Be Leaf

Open Now

Now Closed

放工路過，見到依間餐廳裝潢好靚好文青，決定一試，估唔到出乎意料地好食😋-黑松露炸薯條配松露蛋黃醬 $78薯條係粗身嘅，表面香脆可口唔油，而入面又唔會乾身，沾上黑松露沙律醬同茄醬，令口感同味道都好豐富。-香煎虎蝦意式蕃茄芝士意大利飯 $148Risotto一上菜已經聞到陣香味，虎蝦煎到金黃色，好大隻好厚肉，食落鮮甜爽口。而飯嘅醬汁調配剛剛好，唔會太濕，味道都唔會過濃。-香煎慢煮西班牙伊比利亞黑豚鞍配蜜桃牛油果莎莎 $288豚鞍單係擺碟已經好吸引，慢煮令豚鞍肉質粉嫩，而表面煎得香脆，再配合甜甜酸酸嘅蜜桃粒醬汁，食落好開胃。值得一提係伴碟用咗冰菜，咬落爽脆可口冇渣，入口即化，口感特別。-Ice Chocolate $46凍朱古力味道香濃又唔會太甜，加上忌廉令到飲落更香滑。-Strawberry Avocado Smoothie $52牛油果mix士多啤梨係一個好fresh嘅配搭，飲落牛油果味比較重，係健康嘅特飲。