平昌

營業中

休息中

食後感：第一次食韓燒，估唔到依間韓燒店咁多人幫襯，星期一至四幫襯最平個餐（大君set) 都只係$228（需+10%），埋單預$251，已經包左豬牛雞海鮮同韓式料理，岩曬食我呢D食肉獸。味道：前菜（芽菜、泡菜、生菜）任添芽菜：小小麻油味撈埋爽脆芽菜，幾開胃泡菜：我唔太食得辣，如果鍾意食辣應該覺得唔錯。生菜：新鮮生菜包住舊肉，好清新。牛肉：最正係LA牛扒，姐係牛仔骨，夠嫩夠滑重有小小甜甜地既燒汁醃料，食多幾舊好快回本。豬肉：最易燒係調味豬梅頭片，每塊豬肉切到岩岩好厚薄，擺落個爐到一陣就食得啦，調味都係甜燒汁，好惹味。雞肉：最嫩滑係調味雞腿肉，姐係燒汁味雞扒，雞扒夠厚夠肉汁。辛拉麵： 真係好夠辣，至小中辣程度，麵質岩岩好，夠煙韌，食完一大碗已經好飽。總結：依個價錢，依個質素，都算抵食既。

上個禮拜去「兆萬」買完化妝品😍就去咗任食韓燒放題🇰🇷 環境好有feel整體唔會好大油煙味～抽風系統👍🏻Staff會加爐邊蛋🥚自動自覺換烤盤小編今次無漏單情況 （好lucky🙌🏻）📍國王御膳 ($588)包100款肉類、海鮮、炸物、韓式料理🥘最正係可以任食醬油蟹 （細隻）🥩肉類 （重點推介）🍴M5韓牛肉眼牛味好重🐮 成個口感都好腍身🍴韓牛小排雪花分佈好靚😍油脂感極重 （最推薦🤣）🍴 LA牛排骨調味剛好👅肉質好嫩 可以起骨包生菜🥬食🐷豬肉🍴香草五花肉韓燒必食‼️ 肥瘦比例👌🏻好惹味🍴豬頸肉成個口感好爽口、又帶少少辣味🌶️🦐🦪海鮮🍴 醬油蟹可以任食「細隻版」醬油蟹🦀如果想大隻需要另加$168～「超多蟹膏」可以撈好多白飯🍚 （記得單食先）但味道真係有少少咸…🍴牛油扇貝有2個version！！加左牛油好食10倍🙌🏻🍴魷魚、沙白快熟海鮮🤣 食落無雪藏味 都不錯🇰🇷韓式料理：🍴炒粉絲、牛尾湯、醬油鮑魚+帶子比較推薦呢幾款🩵食得太膩可以飲啖湯🥄 清下口腔粉絲好重麻油味🫶🏻 堅正鮑魚、帶子 醬油醃得好入味 又爽口😈🍴海鮮蔥餅、炸雞❌不太推薦海鮮蔥餅好厚粉、無咩海鮮😭食咗哂位！炸雞🍗偏乾身… 好可惜🥤飲品、雪

先講肉類嘅選擇，佢唔係剩係得普通嘅豬牛雞，而係每一種唔同嘅部位鐘頭得你揀🥩🥩🥩🥩🥩，牛嘅話就牛板腱、下肩胛肉、牛脷、一口牛，應有盡有。仲要大部份都係油花均勻，不論視覺味覺都係一大享受！有各式各樣嘅醬料俾大家自由調配，無論你係重口味，定一話想食得清淡啲，都有得你揀！所以咁多款肉，咁多款醬，組合千變萬化，只有你意想不到，冇你嘗試不到的！🤩🤩🤩🤩除咗肉類款式極多之外，仲有超多韓式餸菜任你點，有小食、有炸雞、有泡菜煎餅、有韓式蛋卷⋯⋯🍱

美味韓式放題～位於兆萬商場內的食肆～呢間韓式放題係平日晚上都人頭湧湧。餐牌分了三個級別，今次同爸爸就揀了中間的級別～任飲任食兩小時～有自助飲品同雪糕櫃～餐廳環境很好氣氛～圓型的檯配上了韓燒既抽氣煙通～坐下後，店員更隨即送上唐生菜、泡菜跟芽菜～透過QR code下單～好多款唔同既肉類，牛、豬、雞當然唔少得，而且每款類別都有多種唔同部位，相當吸引同花多眼亂～所以我地都點左幾款，試下唔同部位既唔同口感～仲有海鮮呢，扇貝、大蝦、鯖魚、帶子、鰻魚⋯⋯⋯超多唔同款式除左肉類豐富，仲有好多小食、鍋物、湯類⋯⋯相當吸引，韓式食品當然唔少得韓式炸雞同泡菜湯、紫菜飯、醬油蟹等等啦，相當之多種類及好好味的。下單後，上菜速度好快，所以唔洗怕兩小時唔夠時間食呢。好喜歡一邊韓燒，一邊可以食到熱烘烘的蛋呢，又嫩又好味。把肉類燒成金黃香脆，再以生菜包著，既可減卻油膩感，口感仲會爽爽脆脆更清新～相當唔錯呀。醬油蟹都是我十分喜歡的韓食之一，醬油蟹簡直是白飯神偷，又惹味又juicy…拌飯來吃大滿足呀。食飽飽再食埋雪條。下次再帶家人或朋友來暢食一頓，既有氣氛又好味！

今日去左旺角兆萬中心一間食韓式燒肉既平昌，一開𨋢門會好surprise,係個韓風滿溢嘅地方，會即刻感受到佢嘅獨特風格同氛圍，好似置身喺韓國一樣。佢嘅環境裝修真係滿滿嘅韓式元素，感覺就好似去左東大門個邊既燒肉店咁，佈置得好正丫👍👍勁鍾意用手機下單簡野食💖，真心方便，又唔洗等侍應路過先比到單佢，又唔會忙得滯張單唔見左咁，而且好快送到d野，感覺唔到五分鐘d野食就到咁👍👏👏咁我簡左個大君御膳，食物選擇好多，牛肉，牛舌，豬肉同雞肉。而且，佢哋嘅食物質素絕對唔會令你失望。每一款肉都新鮮嫩滑，一燒就散發出誘人嘅香氣。仲有配菜同湯品，例如新鮮嘅生菜，泡菜同芽菜，令你可以自由搭配，創造出屬於自己嘅獨特口味。佢哋嘅服務仲好貼心，會留意你嘅需求。例如，佢哋會主動問你需唔需要換燒板，確保你嘅燒肉體驗始終保持最佳狀態。佢哋嘅團隊真係好細心，照顧到每一位客人嘅需要。下次我會想食君子御膳，多d海鮮食，重點可以燒蠔丫，又有埋醬油蟹同蝦🤤🤤🤤

位於旺角兆萬中心 一入去就見到店鋪充滿特色 食物款式多 有燒肉、有韓食😍-《世子御膳 $318》呢個係星期一至四既價錢 有120分鐘食 有多款食材 仲有爐邊蛋😜店員會不停幫忙換烤盤 可以減少燒燶既情況～▫️肉類🥩有牛、豬、雞😳牛肉推薦牛前胸腹肉、牛舌同照燒肥牛片 而豬叫左辣調味豬五花腩 味道幾特別 香口😋▪️韓食有多款湯品 有牛尾湯、泡菜豬肉湯等 泡菜豬肉湯超正😍有特色韓國味道 另外仲有炸雞、醬油蟹、醬油蝦、醬油鵪鶉蛋等 ▫️飲品、雪糕可以任飲任食 食埋甜品做Happy Ending🫶🏻

之前聽朋友推介旺角有間高質抵食韓燒放題，今晚經過終須可以一試🤩🤩 估唔到幾正丫👍總共有三款任食套餐選擇，我地兩個人就叫左「大君御膳set」，120分鐘任食到飽🤤❣️❣️ 唔係高價位但食物都有好多選擇！包括牛肉、豬肉、雞肉、海鮮、各款熟食料理座位闊落乾淨，亦唔會好大油煙味，職員上碟、換鐵板嘅速度都快👍👍真係食唔停😂 職員會先幫我地加爐邊蛋同上前菜，有生菜、泡菜、大豆芽，好食到refill！！ ◾️牛肉：醬汁牛肉、辣味手肉、牛舌🥩🥩🥬 食材都新鮮，好多款都醃咗唔同調味，唔洗另外點醬都好夠味！！肉質嫩滑而且牛味濃，相當惹味🤤🤤🤤👍 ◾️豬肉：香草五花肉、辣調味豬頸肉🐷🐷 五花肉入口即溶，肥瘦比例好好，黎逼出油香勁惹味，口感豐厚👍調左味既豬醃得都好入味，配飯一流🍚🍚🍳 ◾️雞肉：調味雞翼、香草雞柳🐔🍗🍗 ◾️海鮮：扇貝、魷魚🦐🦪🦪 扇貝不錯，鮮甜無雪藏味 ◾️蔬菜：唐生菜、茄子、杏鮑菇🥬🥬🍆 生菜可以用嚟包住啲燒肉，加埋泡菜一齊食 ◾️熟食料理：炒粉絲、牛肉海帶湯、海鮮蔥餅 Overall呢個價位既韓燒放題黎講水準高，環境氣氛、服務、食物質素都唔錯，食得好飽好滿足🤤👍👍📍 平昌 (旺角)旺角西洋菜

大病康復後, 終於可以約朋友大吃一番, 當然要食放題先夠滿足啦!揀咗旺角嘅放題集中地兆萬中心13/F嘅一間主打韓燒烤肉餐廳---平昌, 一打開lift門為開放式座位, 環境裝份樸素, 幾有韓國地道風味。到店目測有已有7成左右滿, 但都唔會話好油煙, 抽風做得幾好。晚市分別有三個價錢套餐選擇, 我地就揀咗個中位價---世子御膳。入座起限時120分鐘任飲任食, 店員先送上韓式泡菜同埋大豆芽, 再注入爐邊蛋。所有食物均scan QR code落單, 食物上檯速度快, 而且當晚冇漏單。肉類選擇都幾多, 有齊牛、雞、豬、海鮮, 仲有數款韓式料理。生蠔算不上肥美, 但味道唔腥。而帶子同埋帆立貝都冇調味過, 主要吃出原汁原味。肉類方式order咗多款牛, 嫩紅新鮮, 烤嘅時候滲出鮮紅血水; 牛舌烤至金黃, 有咬口。芝士腸炸至爆開, 流出流心芝士, 美味。雞翼醃得入味, 雞腎又爽又有咬口, 雞軟骨好爽脆, encore咗好幾轉。蝴蝶蝦配他他醬: 蝦幾爽, 配上鹹甜他他醬, 提升味道。醬油蟹: 蟹肉偏林又入味, 不過嫌過於鹹。醬油蝦: 原隻蝦去醃, 都好入味, 蝦肉爽口, 而且冇醬油蟹咁鹹。炸物叫咗個一

2024-03-21 見openrice評語不錯，一行6人去慶祝生日，點知中大伏，我諗住預早半個鐘攞蛋糕去放雪櫃，有個西臉韓仔應該係老闆，完全冇反應，好唔情願地將個蛋糕放入雪櫃，我心諗我要求應該唔過分吧？之後開始食，發現啲野真係極之唔新鮮，牛肉用好重調味，甜到難以接受，豬肉，雞肉無味，最正常係個飯同辛辣麵😂😂到最後諗住食埋蛋糕走人，點知西面韓仔老闆行過嚟，用啲小學生英文話仲有十分鐘，過咗時要收service charge，首先我未夠鐘；第二，果陣10點，隔籬枱枱都係冇人，俾人開開心心，唱埋首生日歌都有難度？奉勸大家，千祈唔好去食，不論食物質素定服務，都係一樣垃圾，如果想食「韓式西面」，可以嚟試試😅😅

這間位於旺角既韓式烤肉店，裝修風格好有韓國街頭文化特色，牆壁上有超巨型既漫畫，而每枱都有煙囪式排煙管，無懼油煙既煩惱。晚市有三種韓燒放題可供選擇，分別係大君(50款)、世子(89款)、國王御膳(100款) 。韓式燒肉除左多款牛肉、豬肉、海鮮外，仲有好多韓國料理，包括炸雞、炒粉絲、炒年糕、石鍋拌飯、辣豆腐海鮮湯、飲品等，都係任飲任食；Follow 社交平台可以任食韓國直送雪條。韓式小菜入座後，店員會為你送上泡菜、芽菜、生菜及爐邊蛋，開胃又惹味。牛肋骨肉質感軟嫩，油脂分佈平均。牛肉眼肉味濃郁，厚薄適中。T骨牛扒帶骨既肉，口感有嚼勁，油香特別豐富。西班牙捲狀豬腹肉質地細緻，肉質爽彈。總結，食物選擇種類多，質素高，值得一讚，上菜快而準，店員會定時幫忙更換鐵板，十分細心。

之前同朋友嚟食大君set覺得幾好，今次我哋再嚟試，揀高一級嘅世子set。食物選擇好多，連醬油蟹都有得叫😋簡單推薦幾款食物畀大家：首先係燒肉配料方面，有生蠔同半殼青口，新鮮嘅海鮮味道真係好鮮甜，每一口都好juicy！仲有辣調味烤牛肉同LA牛排，個個都係牛肉愛好者嘅必試選擇，食落去肉質鮮嫩多汁，好滋味！另外仲有調味牛舌同鰻魚，牛舌軟滑嫩口，鰻魚香口入味，真係一級棒！而熟食方面，無骨原味炸雞同炸紫菜卷都好有驚喜；無骨原味炸雞外脆內嫩，鮮嫩多汁，每一口都好滿足！炸紫菜卷則係個個都愛嘅小食，炸到金黃酥脆，彈牙味道十足，好開胃！整體而言，平昌燒肉嘅食物真係好豐富，職員服務都幾好，上菜同換網都好快手👍🏻

韓國朋友來港旅遊話想試吓香港韓燒，身為香港仔嘅我梗係唔可以失禮，搵間正宗韓國菜比佢食吓🤔，問晒朋友圈，搵埋Open rice，卒之搵到這間👇平昌 Pyeong Chang 位於——旺角西洋菜街1號兆萬中心13樓這間 平昌 Pyeong Chang 不愧是正宗韓國食店，平曰都好多人好熱閙，而且裝修佈置枱凳歌曲都韓國味十足，老闆都係韓國人，正👍首先讚下佢哋服務態度，真係好好，不停換鐵板，又不停更換大豆泡菜，落Order又快到，其次讚是款式又多，除咗鐵板食物外，仲有好多不同韓國特色食物，d食物又好味，讚👍除咗鐵板食物美味外，石鍋拌飯、辣海鮮豆腐湯、韓國辣炒年糕、海鮮蔥餅、豬肉泡菜湯，都係又好味又夠韓國特色風味👍 。仲有其他韓國特色美食如水冷麵/辛辣麵/炒粉絲/牛肉海帶湯/醬油鵪鶉蛋/吉列炸蝦⋯⋯已經飽到食唔落，不能試晒全部真可惜😅飲品又多選擇今餐韓國朋友非常滿意而且盛讚👍，今晚能夠嘗到平昌 Pyeong Chang 這間正宗韓國食店，真係開心🤩日後會常黎😚😚😚😚

呢間餐廳我同唔同嘅朋友久唔久都會去一次😋😋最鍾意佢除咗燒肉仲有唔同嘅韓式料理食👍🏽👍🏽先講裝修好靚 係唔同韓星嘅卡通版 一路食可以一路估下係邊個嚟😂😂要留意今日係平日around 7點就已經全店爆滿 所以記得要book定位先！一嚟到店員就比咗泡菜同芽茶我地仲有爐邊蛋 我會加埋d泡菜入去 更加好食😋😋呢度嘅服務員態度好好 成日都會嚟睇下個燒烤爐有冇黑到 會好快手幫我地換👍🏽 而係個app落完單之後都會好快就送嘢食過嚟 每碟份量啱啱好足夠二人份 唔怕食唔晒👍🏽呢度有好多唔同款嘅肉類 我最鍾意食嘅係LA牛排同牛肋骨肉👍🏽 而比起食肉 我更加鍾意食個d料理 有牛肉海帶湯 水冷麵 海鮮煎餅等等😋😋呢d出去一間韓式餐廳都起碼$65up 所以呢度提供咁多款式嘅韓式料理好吸引～如果突然間好想食韓國菜 又想食放題 呢度的確係個好好嘅選擇👍🏽👍🏽

由韓國人主理既良心燒肉店！位於旺角平昌就將正宗韓燒體驗帶比客人🇰🇷電梯一打開就見到汽油桶式既燒肉檯同埋油罐椅，好多當地味道🌟價位大君御膳、世子御膳同埋最高級既國王御膳，頂級既國王御膳$588/人，包咗過百款韓燒肉類、海鮮、前菜、炸物同埋傳統韓式料理🥘🌟醬油蟹估唔到醬油蟹竟然有得任食🤤雖然用既蟹種就細d，不過味道正宗惹味，如果想試大隻版都係$168超級爆膏勁有鮮味😍可以先單食融化入口既蟹肉，再擠出黎撈紫菜飯食更加昇華🌟牛肉有好多M5和牛同埋安格斯牛，由肉眼、排骨、翼板同板腱肉都應有盡有，而LA牛排骨更加係韓國人尤為鍾愛既部份必試🤩M5和牛肉眼雪花紋理有如大理石，兩面煎香稍作resting就做到外焦內嫩多肉汁既效果😬🌟海鮮試咗香草牛油扇貝、小章魚同天使紅蝦等等，小章魚口感彈牙有咬口🐙食落都幾香同鮮，天使紅蝦就解凍得幾好，一拎黎就燒最好🌟韓式料理醬油食品仲有蝦、鮑魚同扇貝，韓式小食仲有炸雞、煎餅同芝士過下口癮😋生菜同泡菜都幾解膩開胃，食足2小時都冇問題🌟飲品甜品任飲既種類大部份啤酒、汽水同水都係韓國出品，甜品方面有平時多見既Melona果味雪條同埋兩款甜筒店員好勤力留意周圍每一檯，及時更換烤

平昌今次呢間韓國菜好多人識，名叫「平昌」，超多人鍾意食，果晚我上到13樓全場幾乎爆場，老闆要我我等一等，安排一個好方便坐嘅位置，最後足足等咗大約20分鐘先有位坐，一坐低已經見到加咗蛋漿喺爐邊，仲有3碟配菜，有泡菜、生菜同芽菜，食完仲可以任添！我哋叫咗世子Set，每位$338，仲有醬油蟹同醬油蝦叫， 我腸胃唔得，所以無叫！餐廳有好多壁畫，之前睇過電視節目記得好似係本地畫畫師畫出嚟，不過兆萬中心排隊個𨋢位唔係幾方便輪椅，我都係緊緊夠位轉入去，好心就拆鬼咗去啦！我哋叫咗好多野食，印象中叫咗以下野食：1.炒年糕（8/10）辣辣地，好入味，好煙韌！2.炸忌廉蟹肉薯餅（10/10）炸得好脆，食到有蟹味，好有薯味！3.吉列炸蝦（10/10）炸得好脆，蝦好新鮮彈牙！4.脆炸一口芝士（8/10）炸得好脆，芝士少咗一d！5.M5和牛西冷（8/10）有牛味，韌咗少少！6.牛前胸腹肉（8/10）有牛味，韌咗少少！7.牛舌（6/10）非常韌，好難咬！8.牛肋骨肉（10/10）呢個牛仔骨必叫，超好食，牛肉唔韌！9.辣汁肥牛片（8/10）辣辣地，有牛味，韌咗少少！10.肥牛片（8/10）唔知點解好夠肥，但係韌咗少少