Gram cafe & pancakes

Open Now

Now Closed

店名：Gram cafe & pancakes地點：尖沙咀彌敦道100號The ONE菜式：日式班戟餐牌：鹹班戟同甜班戟，班戟有梳乎里款式又有熱香餅款式。其他野如三文治，法式多士，雪糕，雪花冰，沙冰，梳打，咖啡，茶，果汁，汽水。另外都有午市套餐。全日早餐 $88 另加一一客全日早餐有兩片熱香餅班戟，面頭有加左香草嘅炒蛋，仲有兩片煙肉。伴有煙三文魚一片，茄汁豆一兜，同沙律雜菜配番茄同車厘茄。甜甜哋嘅軟綿綿班戟加上鹹香煙肉好夾，當中仲有滑溜炒蛋，加埋濕潤茄汁豆，口感味道豐富。煙三文魚較瘦。沙律雜菜簡單加上沙律醬，唔會太油膩。蛋沙律巴馬火腿班戟 $98 另加一蛋沙律巴馬火腿班戟賣相不俗。面頭一片巴馬火腿喺頂，下底就係生菜沙律，已經加左沙律醬。再下底就係主角薄班戟皮包住豐富嘅蛋沙律。又薄又軟綿綿嘅班戟薄皮配爆餡夠醬蛋沙律超好味！最下底就係一塊甜甜哋嘅熱香餅，都好軟綿綿。碟邊有車厘茄同紫洋蒽，加上沙律醬同醋調味。呢款班戟好特別，味道都唔錯，唔怪得係香港限定！原來鹹班戟食法都唔錯wor，甜班戟配鹹食味道配搭都好好。