段純貞牛肉麵 (MONTEREY Place)

營業中

休息中

前兩日就去左舅父屋企附近既Monterey Place食台灣野段純貞 座位坐得舒服之餘 店員既服務都非常好 會簡單介紹有咩好推介 又幫我地開哂飲管 今時今日又咁嘅服務態度真係唔錯我地最後叫左店員推介既幾樣野 段純貞既牛肉麵曾經被台灣美食教父評為「五顆星牛肉麵 」實力非凡 我地當然要試試啦😋牛三寶手工麵湯底濃郁 係由多種藥材同牛骨熬成 牛筋牛肚同牛鍵都唔靱 配上粗身既手工麵 好有口感青花椒香手撕雞乾伴麵我本身比較鐘意花椒藤椒呢類既味道 所以我覺得香麻惹味 加上有青瓜絲花生等等既配菜同掛汁既幼麵 好岩呢個時候食雞湯炒手每粒入面都有大大隻蝦 爽口彈牙三星蔥花肉鍋餅蔥花餅岩岩煎起非常香口 配埋泰式辣醬 又出奇地match太極厚奶呢個係店員推介 入面有珍珠同蒟蒻晶球 好有咬口 我揀走糖 但都會有好輕微甜度 如果你都同我一樣唔鍾意飲甜嘢 可以選擇走糖 我覺得個味道啱啱好黑糖珍珠鮮奶舅父話唔錯 呢個組合都唔會出錯 係好飲既👍🏻環境食物同服務都唔錯 下次可以試下其他菜式