，質感係爽滑。怕腥的話，加d新鮮檸檬汁同CocktailSauce，提升蠔嘅鮮味，都一樣好食。配上kessler riesling，白酒嘅果酸味道可帶起蠔嘅鮮味，亦唔會蓋過蠔味。 另外杯 Masca Monte Porzio Catone係配紅肉喺menu見到呢個海膽多士，兩眼
餐廳外閃閃發光，靠住店內掛上白色嘅小燈泡。位置剛好喺街角，隔離係學校，所以街上絕對唔會有人來人往嘅情況，私密度好高。店內燈光柔和，枱上放有小燭台，加埋播放優雅嘅音樂，整個環境幽靜浪漫，十分舒適愜意。
先黎個餐前麵包，麵包嘅質地軟熟得黎又煙韌，配上有提鮮作用嘅黑醋橄欖油，更加相得益彰，簡簡單單嘅餐包已經覺得好好食。
餐前麵包
12 views
0 likes
0 comments
豬不太敢食生蠔，主要怕自己頂唔住生蠔嘅腥味，但今晚好想試下呢個法國生蠔，試下原汁原味嘅食法，所以都order左個。生蠔好肥美，原來新鮮生蠔真係好好食，充份試到海水同生蠔嘅鮮甜味，質感係爽滑。怕腥的話，加d新鮮檸檬汁同CocktailSauce，提升蠔嘅鮮味，都一樣好食。配上kessler riesling，白酒嘅果酸味道可帶起蠔嘅鮮味，亦唔會蓋過蠔味。
法國生蠔
16 views
0 likes
0 comments
另外杯 Masca Monte Porzio Catone係配紅肉
Masca Monte Porzio Catone & Kessler riesling
11 views
0 likes
0 comments
喺menu見到呢個海膽多士，兩眼都發光。通常海膽都係生食，但搭配多士熱熱地感覺都幾新穎。海膽多士賣相好有氣派，海膽份量絕對唔少，真材實料，味道濃厚清甜。鋪喺烤到好鬆脆嘅多士上，一試難忘。
海膽多士
9 views
0 likes
0 comments
特色卡邦尼扁意粉，意粉煙韌有嚼勁，每條意粉都沾滿醬汁，金黃色嘅賣相非常吸引。意粉有蛋香，芝士味濃厚鮮明，口感creamy。煙肉厚身有咬口，帶著鹹香，味道香濃。上菜時見到碟大大，意粉少少，點知個碟好有深度，意粉食極都唔完，所以建議share食。
特色卡邦尼扁意粉
15 views
0 likes
0 comments
特色卡邦尼扁意粉
14 views
0 likes
0 comments
呢個澳州M5和牛肉眼真係超大塊，脂肪分佈均勻，紋理十分清晰，不含牛筋，口感十分細嫩。鮮嫩嘅肉質，配合大理紋油花，入口即溶化，肉和油花融為一體，散發住十分濃郁嘅牛肉同微微嘅碳燒香味。調味方面只配上鹽同芥末醬，簡單但完全食出肉眼嘅原味道，好味到不得之了。
澳州M5和牛肉眼
14 views
0 likes
0 comments
澳州M5和牛肉眼
10 views
0 likes
0 comments
檸檬意大利雪糕配蘋果水晶批
Gelato用鮮奶、忌廉、雞蛋和糖黎製作。因為用嘅忌廉比製作一般雪糕少，油脂低，加上空氣含量較少，冰粒幼細，密度較高，所以質感特別綿滑。檸檬口味味道清爽，甜而不膩，每一口都帶黎一種refresh嘅感覺，中和返頭先意粉同肉眼嘅膩感。紅色一粒粒嘅脆脆酸酸甜甜，同Gelato非常匹配。而蘋果水晶批QQ彈彈，味道不甜，帶有蘋果香。食埋呢個甜品，呢餐真係食得好滿足，簡單幸福嘅滋味🥰
檸檬意大利雪糕配蘋果水晶批
8 views
0 likes
0 comments
Post
