影片
港鐵上環站 A2 出口, 步行約5分鐘
繼續閱讀
電話號碼
22658999
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今日🐧 特登黎到上環，試下依間都幾多朋友推薦嘅平靚正新加坡菜餐廳🥰😘 入面環境渡假風滿滿😚 滕椅、木桌、加埋一片椰樹林嘅牆景，真係風情十足🤭 今日下午茶時段黎，本身想試下佢個超有特色嘅馬來街頭椰子雪糕同埋椰青☺️ 可惜太搶手一早賣曬🥲🥲🥲 🐧 最後㨂咗同樣出色嘅半熟蛋配咖央多士下午茶餐🤭 咖央多士勁香奶油味😋 蛋香滿滿，甜而不膩👍 加埋厚厚嘅一層牛油🤩🌟 超邪惡勁馥郁😚 多士烘得薄脆口感一流👍 整體非常高質🤭 另附上嘅半熟蛋超滑超嫩，入口鮮味十足，配搭醬油食用更添滋味😋 飲品㨂咗經典必飲嘅馬來拉茶🤩 甜奶味道出眾，飲落奶香濃厚，超滑超順口👍 加上恰到好處嘅茶香味道🥰 令人回味無窮🫶 還是口痕痕，就叫多咗個甜品🥴 㨂咗個椰汁芋圓❤️ 椰汁超香椰子味，同煙煙韌韌嘅芋圓神奇地合拍😳 食落甜甜地得黎帶點芋香，十分唔錯👍 裡面仲有綠珍多條條，口感一流👍👍👍
繼續閱讀
同朋友🙆🏼♀️一齊諗住食個early dinner，路過呢度，見到大大隻字寫住 Laksa，朋友🙆🏼♀️話有興趣試吓，咁就決定入去開餐🤣入到餐廳仲未夠 6pm，原來仲有 Tea Set，咁叫咗 $62「新加坡🇸🇬喇沙 Singapore Laksa」，有幾款飲品可以選擇，揀咗「馬來拉茶 Teh Tarik」🤣「新加坡🇸🇬喇沙」：喇沙湯底幾濃郁，有啲椰汁香味😋；材料有 開邊蝦仁🍤、魚蛋、魚片頭、豆卜、芽菜 等，都算幾豐富😂；喇沙麵條似乎係米線，夠晒滑😁「馬來拉茶」幾滑，仲甜甜哋😁$150「李派海南雞（半隻）Hainanese Chicken Lee Style (Half)」：海南雞 皮黃肉白肉質幾滑，仲有星洲黑醬油，辣醬、薑蓉可以沾雞食😋$72「炒通菜（蝦頭膏/馬拉盞/參醬）Stir Fried Water Spinach (Shrimp Paste / Belacan Sauce / Sambal)」：揀咗參醬，辣辣哋幾惹味🤣；通菜新鮮幾爽脆，份量都相當多😁
繼續閱讀
【$108雙拼雞飯+濃味喇沙🍜1個午餐夠2人飽】推薦指數： 🌕🌕🌕🌖🌑*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #上環 - 𝗟𝗲𝗲𝗟𝗮𝗸𝘀𝗮近排天氣凍，特別想食啲湯麵類嘅嘢🍜暖吓身！位於上環呢間星馬菜專門店，主打惹味喇沙麵& 海南雞飯🥢 午餐時段仲可以雙拼（Laksa +雞飯）配嘢飲，啱晒咩都想試吓嘅人～【𝗥𝗲𝘃𝗶𝗲𝘄 食評 💬】◐ 海南雞飯 拼 星加坡喇沙米線 $108｜8/10 🌟一次過滿足晒兩個願望嘅午餐套餐 ✌🏻海南雞好白嫩，唔會太多肥膏，配上三色醬汁（蒜蓉、甜豉油、辣椒醬）份量多到一個人食都有啲挑戰性🌝竟然仲有多個「迷你喇沙米線」‼️認真覺得朋友好醒，一次過就可以試晒兩個招牌菜式💥◐ 星加坡喇沙米線 $82｜8/10 🌟喇沙湯底非常之濃郁，個人覺得椰奶味偏重，對比起正宗星馬喇沙，辣到偏低，好適合BB班嘅我😂但食開馬來西亞喇沙嘅人，可能會覺得唔夠風味🥵🔥裏面有豆卜、蝦、魚片🥢 豆卜索晒湯汁非常之好食，米線煮得正常偏軟 ◐ 香茅青檸荔枝梳打（跟餐）午市跟餐，飲品可以揀啤酒、南洋咖啡、香茅橙茶、馬來拉茶、青檸紅茶、桔仔話梅水🥤選擇都幾多！呢個「青檸荔枝梳打」味道清爽，唔太甜 ◐ 椰青 （跟餐+$20）◐ 椰汁芋丸 $46｜7/10本身想嗌椰子雪糕，結果冇晒貨🙁🥥🍨最後揀咗椰汁芋丸，椰汁發打到至起泡，再加入芋圓etc 唔好睇個杯細細地，但係塞得好滿，好飽肚*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*𝗟𝗲𝗲𝗟𝗮𝗸𝘀𝗮🥢 @lee.laksa🚶 上環站A2出口，步行約5分鐘📍 上環皇后大道中302號地舖🏷️地區：#laymao_上環分類：#laymao_星馬菜*･･*:.｡..｡.:*･*:.｡. .｡.:* ･*:.｡. .｡.:*･゜ﾟ･*#hkig #hkigfoodie #hongkongfood #餐廳食評 #foodiehk #香港美食 #相機食先 #打卡推介 #週末假期好去處 #情侶好去處 #香港好去處 #上環好去處 #拍拖好去處 #外賣自取 #外賣推介 #香港打卡 #港女 #laksa #海南雞飯 #叻沙 #喇沙 #星馬菜
繼續閱讀
又到咗一月一度嘅月經飯時間，為咗方便呢位媽媽朋友可以快啲返屋企，我哋都係揀返喺公司附近嘅餐廳。今晚就試吓馬拉菜，平時行過都見到好多人嚟買外賣，應該都唔錯。我哋叫咗個串燒拼盤，原本個拼盤應該係有三款嘢食，包括魷魚鬚雞肉同埋蝦，但係因為魷魚鬚已經賣晒，所以變咗蝦同埋雞肉每樣兩串，佢嘅份量比我想像中大好多，串燒本身辣辣地，都真係好惹味。然後我哋原本想叫椰菜苗，不過又係賣晒職員就介紹我哋可以食佢哋嘅通菜。我哋揀咗蝦醬高炒通菜。佢個菜都好爽口，如果蝦醬都唔會太鹹，味道啱啱好。最後就叫咗個炒貴刁，呢個貴刁好得意除咗河粉之外，仲有一啲麵撈埋一齊炒，上面有蝦仁，都係辣辣地，同樣地份量都比我想像中大，其實我哋兩個人都食唔晒。而令我覺得最特別嘅係佢中間會有臘腸，甜甜地同個辣味中和返，味道都幾特別。
繼續閱讀
喺中上環行街行到攰🥵，醒起附近有間好食嘅馬拉菜餐廳😍。就行過去食啦，下午茶鐘數都好多人，呢度有新加坡嘢🇸🇬、印尼嘢🇮🇩等等。今次就嗌咗巴東牛肉配米飯、斑蘭咖吔多士、香茅青檸荔枝梳打🤤。.🐮巴東牛肉配米飯($85)份量非常多，一個人都未必食得晒。巴東牛肉味道非常惹味，小小辣🌶️，配埋旁邊啲小魚乾🐟，非常地道正宗。牛肉嘅口感都好嫩滑，非常送飯😍。.🥪斑蘭咖吔多士($28)一碟有四件多士，多士外皮烘到好脆口好香🔥。入面夾住一大片牛油🧈同埋斑蘭醬，超級邪惡😈。食落口好好味。
繼續閱讀