Video
Read full review
2022-05-03
731 views
復活節假日，為咗要食甜品，特登去尖沙咀食晏晝。一輪投票之下，妹妹終於贏咗，拍板去尖沙咀嘅年青人潮店Mamaday。為咗避開人流，book 嘅係兩點半嘅lunch，去到嘅時候睇到有四、五個人喺度等位。好在有訂位，可以即刻入座。妹妹一心要食明太子薯條，哥哥要避風塘雞翼，主食方面要咗個咸蛋牛油果蟹肉比薩同埋蟹肉意大利扁面。我嘅心態喺純粹陪太子、公主讀書，對呢餐飯冇要求亦都零期望。首先上嘅係明太子炸薯條。坦白講個薯條炸得算係唔錯，配上明太子一齊食又幾得意。要讚嘅係明太子俾得甚多，算係對得住呢個價錢。當然一心要嚟食呢個明太子炸薯條嘅妹妹對它是讚不絕口，皆因佢一向鍾意食明太子也。避風塘雞翼一碟有五隻，算係做得OK啦！但係個人來講就嫌佢唔夠辣，所以唔夠好味。跟住上嘅喺蟹肉意大利扁面，面上有幾隻蟹鉗同埋一堆明太子，又係妹妹鍾意嘅食物。扁面我嫌佢偏硬，味道方面主要係明太子搭夠。最後上嘅喺咸蛋牛油果蟹肉比薩，呢個係個薄身比薩，都焗得幾香脆，但個人嚟講唔係我的至愛。雖然個名叫做鹹蛋牛油果，但係其實食唔到鹹蛋味道。蟹肉方面又係幾隻蟹鉗，冇計啦，咁啱全家人都鍾意食蟹，所以咪碟碟都係蟹囉！埋單加一之後要$453，
為咗避開人流，book 嘅係兩點半嘅lunch，去到嘅時候睇到有四、五個人喺度等位。好在有訂位，可以即刻入座。
妹妹一心要食明太子薯條，哥哥要避風塘雞翼，主食方面要咗個咸蛋牛油果蟹肉比薩同埋蟹肉意大利扁面。我嘅心態喺純粹陪太子、公主讀書，對呢餐飯冇要求亦都零期望。
首先上嘅係明太子炸薯條。坦白講個薯條炸得算係唔錯，配上明太子一齊食又幾得意。要讚嘅係明太子俾得甚多，算係對得住呢個價錢。當然一心要嚟食呢個明太子炸薯條嘅妹妹對它是讚不絕口，皆因佢一向鍾意食明太子也。
明太子薯條
$68
27 views
0 likes
0 comments
避風塘雞翼一碟有五隻，算係做得OK啦！但係個人來講就嫌佢唔夠辣，所以唔夠好味。
避風塘雞翼
$68
24 views
0 likes
0 comments
跟住上嘅喺蟹肉意大利扁面，面上有幾隻蟹鉗同埋一堆明太子，又係妹妹鍾意嘅食物。扁面我嫌佢偏硬，味道方面主要係明太子搭夠。
蟹肉意大利扁面
$128
22 views
0 likes
0 comments
最後上嘅喺咸蛋牛油果蟹肉比薩，呢個係個薄身比薩，都焗得幾香脆，但個人嚟講唔係我的至愛。雖然個名叫做鹹蛋牛油果，但係其實食唔到鹹蛋味道。蟹肉方面又係幾隻蟹鉗，冇計啦，咁啱全家人都鍾意食蟹，所以咪碟碟都係蟹囉！
鹹蛋牛油果蟹肉pizza
$138
35 views
1 likes
0 comments
埋單加一之後要$453，唔係平。食物方面我覺得還可以接受，但是呢個地方主要係俾年青人嚟打卡多過食嘢，因為佢的裝修算係幾特別同盞鬼，後生嘅可以去多幾次，俾我就算喇！
Post
