Video
Read full review
2023-06-22
837 views
為食日記 #8｜Involtini @銅鑼灣｜幾年前已久仰 Involtini 大名，試過即興諗住 Walk-in 上去食個午餐，可惜餐廳已滿座無功而返🤣 幾年後，撞正朋友生日，正苦惱去邊度覓食之際，就諗起佢。今次當然要乖乖訂座，兼預先選好甜品寫定祝福字句為朋友慶生，一切準備就緒，我個肚 is ready。侍應非常親切有禮，先向我們簡單介紹 Today's Special 並為我們點菜，再奉送配上鮮牛油的烘烤薄脆多士。前菜點了「海鮮他他」，外相吸引味道出色，啖啖鮮蟹肉、帶子及蝦肉配上鮮甜帶酸的特製醬汁，是一碟吃完頓感清新舒暢、感覺很 Summer 的開胃小品。接住重頭戲「傳統卡邦尼手造意大利幼麵」上台，試一口就明白為何這碟意粉能成為皇牌。首先它是原汁原味的真 • 卡邦尼，不是坊間 fusion 了忌廉的港式卡邦尼（嗱…雖然都有好味的），用上口感一流的手造意粉、蛋黃及風乾豬面頰肉，濃郁、鹹香、幼滑，完全體現咩叫材料簡單但其實考驗緊廚師真功夫，呢碟，全台人畀 99 分，1 分輸畀份量，確實唔算大碟，唔夠喉，但 $168 呢個價錢，真心冇得輸！緊接出場係「手造意大利幼麵配西班牙紅蝦」，又係另
幾年前已久仰 Involtini 大名，試過即興諗住 Walk-in 上去食個午餐，可惜餐廳已滿座無功而返🤣 幾年後，撞正朋友生日，正苦惱去邊度覓食之際，就諗起佢。今次當然要乖乖訂座，兼預先選好甜品寫定祝福字句為朋友慶生，一切準備就緒，我個肚 is ready。
侍應非常親切有禮，先向我們簡單介紹 Today's Special 並為我們點菜，再奉送配上鮮牛油的烘烤薄脆多士。前菜點了「海鮮他他」，外相吸引味道出色，啖啖鮮蟹肉、帶子及蝦肉配上鮮甜帶酸的特製醬汁，是一碟吃完頓感清新舒暢、感覺很 Summer 的開胃小品。
海鮮他他
$168
21 views
0 likes
0 comments
接住重頭戲「傳統卡邦尼手造意大利幼麵」上台，試一口就明白為何這碟意粉能成為皇牌。首先它是原汁原味的真 • 卡邦尼，不是坊間 fusion 了忌廉的港式卡邦尼（嗱…雖然都有好味的），用上口感一流的手造意粉、蛋黃及風乾豬面頰肉，濃郁、鹹香、幼滑，完全體現咩叫材料簡單但其實考驗緊廚師真功夫，呢碟，全台人畀 99 分，1 分輸畀份量，確實唔算大碟，唔夠喉，但 $168 呢個價錢，真心冇得輸！緊接出場係「手造意大利幼麵配西班牙紅蝦」，又係另一碟每台必點菜式，呢碟意粉都好食，紅蝦肉質出色燒得惹味，一上台就散發濃郁香氣，吸引到唔記得畀相機食先😂，不過相比之下，我們還是更愛卡邦尼（卡邦尼性價比真係贏晒！）
傳統卡邦尼手造意大利幼麵
$168
44 views
0 likes
0 comments
「Today's Special - 香烤和牛西冷」最後壓軸上台，本身對塊扒沒有太大期望，始終不屬 Involtini 最出名的菜式，但試了，吃過一口後，便打倒了幾秒前的自己。喂，可以話好食過好多坊間所謂扒房，個人而言，質素高嘅扒根本唔需要咩花巧嘢，簡單調味先可以食到塊扒本身的原汁原味。呢塊扒，所有嘢都做到恰到好處，西冷雖油脂不多，但肉質食落非常幼嫩，扒身煎至微微脆口，外脆內嫩﹐食到停唔到口… 如果排次序，我哋一致都投呢塊牛扒做 No. 1，就係好食到咁 😌
Today's Special - 香烤和牛西冷
$368
37 views
0 likes
0 comments
最後想講，今次餐飯絕對係一個出色嘅 Dining Experience，雖然餐廳唔大，環境亦唔算好舒適，但食物同侍應質素真係好出色，寧願畀錢食好西，好過畀錢食裝修靚 Site（當然環境好係 Bonus，但身為吃貨的我，一定係好食行先，認同嗎？😜）
Post
