The Pearl

Open Now

Now Closed

其實我地好少去酒店餐廳食飯，因為認住一定會好貴，但今次搵到間喺酒店，但價錢都幾合理，又見佢個環境幾型咁，就貢左上去了。今次叫左兩個starter: 煙三文魚芝士卷($98)、香煎北海道帶子($108)，兩個main: 烤澳洲羊西冷($158)、燴澳洲牛面頰($328)，兩杯mocktail: First Love($88)、First Night($88)煙三文魚芝士卷係冷盤，鍾意佢安守本份夠涼浸浸，你知有時冷盤唔知點解啲煙三文魚係暖暖地咁㗎嘛。煙三文魚加芝士嘅配搭都好常見，鍾意佢上面有少少蟹籽，多左種爽脆嘅口感。兩個starter相比，我更加鍾意香煎北海道帶子，帶子煎得啱啱好，仍然有魚生帶子微微痴嘴嘅口感，加埋上面嘅麵鼓醬，配搭好好。不過有驚喜嘅反而係下面嘅枝豆蓉，我本身唔太好豆類，但係佢嘅味道我又覺得出奇地好食，而且可以比你喺中間時候先清一清味蕾。烤澳洲羊西冷我有啲難評論，因為我本身唔食羊，只係試左少少，但對我嚟講都可以接受。至於男朋友就覺得無咩臊味，肉質都幾軟熟。我全場最愛嘅就係燴澳洲牛面頰，真係超軟熟，無諗過真係幾乎稔到唔駛咬嘅程度，而且中間嘅筋都係勁稔，烹調處理得好好！側邊伴